من مر علية مثل هذى الحالة

[فيصل العاطفي]

اخواني الاعزاء
عندي قعود كل صفرة مغرب ياكل عمرة من عندك الكتف بالتحديد لين يدميها ولايفك ايدة حتي يرغي ويبرك
وصار على ذالحالة من تقريبا اربعه شهور اذا احد عندة حل لايبخل علينا وبيض الله وجيهكم على كل حال
وللمعلومية القعود مزيون وابوة مبروكان المشهور وانا واللة قلت يمكن صايبتة عين افيدونا جزاكم الله خير

[محمد الوهبي التميمي]

السلام عليكم ورحمة الله كيف حالك يافيصل انشاء الله بصحه وعافيه
الحاله قد مرت على بكرة مجهم عندي تشابه لحالة قعودك
وقالو ان اللي في البكره اللي عندي هو السعار وهو ناتج عن عضة ثعل او كلاب اكرمك الله
صار طبعها غريب لحد انها مرابيع الحوش تعضها وتدمي جاها جنون
وسالت الدكتور هاك الوقت وقال انها غلاث وعطاني لها ابر بس للاسف ماتت البكره
واتمنى ان حالة القعود اللي عندك مو سعار
بس السؤال القعود مفكوك او بقيد
وانشاء الله الاخون يفيدونك ويفيدون اخوناا الاعضاء[/

[فيصل العاطفي]

وعليكم السلام والرحمة بخير وعافية يامحمد
القعود وان اخوك مربوط

[محمد الوهبي التميمي]

هلابك مره ثاني اخوي فيصل بسئلك اذا انت في مدينة الرياض بدلك على دكتور خبرته زينه واذا انت خارج مدينة الرياض بشر بااللي يرسل لك الادويه باي مكان بالمملكه او اقلها اعطيك الوصفه اللي بيكتبهاا لي وتاخذها من اقرب بيطري عندك اسرع للعمليه
وانا مستعد بااللي تامر به
والاخوان انا اشوفهم راكدين بالقسم البيطري
على العموم انتظر ردك

[سعيد بن محمد]

الاخ فيصل
مساء الخير
هاذي الحاله قد صارت في قعود عندي ..وفكيته يسرح مع أماته
ولا عاد عض روحه .. يمكن قعودك مثله .. جرب فكه مع أماته ولا تربطه .
وأنشاء الله ينسى العض.

هاذا حس تجربتي

[عبدالله الجدعي]

مساء الخير الجميع
الاخ فيصل بالنسبه لقعودك احب افيدك عن نفس الحاله ==
عندي قعود سنه لقي رابطه عند شبك البل قبل الربيع ولما جاء الربيع خليته مربوط عند راعي غنمي المنايح والبل معها فحل ثاني وربعت وهو مربوط وجاني الهندي وقالي انه يعض يده القعود وفعلا لقيته يعض يده وهو مربوط في رباطه
وقطع كتفه بالعض الى درجة انه يمشي دمه من يده وقمت طال عمر وحلقته تحليق كامل لقيت الخمله والقردان لاعبه فيه
وحلقته وغسلته بجره وماء طبعا وفركته بفيري انا والصبيان حتى نضفته صح ومن بعدها ولله الحمد اقسم بالله فلا جاء يده ولا عضها نهائي
جرب وحلق القعود وغسله بجره وفيري من الخمله والقمل وبذن الله تشوفه يركد ويفتك من ها العاده
والله الموفق ====
بالنسبه لعلاجات ترى ماعطيته اي شي وقالولي بعض الشباب دقه ببرت جرب ولا دقيت
وتقبل تحياتي

[فيصل بن مرخان]

اخي فيصل القعود مقهور من بعير ثاني يسرح مع البل او ان البل تسرح لحالها
وجرب الاتي

وعليكم السلام والرحمة بخير وعافية يامحمد
القعود وان اخوك مربوط

حاول انك تطلقه
مثل ماقال المجرب الاخ سعيد
الاخ فيصل
مساء الخير
هاذي الحاله قد صارت في قعود عندي ..وفكيته يسرح مع أماته
ولا عاد عض روحه .. يمكن قعودك مثله .. جرب فكه مع أماته ولا تربطه .
وأنشاء الله ينسى العض.

هاذا حس تجربتي

وممكن يكون ماقاله الاخ عبد الله صحيح بعد

مساء الخير الجميع
الاخ فيصل بالنسبه لقعودك احب افيدك عن نفس الحاله ==
عندي قعود سنه لقي رابطه عند شبك البل قبل الربيع ولما جاء الربيع خليته مربوط عند راعي غنمي المنايح والبل معها فحل ثاني وربعت وهو مربوط وجاني الهندي وقالي انه يعض يده القعود وفعلا لقيته يعض يده وهو مربوط في رباطه
وقطع كتفه بالعض الى درجة انه يمشي دمه من يده وقمت طال عمر وحلقته تحليق كامل لقيت الخمله والقردان لاعبه فيه
وحلقته وغسلته بجره وماء طبعا وفركته بفيري انا والصبيان حتى نضفته صح ومن بعدها ولله الحمد اقسم بالله فلا جاء يده ولا عضها نهائي
جرب وحلق القعود وغسله بجره وفيري من الخمله والقمل وبذن الله تشوفه يركد ويفتك من ها العاده
والله الموفق ====
بالنسبه لعلاجات ترى ماعطيته اي شي وقالولي بعض الشباب دقه ببرت جرب ولا دقيت
وتقبل تحياتي

تحياتي

[نواف بن جندل العازمي]

القعود اظن انه طول وهو مربوط ويبي يوالف البل

وايضا ممكن يكون لاعب فيه القراد ويبيله تسبيح

[ضيف الله الروقي]

نفس كلام أخوي سعيد بن محمد ونفس النتيجة %ولاهانو الأخوان

[بندر بن معيض المطيري]

قديكون مثل ما قالو الاخوان

او ان القعود هايج ولا اضرب

[فهيد الشهراني]

فيصل

انا اقول فكه معا ا ماته

ولا عاد تشوفه ياكل عمره

[محمد الفاضل]

اخوي فيصل قعودك انشالله مافيه اللا العافيه (قعودك اللي فيه حكر من الرباط فكه ويفتك انشالله ) لان الحاله ذي صارت عندي في قعود مربوط يعض كوعه لين يدمي وعقب مافكيته هون وصارت عاده اذا ربطته قام يعض روحه .

[فيصل العاطفي]

الاخوان الاعضاء جزاكم الله خيرررر
على التفاعل وبارك الله لكم في حلالكم

[عبدالله سعد العتيبي]

يكون مثل ما قالو الاخوان

او ان القعود هايج ولا اضرب

[محمد الوهبي التميمي]

مساء او صباح الخير اخوي فيصل بشرنا عن القعود عسى وضعه تمام
واتمنى انك تشوف هالمقطع وتقول وش وجه الشبه بينه وبين قعود لاهنت ونبي الربع كلهم يفيدونا عن الموضوع
http://www.youtube.com/watch?v=Z2T0R7xr_6M&feature=related

[فيصل العاطفي]

الاخ محمد لاهنت وبيض الله وجهك على الاهتمام الواضح بموضوعى وشكرا جزيل الشكر لكل من شارك من الاخوان

[نايف الحميداني]

مرحبا اخوي

والله الاخوان ماخلوولي شي كل الطرق الي ابي اقولها لك قالووها ولكن القعود انت ماتعطيه ملح ولا ترشه على حسب حالت البعير


او انه غلاث بس اتوقع انه مو غلاث لانك اذا فكيته ماصار فيه شي بس انت لما فكيته القعوود راح يتمرغ والا يرعى بس اذا انه تمرغ اكيد


انه من القراد والخمله والملح زين له


ولكم تحياتي

[وافي بن جابر آل نشيرا]

اسأل الله ان يشافيه.
ومن رأيي ان تخطم القعود و تقصر عليه اذا رجع من المفلا كم يوم مع علاج مكان الجرح بالمراهم والرش.
والله الموفق

[هلال الودعاني]

مساك الله بالخير اخوي اذا كان القعود لقي او جذع وحولة بعير ثاني مع البل فهذا طبعي وحاول تبعد واحد منهااااا

[جدعان الجدعان]

السلام عليكم ورحمة الله وبركاته
اخوي فيصل كلام الاخ عبدالله الجدعي صحيح وانا كان القعود ينصرع ترا فيه دود فرجوله
وحاصله عندي هالحاله
وتقبل تحياتي