وش رأيكم ... مر عليكم كذا .

[صالح إبراهيم]

السلام عليكم ورحمة الله وركاته

أخواني فيه جمل عمره ثني


لكن المشكله إنه ما يعرف يضرب


يوقف فوق الناقة وينزل زوره عليها ولا يثني رجليه


وإذا ثناها تكون بعيده ولا يقدر يضرب ، وأحياناً يبرك جنب الناقة


وش رأيكم وش الحل فيه ( السكين ) ؟.

ترا الجمل عادي ماهو من المزايين لكن الوضع غريب شوي.

[عبدالله بن مطلق المزحمي]

الاخ صالح ابراهيم

ود بعيرك وخله يشوف بعير يضرب وبعدين شف فعله

او يمكن ان بعيرك فيه مرض في عراقيبه ولا يقدر يبرك على الناقه

وانت تابع البعير اذا جاء يبرك بروكه عادي ولا لا

تحياتي

المزحمي

[صالح إبراهيم]

عبدالله بن مطلق المزحمي


أشكر لك مرورك وتعليقك


البعير عراقيبه سليمة ، يمكن لأنه ماشاف بعير يضرب.


أشكرك مرة أخرى

[ابراهيم الجرباء]

الاخ صالح
الظاهر ان حلك هو الصحيح وعساها خيرة
تحياتى ------------

[مشعل اليامي]

اخي صالح

بعيرك في مرض الذيبة خل الدكتور يكشف عليه

او خله مثل ما قال اخوي عبد الله يشوف بعير يضرب ثم شف وقعه

تقبل تحياتي


مشعل اليامي

[فارس بن محمد]

السلام عليكم


حط للبعير شبك جنب بعير يضرب لمدة اسبوعين وبعدين شف وضعة ...........والله الموفق

[راشد العرق]

المشكله بسيطه وانا اخوك
اذا فشح البعير الغشيم على الناقه يقوم راعيه بتعليمه وشلون ينسل على الناقه ولا يبرك عليها
بحيث يقوم بمسح ذكر البعير من الخلف من اسفله وبهذه الطريقه يعلم البدوا قعدانهم على انها تنسل واذا انسل ذيك الساعه يجب عليك التاكد من انه استشمل ولا الله لا يهينك اشمله حتى يتعلم البعير وبعدين ماراح يحتاجك تساعده

[عبدالرحمن عبدالعزيز]

الاخ صالح

انا عودت قعودي بطريقه بسيطه جبت واحد من المفاريد اللي اشوفه كل يوم فاحش على امه وخليته يبرك على الناقه ويوم شافه القعود قومت المفرود وجاء القعود وضرب ومن يومها وهو الحمد لله يضرب على حاله هي اول مره بس ومن عقبها خلاص
بس انتبه للقعود لا يذبح المفرود

وتقبل تحياتي

[صالح إبراهيم]

أشكركم أخواني على تفاعلكم

دمتم بخير وعافية.