عاجل ( الحرد اولحرده )

[محمد الوهبي التميمي]

السلام عليكم ورحمة الله وبركاته
ياجماعه عندي بكره حقه اذا مشت تهابد بيدهاا اليمين وقالو لي الام المفاصل وعطيتها ابرة بس بدون فايده
وسمعت عن الحرد او الحرده واللي سمعت ان اعراض هالوجع اللي هو الحرد في بكرتي
وللمعلوميه فتشت الخف وسليم
نبي معلومات عن هالمرض
وعن اعراضه وتجاربكم الخاصه
وطريقة العلاج
او طريقة الكي وان وجد احد خبير في الكي عطونا رقم له

واشكر الجميع على المشاركه لتعم الفائده

[خالد سيف السيف]

جليميد الهاجري بو راشد

خبير كي

وهذا رقمه 0503968229

للأمانه أنا ماجربته ولكن كلٍ يمدح بصرته بالكي

تقبل مروري ,,,

[نواف الرافد]

يفيدونك الاخوان ان شاء الله

[ناصر محمد البريدي]

يفيدونك الاخوان ان شاء الله

[بخيت البريدي]

اخوي محمد وين مكانك انا بكويها

[سالم بن نويمي]

اخوي محمد قيد البكره وحطها في شبك صغير حتى يجيك الاخ بخيت البريدي ويكويها لك يمكن تسلم قبل الكي

[سلطان التركي]

اخوي محمد .
عادتن ما يكون تحديد هذي الاصابات بي اخذ اشعه وقياس نسبة الكالسيم
1-نقص كالسيم
2-يكون قطع الوتر
3-ارتخاء الاوتار
وعاده يكون علاجه علي فتره طويله بي وضع تقويم جبيره بلاستيكيه لمدة سته اشهر
مع اعطائها مضاد حيوي 2- كالسيم مع فسفور

[عيدالمنصورى]

الكي اسرع علاج لهذه الحاله

[زاهر العرجاني]

الاخ محمد

نعم مرض الحرده معروف عند البدو بان الناقه ترفع احدى يديها او الثنتين عند الممشى

وصارت عندي في ذلول كنت ادربها بالسيح وفجاءه صارت حردا وكان فيه سوداني باخس

وكواها من داخل الركبه على شكل مستطيل مقطوع بمطرق وريحناها وسلمنت ولله الحمد