المساعد الشخصي الرقمي

مشاهدة النسخة كاملة : عاجل للأهميه . ناقه حالتها غريبه

محمد المحرمي
26 / 05 / 2009, 55 : 12 AM
http://www.mzayan.com/vb/images/uploads/4006_19494a1b0fa6be655.JPEG




السلام عليكم ورحمة الله وبركاته


يالربع عندي ناقه مدري وش صابها اول مره اشوف العوق الي بها . الناقه عشرا من 5شهور وحالتها مثل ما تشوفون . قبل كانت تلف وتدور كنه الطير وبعدين ارقبتها مالت شوي , مع العلم ان اكلها وشربها كان عادي و بعرها اعزكم الله عادي بس يوم تردت ماتقوم الا شوي وترجع لمناخها .

مع العلم ان الناقه اول بكرها هذا الي ببطنها

يبنا لها الدكتور قال عطوها بي 1 . عطيناها يومين ما لاحظنا تغير في حالتها , مدري وش السوات .
يالله دخيلكم ترون وش ذا العله ؟!
عبدالعزيز العبدالله
26 / 05 / 2009, 46 : 02 AM
بإذن الله تجد العلاج المناسب

http://www.mzayan.com/vb/showthread.php?t=1614
محمد بن حمد القحطاني
26 / 05 / 2009, 59 : 07 AM
السلام عليكم

يا سبحان الله

حياك اخي

بصراحه الحاله هذي صارت عندي في فحل

كان عندي بالمزرعه

وكويناه عكس أحنراف الرقبه

ومالت بعد 5 ساعات إلى الجهه الثاني

وبعد ذلك كويناه من الجهه الثانيه بعد

بس بدون جدوا وبعد ذلك ضربناها بأبره يقولون ان اسمها ابرة الطير

ولاكن بدون جدوا

وبعد ذلك بيوم مات البعير

الظاهر إن أعلاجه صعب ولا بعد وجد

والي عنده خلفيه يزودنا عن هذا المرض الله يكفينا ويكفيكم شره

ودمتم بخير
محمد المحرمي
26 / 05 / 2009, 18 : 09 AM
يعطيكم الله العافيه بيض الله وجيهكم . وبيض الله وجيهكم . وان انشاء الله الاخوان ما يقصرون .
اخوي محمد الله يعوضك بالخير ان شاء الله .

مشكورين على مروركم الطيب
سليمان الحربي
26 / 05 / 2009, 28 : 10 PM
اخوي محمد الناقه عندها كسر في رقبتها او فتل في العصبه اللي على سرجوف الرقبه
عاين على العصبه في محلها على قرات الرقبه فهي مكسوره رقبتها وإذا العصبه مايله
حاول تعدلها مع مد الرقبه للمام ومن ثم اكوها على جانب العصبه
محمد المحرمي
27 / 05 / 2009, 57 : 02 AM
مشكور اخوي سليمان عالمرور . والله يكتب الي فيه الخير ان شاء الله . ع العموم الناقه اليوم صحت شوي وحالتها احسها تحسنت شوي واشوفها مقبله عالماء اكثر شي . بس الي هامني ارقبتها ان شاء الله ترجع زي الأول . والاخوان جزاهم الله خير ما قصرو , بيض الله وجيهكم جميع مره ثانيه
عمار بن خلف الشكرة
27 / 05 / 2009, 57 : 03 AM
الله يكتب اللي فيه خير إن شاء الله ..

والله يكفينا شر ذا المرض
طارق حمود الجهني
27 / 05 / 2009, 00 : 08 AM
أنا أعرف واحد عالج حوار من مرض أبو طير وذلك بالكي
أولا كية تحت الأذن من كل الجهتين
وكية على اليد بمحاذات الإبط من داخل

ولا أتذكر هل هو كوى صليب على قلة الحوار ولا لا؟؟؟

لكن المهم الحوار سلم كنه طلقة عقال
فهد الأحمد
27 / 05 / 2009, 07 : 09 AM
أرحب يا محمد

حصلت عندي حالة مشابهه لناقتك ولكنها أقل شوي
كويتها بمطرقين بمحاذات الأبط ولكن للخارج طبعاً من الجهه اليمين
وأبشرك زان حالها.

وأبشرح الحالة في موضوع الأخ مبارك المري
أسأل مجرب ولا تسأل طبيب.
مبارك راشد
27 / 05 / 2009, 06 : 10 AM
صباح الخير على الجميع
أظن والله العالم أنه يقاله (قصر) أما بالنسبه لعلاجه تكوى الناقه بمطرقين من يمين ويسار مع مطلع الرقبه لكن الصوره توحي انه متمكن لكن بأرادة الله مافيه شي مستحيل
محمد المحرمي
28 / 05 / 2009, 31 : 12 AM
الله يجزاكم خير على مروركم الطيب والله يكتب الي فيه خير .

كان لنا نصيب فيها ولا الحمد لله على كل حال .

ومشكورين ثاني مره على مروركم العطر
محمد بن حمد القحطاني
29 / 05 / 2009, 07 : 07 AM
اخي محمد المحرمي


ياليت توفينا بأخر المستجدات

وعسى الناقه تشافت

ولك تحيتي
منذر الدوسري
29 / 05 / 2009, 46 : 08 AM
الله يكتب اللي فيه خير إن شاء الله ..

والله يكفينا شر ذا المرض
محمد المحرمي
30 / 05 / 2009, 12 : 01 AM
والله الناقه طال عمرك لا زالت على وضعها الي تشوفه .
بس التحسن الي صار عليها طفيف من ناحيه الرقبه , اما اكلها يزيد يوم بعد يوم .

صار لي الحين من بديت معها ابر ( corebral ) حوالي 4 ايام (20سم )

اما بعرها اعزكم الله يابس شوي ولونه متغير شوي . كأنها منغثه من بطنها .

والله يالربع خايف ان حالتها عسره شوي.

واذا حالتها تحسنت بإذن الله اعلمكم ومشكورين على اهتمامكم .
فيصل العاطفي
30 / 05 / 2009, 54 : 09 AM
اللة يشفي الناقة اخوي المحرمي
ولايخسرك ولاعلى اخوانا المسلميين
محمد الوهبي التميمي
30 / 05 / 2009, 15 : 11 PM
الله يكتب اللي فيه خير إن شاء الله ..

والله يكفينا شر ذا المرض
محمد بن حمد القحطاني
31 / 05 / 2009, 24 : 12 AM
اخوي اذا بتاخذ رايي

ريحها ونحرها

والله يعوضك ازين منها ان شااءالله

لان هذا المرض مثل ما قلت لك ما ينفع فيه لا واجد ولا شوي

والله يكون بعونك

ولك تحيتي