المساعد الشخصي الرقمي

مشاهدة النسخة كاملة : لأهــــــل الــــخبــــرة

ماجد العبدلي
13 / 03 / 2006, 53 : 01 AM
عندي ناقة راح عليها الوقت ولا بعد لقحت وانا ما خليت عنها شي الصيد جبت واحد وقال ما فيها شي وجبت البيطري ودخل عليها ونضفها ولا نفع صار تالي اجيبها للبعير ويعافها ودقيت با ابرة الجسرة الهولندية وحسبت لها عشرين ما بين لها عشار وضربتها ولها الحين 12 يوم ولا أدري لكن الناقة اشوفها تهدر وزايد شحمها وش الحل اذا فيه حل ساعدوني ترى ما عاد وقت ................!!!!!!!!


اخـــو كـــم

مـاجــد العزيــزي
عبدالله بن مطلق المزحمي
13 / 03 / 2006, 27 : 07 AM
ألاخ ماجد العزيزي

نسأل الله العظيم رب العرش العظيم ان يرزقنا وأياك الرزق الحلال

ويبارك لنا ولك

جب لك واحد فاهم ويعرف يقطع عن الناقه يمكن اللي جبته خبرته قليله
اذا الناقه حايل لازم يكون فيها صيد

ألامر الثاني

اذا كملت الناقه 14يوم وما عشرت

فيه طريقه مجربه وان شاء الله فيها خير وبركه وهي انك تسوق الناقه باالموتر لوحدها ما معها ولا ناقه
وخلها تعدي لمدة 10دقايق ثم ودها للبعير واضربها من ساعتها وافضل ان البعير يكون له يومين ما اضرب

ونسأل الله ان يبارك لك في ناقتك ويرزقك من بناتها

تحياتي
عبدالله بن مطلق المزحمي
مشعل اليامي
13 / 03 / 2006, 35 : 11 AM
اخ ماجد
زيادة على كلام اخي عبد الله اذا وديت الناقة عشان يضربها البعير خذ رشها بعطر يكون ريحته زينة (رخيص لا تاخذ من الغالي الا اذا هي تستاهل ) وهذا علشان البعير اذا شمها يشم ريح زين

اكسر الزجاجة ورشها على سنامها وعيزها


مشعل اليامي
سليمان المنتفجي
13 / 03 / 2006, 57 : 11 AM
أخي العزيز ما عندي زود على كلام الاخوان إلا إني أقول لك إذا ما لقحت هالسنه
خفف عنها العلف حتى ليا جاء وقت ضرابها تكون ضعفت وخف شحمها لأن عندي ناقه صادفت نفس الحاله وجربت كل الطرق ومانفع معها شي لما نصحوني بتقفيلها عن العلف ليما تضعف ونجحت ولله الحمد والحين تحتها بكرة جعل الله يرزقك مثلها
ماجد العبدلي
14 / 03 / 2006, 20 : 12 AM
عبدالله بن مطلق المزحمي

مشعل اليامي


سليمان


اشكركم يااخوان على الفائده

وعسى الله ان ينفعنا واياكم وان يبارك لنا فيما اعطانا
هلال الشيباني
18 / 03 / 2006, 00 : 09 PM
ماجد العزيزي

الشباب كفوا ووفوا
عيدالمنصورى
30 / 03 / 2006, 52 : 10 PM
ماجد العزيزى

عليك اولا اعطاءها ابرة هيام ثم بعد ذلك مضاد حيوى بودره ليسهل اعطاءه
للناقه مع الاكل لمدة اربع ايام على الاقل ولا تستهين بابرة الهيام فلو علمت كثرة مضار هذا الطفيلى
لما تركت واحده من ابلك بدون اعطءها ابرة هيام ونعدكم بشرح مفصل عن الهيام قريبا انشاء الله

ودمت
ماجد العبدلي
07 / 04 / 2006, 28 : 01 AM
السلام عليكم

الناقه جبت واحد من الربع وقص عنها صيد وابشركم الناقة معشر .

واشكركم على الفائده ........