الناقه فمها يصب ماء

[نايف المشعلى]

السلام عليكم ورحمة الله


سؤال لآهل الخبره

عندي ناقه فمها يصب ماء وجلست ساعتين و ماتت
الثانيه عطيناها علاج وابر وانشاء الله احسن

النياق لقحات

ما ادري وش العله

اهو من العلف (الوافي)

البل تاكل دمن الغنم مع اني مشبعها من الوافي

اللي عنده العلم يعلمنا جزاكم الله خير

بارك الله فيكم

[منذر الدوسري]

السلام عليكم

الظاهر ان الحراره زايده وانتقل المرض بين النياق

وللحد من انتشار المرض عليك استخدام (سلفه )

توضع في الماء وهي ممتازه وتفيد

اتمنى اني افدتك

[جدعان الجدعان]

وعليكم السلام ورحمة الله
اخوي اما ابلك تعطيها طياح مزارع مرشوش مبيدات حشريه او في نقص عندها بالملح والفيتامينات والدليل اكلها للدمن
والله اعلم (الاخ منذر شنو سلفه وجزاك الله خير)
وتقبلو تحياتي

[محمد الوهبي التميمي]

ناقه فمها يصب ماء
حاله غريبه
على العموم اذا كانت الناقه تزبد وتزنت
فااقرب احتمال لها انها تكون مقروصه
ولها حبوب عباره عن حبتين بينهم فرق ساعه
والله اعلم

[نواف بن جندل العازمي]

الناقه مقتثه اكلت زياده

انت معطيها وجبه برسيم او وجبه مشبعه قبل الوافي واقتثت

[نايف المشعلى]

السلام عليكم ورحمة الله وبركاته

جزاكم الله خير على ردودكم

الحمد لله البل طيبه الحين ولله المد

المشكله في الاعلاف والتخزين وحلينا المشكله

وكعلاج فكلام اخي منذر صحيح

والله يستر علينا وعليكم

والسلام