سؤال لأهل الخبرة...؟

[صالح إبراهيم]

بسم الله الرحمن الرحيم

السلام عليكم ورحمة الله وبركاته

عندي بكرة حمراء جذعة لها أربع سنوات ومجسر (ميسر )

لكن جسمها صغير

ما أدري لو ضربها الجمل ما عليها ؟؟

أو نخليها سنة ثانية لعلها تزين وتكبر.

وشكراً مقدماً.

[خالد عبدالله السبيعي]

يا هلا بك يا صالح

مادام ان جرمها صغير

شوري لا تغضرها باللقاح وخلها للسنة القادمة ان شاء الله

واسأل مجرب سبق ومر بهذه التجربة

اخوك

[صالح إبراهيم]

الله يجزاك خير ومشكور على مرورك

[مسعود العماري]

انا رايي انك تضربها لانها الحين جذعة وما عاد ورى ذا السن كبر وزين بعد فاضربها لعل الله يرزقك منها الانتاج الطيب

[شجاع عمر الأكلبي]

بســــــــــــــــم الله الرحمن الرحيم



حياكم الله جميع


أنا عندي تجربه بهذا الخصوص ...............وأستلموا ولا هنتوا ولو أنه ماعاد بعد نصيحة أخونا الغالي خالد السبيعي كلام


مرة كان عندي بكرة وحمراء أيضاً بنت خلفه على حلها ويسرت والفحل جذع نشيط مايحقر شئ ماشفته إلا وهو في ظهرها مستشملها وأقلعته عنها بالقوّه ولكن حصل مالم يكن في الحسبان يوم وفا قروها إلا وهي معشر وكبرت وراحة
من أكبر أمهاتها جرم وسلامتكم

[صالح إبراهيم]

مشكورين يا أخوان على التجاوب

جزاكم الله خير.

[مشعل اليامي]

الاخ صالح
انا اشوف انه انت اللي تحكم على البكرة حسب جسمها بس سنها جذعه اشف انه عادي ما عليها خلاف وان خليتها ما فيه اشكال عليها
والراي الاول والاخير لك


اخوك

مشعل اليامي

[صالح إبراهيم]

أخوي مشعل مشكور على مرورك

وقررت إني أخليها سنة ثانية

والله يسهل اللي فيه خير