من يفيدنا عن أبل الطرب

[ياسر الحربي]

السلام عليكم ورحمة الله وبركاته

اسعد الله مسائكم بكل خير

من يفينا عن أبل الطرب

هل هي المغاتير أو المجاهيم ولماذا سميت بهذا الأسم ؟

تحيااااااااتي للجميع ,,,

[عناد العتيبي]

السلام عليكم ورحمة اللة وبركاتة

على حد علمي

الوضح ابل الطرب

الشعل والصفر ابل الذهب

المجاهيم ابل العرب


وشكرا

[جدعان الجدعان]

السلام عليكم ورحمة اللة وبركاتة
كلام الاخ عناد صحيح بس بدون الصفر على حد علمي
وتقبلو تحياتي

[جدعان الجدعان]

اما بخصوص التسميه ترجع لالوانها واتمنا اني وفقت بالاجابه
وتقبلو تحياتي

[ياسر الحربي]

عناد العتيبي
جدعان الجدعان

شكرا لكم على مروركم وتعليقكم

الخلاف بين اهل المجاهيم واهل المغاتير

كل شخص ينسب ابل الطرب لأبله

ونريد التوضيح أكثر من اهل الخبره

والموضوع للنقاش مع الجميع

تحيااااااااتي لكم

[ياسر الحربي]

اما بخصوص التسميه ترجع لالوانها واتمنا اني وفقت بالاجابه
وتقبلو تحياتي




شكرا لك على المعلومة

[نواف الرافد]

ابل الطرب الشعل والصفر

[عناد العتيبي]

ابل الطرب الشعل والصفر


اجل ابل الذهب وشنهي؟

[سعود بن جبر]

ان كان النقاش بين اهل الوضحا والمجهم

فـ الوضح هي ابل الطرب

والمجهم ابل العرب

هذا حد علمي بالتسميه

[هاجد بن صنيدح السبيعي]

يقول بن جعوان صاحب الابل المعروفه
الطرب شقح يباريها ضعنا = لاغدى للورد هوبال وضبابه
والمتعارف عليه المغاتير بشكل عام والمقصود بالطرب هي الابل العجله

[فهد ال زبدان]

المغاتير ابل الطرب والمجاهيم ابل العرب
وسبب التسميه هو ان المغاتير بطبعها عجلات

[جدعان الجدعان]

السلام عليكم ورحمة الله وبركاته
اخواني ابل الطرب هي الوضح والسباب في زمن ماكن يجنيها الا الناس المقتدره على ثمنها وحميتها اي من يطرب
والشعل واعتقد معها الصفر للونها المقارب للذهب
والمجاهيم حتى وقتنا هذا اكثر الابر انتشارا في الجزيره العربه ولهاذا السبب يطلق عليها ابل العرب
وهذي كلها تسميت وكلن حلاه يطربه انباغا مجاهيم او وضح
وتقبلو تحياتي

[بدن بن فهد السبيعي]

المغاتير ابل الطرب والمجاهيم ابل العرب

وسبب التسميه هو ان المغاتير بطبعها عجلات

[نايف بن قويد]

يقول بن جعوان صاحب الابل المعروفه
الطرب شقح يباريها ضعنا = لاغدى للورد هوبال وضبابه
والمتعارف عليه المغاتير بشكل عام والمقصود بالطرب هي الابل العجله

نعم المقصود بالطرب الابل العجله
وكل عطايا الله تطرب اهلها من مغاتير ومجـــــــــــاهيم ..

[علي ال مرعي]

المغاتير ابل الطرب والمجاهيم ابل العرب.

[مبارك العبدلي]

ماذا قال الدويش عن المجاهيم ؟

سئل الشاعر خلف بن هذال في مجلة المختلف العدد 155 عن سبب إختياره للمجاهيم ؟
فقال : أنا أحب المجاهيم لأنها هي الإبل ، ولإن الدويش قال عندما مر على مجموعة من البدو وهم يسقون إبلهم على إحدى العدود ، فجلس على الطية يتفرج على الإبل وهي ورادة .
فوردت الوضح ، فقال : جاك الطرب .
فوردت الصفر أو الشعل ، فقال : جاك العجب .
فوردت المجاهيم ، فقال : جاتك العرب ، لأن فيها القرى والذرى وهي أم العرب .



تحياتي للجميع ...

[عبدالعزيز الفضلي]

حبايبنا

اسعد الله صباحكم بكل خير


اما انا شفت مقطع بلوتوث

ويمكن الكثير شا فوه


عن ابل مجاهيم مطوعينها اهل

والله ما قد شفت مثلها في حياتي

الحقيقه انهم تعبانين معها بالحيل

ومدري عن ثمة الي طوعها جعل ربي ما يعاقبه

تحياتي لكم

[نوار السبيعي]

اناااا مع ابل العرب وهي المجاهيم

ومخلين ابل الطرب لاهل الطرب المغاتير

[ياسر الحربي]

الله لا يهينكم جميعاً

على مروركم وتعليقكم المفيد

تحيااااااااتي للجميع ,,,

[محمد بن شريه المطيري]

المعروف ان الطرب هي العجله في الشديد والمرواح

واعجل الأبل هي الصفر والشعل ... اما الوضح فيها المشي لاكن ماهي مثل الشعل والصفر

والمجاهيم لكبر جرمها وحجمها فيصعب عليها المشي بعجله

وفي الطبع يطلق طرب

وبالمغاتير بصوره عامه اسهل في الطبع من المجهم . لان المجهم تكون عاصيه

والدليل .. في التضيير والعساف المجهم راسها يابس ما تطيع بسهوله مثل باقي الأبل

[محمد بن صنهات]

أبل الطرب
المغاتير لولفها وعجلتها
والمجاهيم هي أبل العرب

أما عن الممشى ولا طالت الشده المجاهيم ماينظلم حضها تعدى المغتر

وأنا شخصيآ أعرف راعي مجاهيم دوسري في وقت الربيع وعنده مناسبة غدا ذاك اليوم
ومجتمعين عنده أهل مغاتير من صفر وشعل وعفر صوب نجد
وتماروا بينهم بالهجيج من اللي بتروح ابله على الثاني
ووصلت تحدي بينهم فقام راعي المجاهيم معزبهم وعلق مفتاح الوايت السقس
في عمود البيت وقال ياهل المغاتير اللي منكم ابله بتروح على ابلي ياخذ السقس
والله مافيهم واحد تزهل بأبله ذاك اليوم
وهاذي ترجع على راعي البل اللي يطبعها على الهجيج دايم
وهل المجاهيم طبعهم يحبون الركاده ولاهم بواجد اللي يحبون الهجيج فيهم

[ياسر الحربي]

المعروف ان الطرب هي العجله في الشديد والمرواح

واعجل الأبل هي الصفر والشعل ... اما الوضح فيها المشي لاكن ماهي مثل الشعل والصفر

والمجاهيم لكبر جرمها وحجمها فيصعب عليها المشي بعجله

وفي الطبع يطلق طرب

وبالمغاتير بصوره عامه اسهل في الطبع من المجهم . لان المجهم تكون عاصيه

والدليل .. في التضيير والعساف المجهم راسها يابس ما تطيع بسهوله مثل باقي الأبل




لاهنت على المعلومات المفيدة
تحياااااااتي لك