تسجيل الدخول

مشاهدة النسخة كاملة : عاجل عيد المنصوري انقلبت المقاييس

عبدالعزيز المحمد
30 / 04 / 2009, 42 : 11 PM
ياعيد انت ذكرت في موضوعك انك تعطي الحوار بي ون + اي سيلينيوم بالاضافة الى الحديد لكي يتحسن الحوار
واعراضه خمول وقلة نشاط ورقبته راده على ورا بشكل غريب من يوم جاه المرض واول كانت رقبته تمام بعدين تورم المفاصل وخاصة عرقوب الرجل اليسرى +يعفص ايديه وهو واقف يعني كيف مايوقف على الخف لا يقلبها ويوقف عليها
المهم عطيته الدوا قبل امس لانه يوم ايه ويوم لا ولكن النتيجة الحوارتدهورت حالته وتعب وهو مايقدر يقوم يالله يالله يقوم ويضلع من ايده ورجله والحين حالته حرجه وتعبان جدا

وش السواة يالربع
الحوار غالي جدا وعمره شهرين او اكثر
عبدالعزيز المحمد
30 / 04 / 2009, 43 : 11 PM
ياعيد اكمل العلاج ولا اوقفه وو اللازم اعطيه
عيدالمنصورى
07 / 05 / 2009, 48 : 07 AM
الحوار بحاجة فيتامينات سائله
اما بالنسبه للتورم والمشي عادي
عايض بن خجيم
07 / 05 / 2009, 57 : 01 PM
الله يشفيه ولا يخسرك ياعبدالعزيز
لاحق فهد العتيبي
07 / 05 / 2009, 25 : 09 PM
الله يشفيه ولا يخسرك ياعبدالعزيز
عايد الهاجري
07 / 05 / 2009, 55 : 09 PM
اخوي عبدالعزيز

والله واعلم ان الحوار فيه ادوام

وانشد يمكن انه صحيح ويبيله كي

وكي الدوام يحلق على اليد من تحت فوق الخف والرجل مثلها بخلف

والله يشفيه
عبدالعزيز المحمد
18 / 05 / 2009, 28 : 09 PM
ارحبو يالله حيهم
لاهنت يابن خجيم وتسلم على المرور
الله يعطيك العافية يا بوفهد
مرحبا ياعايد الله يسلمك والله ياخوك مدري لكن الحوار ما قام توهن له خمسة ايام
عبدالعزيز المحمد
18 / 05 / 2009, 31 : 09 PM
هلا يابو احمد
الحوار طال عمرك فحصته والنتيجة فيه التهاب لان لقينا المناعة مرتفعة
والحديد ناقص بشكل حاد
المهم اعطيه الحين له 4 ايام بنسلين وحديد مع احماض امينية اسمه هيمو .....
لكن ماتحسن الحوار مايقوم له 4ايام متوهن لكنه يرضع وقت الرضاع نوقفه ونكون ماسكينه لانه اذا فكيته ايطيح
عبدالعزيز المحمد
20 / 05 / 2009, 42 : 07 AM
الحوار فيه تشنج في ايديه ورجليه يعني منشد الاعضاب عنده وهو متوهن
وهو بارك ما يقوم له اسبوع حاليا وتحس انه مايتحكم في اطرافه ومتشنجه طرافه
يالربع الي عنده حل يفيدنا
عبدالله العلي
20 / 05 / 2009, 24 : 10 AM
السلام عليكم ورحمة الله وبركاته
اخوي اول شي حلل الحوار ممكن عنده نقص في بعض الاشياء والشي الثاني اعراض الحوار هو دوام والله اعلم وفيه ناس تكويه من مفصل الرقبه تحت الجمجمه من مفصل الراس وفيه ابره منشطه للحوار اذا لقيتها في الصيدليات كويس وعندك كوربرال تبع الاعصاب والله يفكه لك انشاء الله وترى وانا اخوك بعض الناس ماتعطي خير من تالي صار الناس فيها شفقه زايده عن حدها والعيون حاره مايملا عيون بعضهم الى التراب الله يكرمك ويكرم الموجودين .

اخوك ..... عبدالله
عبدالعزيز المحمد
20 / 05 / 2009, 11 : 11 PM
هلا ياعبدالله
الله يجزاك خير ياعبدالله شكرا
بس فصلي كيف الكوي