سوال في الابل عندي بكره أضربها البعير

[صالح ابراهيم البديوي]

السلام عليكم ورحمة الله وبركاته

مساكم الله بالخير كيف حالكم ان شاءالله بخير

عندي بكره لقيه وباقي عليها شهرين وتدخل جذعه هذا الكلام في شهر 1 محرم نوختها للبعير واضربها وكما تعرفون البكره ماقد ضربت
وضهر منها الدم وصبرت 15 يوم ولا تشاول ولحقتها 5 ايام وثم فكيت البعير واضربها ثانيه والغريب ضهر منها دم مرة ثانية خفت عليها قلت لراعي لاتفك البعير ثاني مرة اخاف انها مجروحه مضت الفترة وحديتها على البعير ماتشاول وتركتها
المهم
هنا السوال
البكره ارتخت ونزل بطنها وديوسها عبت او امتلات هذا قبل شهر رحت الخميس هذا ولقيتها تغيرت وعلامات لقاح لكن الغريب اني فاك البعير مع البل ولا تشاول حتى اذا شمها البعير ماتشاول والبل كلها تشاول الا هي
من مر عليه الحاله هاذي

افيدوني جزاكم الله

[مشاري العتيبي]

السلام عليكم ورحمه لله وبركاته ...


اخوي صالح/


انا اعرف رجال عنده ناقه ضربها البعير وماشاولت وبعد فترة بان اللقاح وهي ماتشاول للبعير

[فهد الأحمد]

أعرضها على بغير غيرة وبتشاول بإذن الله

[بدر العازمي]

مع الاخ فهد

[صالح ابراهيم البديوي]

السلام عليكم ورحمه لله وبركاته ...


اخوي صالح/


انا اعرف رجال عنده ناقه ضربها البعير وماشاولت وبعد فترة بان اللقاح وهي ماتشاول للبعير

ياهلا مرحبا اخوي مشاري
الحمدالله الله يجزاك خير

[صالح ابراهيم البديوي]

أعرضها على بغير غيرة وبتشاول بإذن الله

ياهلا ومرحبا اخوي فهد
ابعرضها على بعير غيره بس ماحولنا بعير في الفترة هاذي
وجزاك الله خير

[صالح ابراهيم البديوي]

مع الاخ فهد

حياك الله اخوي بدر
ابي اجرب ان شاءالله اعرضها على بعير غيره قريب وان شاءالله تشاول
وجزاك الله خير

[علي ال مرعي]

وكما تعرفون البكره ماقد ضربت
وضهر منها الدم

اخوي صالح الدم ماهو علامه طبيعيه والعجوم تضربها الركاب وماتدمي اما بالنسبه للقاح اذا مالها الاثلاث شهور ماتبين علامات اللقاح ميه في الميه وانا ارجو ان تكون لقحه لكن احيانا اذا سمنت الناقه وتعافت يكبر بطنها ويصير لها دفعه حتى لو مهي بلقحه.

[احمد العطاوي]

مع كلام الاخ علي لأن علامات اللقاح توها ما تظهر خلال هذه الأشهر
واتمنى انها لقحه منا لقبل رمضان ويبين معك كل شئ
وأن لاقدر الله وماكانت لقحه أظهر عليها بيطري قبل الضراب لأن الدم اللي ذكرت اتوقع انه من رحم الناقه يكون فيه ارتفاع والله يوفقنا وياك

[صالح ابراهيم البديوي]

وكما تعرفون البكره ماقد ضربت
وضهر منها الدم

اخوي صالح الدم ماهو علامه طبيعيه والعجوم تضربها الركاب وماتدمي اما بالنسبه للقاح اذا مالها الاثلاث شهور ماتبين علامات اللقاح ميه في الميه وانا ارجو ان تكون لقحه لكن احيانا اذا سمنت الناقه وتعافت يكبر بطنها ويصير لها دفعه حتى لو مهي بلقحه.

ياهلا والله وحياك الله اخوي على
واسف جدآ وارجوك انك تعذرني على عدم الرد كنت مشغول
جزاك الله خير وماقصرت

[صالح ابراهيم البديوي]

مع كلام الاخ علي لأن علامات اللقاح توها ما تظهر خلال هذه الأشهر
واتمنى انها لقحه منا لقبل رمضان ويبين معك كل شئ
وأن لاقدر الله وماكانت لقحه أظهر عليها بيطري قبل الضراب لأن الدم اللي ذكرت اتوقع انه من رحم الناقه يكون فيه ارتفاع والله يوفقنا وياك


ياهلا ومرحبا وحياك الله اخوي احمد
واسف جدآ وارجوك انك تعذرني على عدم الرد كنت مشغول
جزاك الله خير وماقصرت

[جدعان الجدعان]

السلام عليكم ورحمة الله اخوي صالح

كما قالوا الخوان خلال هالفتره مايمدي يبن عليه خصوصا اذا كانت بكر وحاول تعرضها على فحل مو موالفته اذا كانت
القحه بتشاول بأذن الله وهذا ما اتمناه اذا لا شوفلك بيطري لان في التهاب يكون فالرحم ماتشوفه لو فتشت عنها وهذا
حصل عندي وانا اعتقد انها سمين بالحيل وعلاجه اذا كانت بالحاله اللي مرت علي التضعيف وخلط مرا مطحونه مع ماي
لمدة يوم الكميه علبهة مياه معدني الحجم الكبير مرا واحده . واتمنا لك الخير والتوفيق. تقبل تحيلتي

[محمد بن شريه المطيري]

لا اختلف مع كلام الأخوان


لكن بوضح كم شي عساه يكون مفيد

بالبدايه البكره ممكن يكون فيها حفا بالرحم او جرب بالرحم او البعير جرحها

بالنسبه للديد مفاهو مقياس للقاح بالوقت هذا الأبل تكبر ديودها وخاصه الحيل منها

يجيها ديد كأنها لقحه وهي ماهي لقحه وهذا شي عادي مع تغيير الوبره والحر

وديدها راح ينزل البكر ان كان مافيها صيد رد البعير عليها وليا صارت ثنيه ادخل عليها وافتش رحمها


عسى الله يكتبلك الي فيه الخير

لاكن انها لقحه فماهي لقحه لانه اللقحه تخاف البعير من على بعد سواء كان في مراحها ولا في مراح اخر

الخوف في قلبها ولا عليها من الولفها لبعيرها

وخاصه انها بكر فتخاف البعير بشكل اكبر من النياق الأخري

[عايد الهاجري]

الله واعلم انها لقحه

الله يبارك لك ان شالله