المساعد الشخصي الرقمي

مشاهدة النسخة كاملة : خراج (يتجدد)

محمد الوهبي التميمي
10 / 07 / 2009, 34 : 01 PM
السلام عليكم ورحمة الله ,,,,,,,,بعد التحيه
يوجد عندي فحل عمره ثني كان فيه خراج بورك البعير المهم سويت له جراحه بنفسي واخرجت مابه من صديد
المهم بد يكبر الخراج مره اخر بشكل سريع وينزل صديد منه

وش الحل؟
هل اطلب دكتور يعمل له عمليه جراحيه
هل يوجد علاج شعبي مجرب

تكفون ياشباب الهمه واللي عنده شايب ياليت يسئله عن الموضوع
البعير رجله اللي بها الخراج تهز من شدت الاالم
فهد بن صلبوخ
10 / 07 / 2009, 43 : 01 PM
مرحبابك

والله يشفي بعيرك ان شاء الله

اما من صوب الخراج

انا قد جربت طال عمرك شفط سم بحت او الدواء الازرق (( البخاخ )) وكبيته داخل الخراج
مرتين ورا بعض يعني كل يوم مره من صوب السم اما من صوب البخاخ مافيه مانع اذا استمريت لين يسلم الجرح

والحمدلله سلمت وافتكت منه

وانا الحين عندي علاج جديد بجربه في بكره عندي بكره واذا فاد راح ابلغك به ..!


اما من صوب الكي فانصحك تخليه اخر شي وهو عباره عن حلقه على الخراج هذا اذا كان لين ماهو قااااسي

وسلاااامتك وعفااااك
نمرالشيباني
10 / 07 / 2009, 55 : 01 PM
عندي اضافه بسيطه

حط كريم ادارين علي الخراج

وراح يخف

الكريم عند البيطري

والله يشفيها
محمد الوهبي التميمي
10 / 07 / 2009, 14 : 02 PM
اخوي فهد
ولاخ نمر
الخراج حجمه كبير شوي شي منفتح ولاخر منتفخ وصار له مثل الروس الحجم 15 سم في 15سم
يعني الحجم كبير
خالد السقياني
10 / 07 / 2009, 27 : 02 PM
بالاضافة الى مشاركات الاخوان
لاتنسى ترش الخراج بماء مقري فية
وخل البعير يشرب منه
محمد بن شريه المطيري
10 / 07 / 2009, 46 : 02 PM
الخراج ماله الي اتغسله بمحل

وتسويله حلقه تكويه

الكي بطريقة تتحليق المكان حتي تصبح عليه أالدائر او مربع

المهم انه يتسكر من جميع النواحي حوالين الخراج وبأذن الله ما يطلع الخراج مره ثانيه
عبدالله بن فاضل السهلي
10 / 07 / 2009, 33 : 04 PM
أنت تقول نظفت الخراج من الصديد

انا صارت لي في أكثر البل والحمد لله وفقني الله ونظفتها ولا عاد رجعت
اللي انا سويته اني شقيت الخراج ونظفته من الصديد وغسلته بمويه وملح لين نظف , همن حشيته ملح وعويدي حشو لين امتلى الخراج
همن رشيته ببخاخ الازرق رش خفيف عشان مايطلع الملح والمسمار اللي في الجرح
عقبها الحمد لله ماعاد طلع
لكن تأكد انك غسلته بالملح ولا عاد بقى من الصديد شي
وعسى الله يشفي بعيرك
محمد الوهبي التميمي
14 / 07 / 2009, 21 : 07 PM
اعادة الموضوع لاهنتو والافاده
فيصل بن مرخان
14 / 07 / 2009, 24 : 08 PM
الخراج يصبر عليه لين يقسى ويشق ويخرج الي فيه ويغسل بماء وملح للتطهير وهناك طرق عديده تضاف مثل
ادخال شاهي بكيسه وبعد كم يوم يسحب و يخرج معه كيس الخراج كله
او اضافة سم
او عويدي
ويجب ان الي قوم فيها خبير في الامور هاذي
لاكن ابحث عن سبب الخراج امكن من المكعب واي شي ثاني

الصديد الي يطلع يجب ان يدفن بعيد عن المراح لانه يعدي البل
عبدالله بن فاضل السهلي
15 / 07 / 2009, 54 : 08 AM
الصديد الي يطلع يجب ان يدفن بعيد عن المراح لانه يعدي البل

جزاك الله خير على هالمعلومه والله انها جديده علي
صالح العتيبي
15 / 07 / 2009, 07 : 11 AM
محمد صب في خشم البعير نصف لتر زيت سمسم اصلي لمدة ثلاثة ايام و نتظر 15يوم بعد ذلك سيخرج جمع الصديد ولن يعود الخراج باذن الله حسب تجربتي الشخصيه
نواف الرافد
17 / 07 / 2009, 12 : 12 PM
اخو ي شق الخراج ونظفه من الصديد وحط ملح مكانها
محمد الوهبي التميمي
27 / 07 / 2011, 09 : 07 AM
مرحباً بالجميع بعد غياب طويل للموضوع
اخبار البعير
الورم ليس خراج ويسمى نويخس او الناسور
وديته لمستشفى الاحساء وعملو له العمليه
بعد أسبوعين كبر وبدى يمشي في ماخرت البعير
حالته تردت وتم بيعه قصب في ذالك التاريخ
النويخس يسمى سرطان الابل عند خبراء الباديه
واتمنى تجديد الموضوع لهذا الورم الخطير
عيدالمنصورى
30 / 07 / 2011, 29 : 08 PM
اخوي محمد النويخس من اصعب الخراجات بالابل
ويداوى بالمضادات الحيويه حقنا بالخراج مع عمل معاويد من طبخ الحنظل
وللمعلومه البعض يسلم والبعض الاخر لا