المساعد الشخصي الرقمي

مشاهدة النسخة كاملة : الناقه توهنت يالربع ساعدوني

عبدالله الجدعي
17 / 06 / 2009, 57 : 01 PM
السلام عليكم ورحمة الله وبركاته
يالربع جاري عنده ناقه خلفه كبيره
وبعد ماحصله هجيج للبله توهنت الناقه
ولاعاد توقف شلحل يالربع جاب ابره من الصيدليه ولافاد فيها
وامس العصر جاني وكانت من سدحه وقال ابيك تساعدني على تبريكها
وبركناها الناقه اكلها طبيعي لاكن ماتمشي
وارجو منكم المساعده
ولكم جزيل الشكر
اخوكم الجدعي
راشد العرق
17 / 06 / 2009, 45 : 02 PM
عليكم السلام ورحمة الله وبركاته

مرحبا ياعبدالله

فيه واحد من الربع توهنت عنده ناقه واستبركت مده طويله وشدوا من مكانهم وكانت الناقه حافره لها حفره من طول ابراكها

وقبل ما يشدون قالو نسحبها من الحفره ونخليها في مكان مستوي

وربطوها من ايديها وسحبوها بالسياره وطلعوها من الحفره وشدوا وخلوها وعندها علف وما يكفيها كم يوم

ويوم ثاني مر عليها واحد منهم ولقاها قايمه من حالها وماشيه

وقال هذا حل لمشكله الوهان للبل

وكل مره توهن عنده ناقه يسحبها بالسياره من يديها وهي على جنبها وتقوم الناقه عقب السحب

ويقول جربها مع اكثر من ناقه ونجحت وعلم ربوعه ويقول كلهم يشكرون عليه

هذا من تجربة بدوي بالصدفه وسارت طريقه عنده من واقع تجربه
عبدالله بن فاضل السهلي
17 / 06 / 2009, 05 : 04 PM
مفروض البل لا هججت مايخلونها اهلها تبرك على طول

رح للدكتور وخله يعطيك ابره ترخي الاعصاب
وكل يوم تمددون يدينها , مثل التمرين وشوي شوي عالناقه
هذا اللي انا اعرفه من خبرتي البسيطه والمتواضعه
مانع الدوسري
17 / 06 / 2009, 32 : 04 PM
مرحبا عبدالله الوهان له كوي

مطرق على العضود ورقمه فوق الكراسيع ورقمه في العلبى قفى الراس

ورقمه فوق عكرة الذيل

واي استفسار جوالي 0555686551
محمد بن شريه المطيري
17 / 06 / 2009, 06 : 07 PM
مع الأخ مانع

ابو حمد المعروف عن الوهان ان ناقته تاخذ 40 يوم باركه ما اتقوم

ولان قبل هذي المده عليك تمرين الناقه عن طريق دنه يربطها ويوقفها كل يوم ساعه الي ساعتين

لين يمشي الدم في رجولها والكي مثل ما تفضل مانع

وحصلت معي والحمدلله قامت الناقه بعد 40 يوم ولافيها الي العافيه
عايد الهاجري
17 / 06 / 2009, 19 : 07 PM
مرحبا عبدالله الوهان له كوي

مطرق على العضود ورقمه فوق الكراسيع ورقمه في العلبى قفى الراس

ورقمه فوق عكرة الذيل





اتفق مع اخوي مانع
عبدالله الجدعي
17 / 06 / 2009, 37 : 09 PM
بيض الله وجيهكم جميعكم
والف شكر لكم جميع على ماقدمتموه لي من مساعده
بالتوضيح ولكم تقديري واحترامي
محمد الوهبي التميمي
20 / 06 / 2009, 28 : 09 PM
السلام عليكم ورحمة الله جميعاً
اول شي اخوي عبدالله الوهان له علاج مواكد وانا لي تجربه خاصه مع الوهان
قبل سنتين كنت بسوق البل بالرياض الجنادريه ولقيت لي بكاار مزاين البيع فيها بااقيام عاليه
المهم وحده من البكار محد بغاها متوهنه المهم صلحت انا وراعيها وشريتها منه بقيمه طيبه ولاهي غاليه والرجال يبي يمشي لهله
المهم مالك بالطويله شورت لي شايب وعطاني الطريقه
قال لي سو لك ونش عباره عن ثلاث مواصير عاليه توقف بشكل مثلث وتركب لها الونش المهم ركب السبته على الناقه
وخلها متعلقه بالهواء لمدة نصف ساعه بداية النهار
وساعه اخر النهار
استمر لمدة ثلاث ايام مع زيادة الوقت كل يوم عن الثاني
وقتها نزل الونش للارض لين تلامس خفوف الناقه الارض
وبعدها راح تشوف النتائج
وهي عباره عن علاج طبيعي
وانشااء الله تشوف الناقه تمشي خطوه خطوه واحتمال انها تطيح بس لاتملون
ماتتم اسبوعها الا هي طيبه
اسف على الاطاله وهذي تجربتي
عبدالله الجدعي
23 / 06 / 2009, 34 : 10 AM
مشكورين على ماقدم توه من فوائد
لي وللخوان زوار المنتدى وشكرا للجميع
عيدالمنصورى
24 / 06 / 2009, 44 : 11 AM
كل اللي ذكروه الربع طيب وارشح اعطاء الناقه ابر بي كومبلكس
وذلك لمساعدتها على استعادة عافيتها وازالة الاجهاد العضلي
عبدالله الجدعي
30 / 06 / 2009, 39 : 08 PM
مشكورين على الافاده
والناقه فاديه اهلها
الله يعوضه خيرن منها
شكرا على مرور الجميع
فلاح المحميد
05 / 07 / 2009, 00 : 05 PM
مرحبا يالجدعي عسى الله يقومها

وضن الربع ماقصرو وكل ارائهم صحيحه