اللي عنده سوال عن زيان الابل ما عدا المجاهيم [الأرشيف]

عبدالله بن مطلق المزحمي

25 / 12 / 2005, 21 : 10 AM

أخواني هاذي مشاركتي الاولي في المنتدى الطيب واللي كنت اتابعه من مده طويله

وأحب أن أعرض لكم خدماتي مثلا اللي عنده سوال عن الابل المزايين واوصافها

واللي يباني أعلق على صوره عنده أنا حاضر

لاني صراحه حباني الله بمعرفة الابل واحب ان أفيد أخواني وهذا من زكاة العلم
ولا ابغى منكم الا الدعاء

تحياتي
عبدالله بن مطلق المزحمي

عبدالله العازمي

25 / 12 / 2005, 49 : 12 PM

الله يحييك يابن مطلق المزحمي انا عندى سؤال اذا كنت تعرف عن الابل الباكستانيات شلون انتاجهن ياجت على المغاتير والا الصفر يقلبها والا شلون تصير طريقتها

عبدالله بن مطلق المزحمي

25 / 12 / 2005, 58 : 01 PM

الاخ عبدالله

ألابل البكستانيه أكثر الوانها مجهاهيم وحمر
ومن أوائل من جابها للخليج الملك خالد عليه رحمة الله
وهيف القحطاني
البكستانيه في عذاريب منها انها ما تمشي اي بارده
وتعرف ان البدو ما يحبون الا الناقه المشايه والعجله
البدوي طال عمرك يبا يوم يشد يشوف اباعره ما تسبقها اباعر
ولا يبا اذا سرح او شد ناقته ما تمشي لين يضربها بالعصا
اويطردها بسيارته

وثانيا
ان أكلها كثير

أما الضراب وانا اخوك ما جربنا لانا ما نقني الباكستانيات
واذا بغيت تعذرب في بعير واحد او ناقته قل ان ساسه باكستاني

وقصة الرجال راعي البعير الاوضح اللي وصل لمليون وستميه
ما تخفاكم وشلون طلعت عن بعيره شايعه ان اصله باكستاني
مما سبب له مشاكل وخساير

وتحياتي

عبدالله بن مطلق المزحمي

عبدالله العازمي

25 / 12 / 2005, 29 : 02 PM

كفيت ووفيت يالمزحمي

خالد المطيري

25 / 12 / 2005, 19 : 04 PM

يمرحبا والله أخوى عبدالله بن مطلق المزحمى حياك الله بالمنتدى الطيب وانشاء الله انك تفيد وتستفيد

تحياتى لك

اخوك خالد المطيرى

خالد محمد التميمي الحربي

25 / 12 / 2005, 10 : 10 PM

الاخ عبدااله عزالله انك ماقصرت ومن النادر ان نجد مثلك وفقك الله ورزقك على نيتك المباركه

اخي عبدالله الله لايهينك وش قولك في هاالناقه

http://www.w6w.net/upload2/25-12-2005/w6w_2005122514042109d03269.jpg

http://www.w6w.net/upload2/25-12-2005/w6w_20051225140833e67c9c9d.jpg

نايف المشعلى

26 / 12 / 2005, 41 : 09 AM

السلام عليكم

ابي رايك بها القعودين....الأوضح جذع عمره ثلاث سنوات و عشرة شهور ....والقعود الأشعل حق عمره سنتين.

http://www.w6w.net/upload2/26-12-2005/w6w_20051226013720687d34c7.jpg
http://www.w6w.net/upload2/26-12-2005/w6w_200512260138132cb1afd7.jpg
http://www.w6w.net/upload2/26-12-2005/w6w_200512260138571e100442.jpg
http://www.w6w.net/upload2/26-12-2005/w6w_2005122601393578c5d296.jpg

نبي رايك فيهم .. ونبي نعرف طيبهم من رداهم..

أبو مشعل

عبدالله بن مطلق المزحمي

26 / 12 / 2005, 56 : 09 AM

ألاخ خالد الحربي

الله يوفقنا وياك

ويعلم الله اني ما دخلت في هذا الموقع الطيب ألا للافاده والاستفاده
وما دخلت على شان اعذرب في حلال خلق الله وكل حلال الناس
عندهم غالي

ولكن من طلب رايي ابا اعلمه والله بالحقيقه ,

اولا النياق مبروكات ولكن ياخوي فيهن عذاريب وتعتبر من النياق اللي من متوسط وتحت

ثانيا اباعرك ما فيهن شي يميزهن عن الابل

-الروس عاديه واذانيهن واقفه ولكن الناقه الاوله سبالها زين
الارقاب رديه قصار وتعانجهن
الوانها غير مرغوبه
اسنمتها متقدمه
غربها رديه

واسمحلي يا الحربي

تحياتي

عبدالله بن مطلق المزجمي

عبدالله بن مطلق المزحمي

26 / 12 / 2005, 28 : 10 AM

الاخ ابومشعل

الله لا يهينك على طلبك رايي

يقولون البدو الولد والقعود مخلفين العهود ,وانا مدري انت تباهن فحول ولا بيع
الفحول با بو مشعل كايده يعني لا زم تكون عارف ابوه وامه واخواته

القعود الاوضح صورته غير واضحه ارسل صوره ثانيه

اما القعود الحمر

قعود عادي ما يفحل

راسه ردي
ورقبته رديه
وغاربه ردي

وسنامه متقدم

وعرقوبه اركز

تحياتي

المزحمي

نايف المشعلى

26 / 12 / 2005, 48 : 10 AM

شكراً على ردك ... البعير الأوضح هذي بعض صوره على هذا الرابط وشكراً

http://www.mzayan.com/vb/showthread.php?t=1086

عبدالله بن مطلق المزحمي

26 / 12 / 2005, 12 : 11 AM

الاخ نايف المشعلي

فيه بعض البعرايين شكله وسط ولكن طرحهه ذهب يرجع ياخوك للساس
وقعودك هذا اذا تبا تفحله لازم تكون شايف ابوه وامه واخواته وانا

من رايي انك لاتضربه اباعرك الا كان وحده ولا ثنتين وتخليه لين
تشوف بناته

القعود وسط في كل شي

وما عجبني غاربه وموقع سنامه وجرمه وتصاغر راسه
مثل قلتلك
لان الحين راع البل يتعب سنه كامله ضراب وعلف وعمال ووقت
يبا طال عمرك يوم تلد ناقته الا بنتها خيار

تحياتي

المزحمي

نايف المشعلى

27 / 12 / 2005, 18 : 10 AM

الأخ عبدالله
السلام عليكم

بالنسبة للقعود الأوضح أبوه وأمه من اباعر سعود الماطر الرشيدي...وأبوه الفحل بويضان...وهو انشاء الله سيكون فحل ابلي القادم
بالنسبة للقعود الأشعل فأبوه اهو جمل عماش بن جزاء الحربي وأمه من خيار الابل ... وحسب اراء بعض خبراء الابل انصحوني بتفحيله.

وشكراً على رأيك ومنكم نستفيد..

أخوك / نايف المشعلي

عبدالله بن مطلق المزحمي

27 / 12 / 2005, 03 : 11 AM

ألاخ نايف المشعلي

نسأل الله ان يبارك لنا لك في المال والحلال أما ما ذكرت ان ساس القعود الاوضح من ابل سعود بن ماطر
فأن ابل سعود بن ماطر ابل ما فيه حكي مزايين وقد حصل على المركز التاسع على ما اظن العام والسنه هاذي
لم يحالفه الحظ .
اخي نايف أعرف كثير من اهل الابل المشهورين ومن اللي يفوزون بالمراكز المتقدمه في المزايين وبعارينهم
بالملايين وابلهم كذلك ولكن يجي مقهورهم عادي وما هوب شرط ان كل بعير طيب تفحل اعياله

أما القعود الحمر
.
(بالنسبة للقعود الأشعل فأبوه اهو جمل عماش بن جزاء الحربي وأمه من خيار الابل ... وحسب اراء بعض خبراء الابل انصحوني بتفحيله)

القعود اخي العزيز
حسب نظري انه ما هوب اشعل القعود حمر
واذا حسب قولك خبراء الابل نصحوك بتفحيله ,أبغى منك شي واحد انك تسألهم ويش اللي معجبهم في القعود وش عذاريبه
لاني يعلم الله وانا قلتها لك اني ما دخلت الموقع عشان اعذرب في حلال الناس ولكن اخي انت شاورتني وانا قلتلك رايي
واذا أخطئت فمن نفسي والشيطان واذا أصبت فمن الله وحده

وابغا انصحك نصيحه مجرب لا تضرب ناقتك الا بعير متأكد من ساسه ومن طرحه

وتقبل تحياتي

المزحمي

تركي العتيبي

27 / 12 / 2005, 36 : 11 PM

أخوي عبدالله المزحمي..

أسعد الله أوقاتك بكل خير.. وأدام الله عليك نعمه.. وجزاك الله ألف خير..

ومن استشارك علمه بالرأي اللي يبرئ ذمتك أمام الله وخلقه..

وأعلم أن إرضاء الناس غاية لا تدرك.. وأتكل على الله في جميع أمورك..

وياليت تستمر معنا في هذا المنتدى لتتم الإستفادة من آرائك إن شاء الله..

وتقبل شكري وتقديري لهذه البادره الطيبة من قبلكم.. ودمتم أخاً صادقاً للجميع..

والله الموفق.. وبه نستعين..

أخوك تركي العتيبي

عبدالله بن مطلق المزحمي

28 / 12 / 2005, 44 : 07 AM

تركي العتيبي

الله لا يهينك ويطول عمرك على طاعته
ونسأل الله العظيم ان يوفقنا لما يحبه ويرضاه ويوفقنا
لمساعدة اخوانا وللاستفاده منهم والافاده لهم
انا ياخوي عندي مبدا انه من شاورني اقوله اللي اشوفه
بدون مجامله لانه من شاورك يكون في ذمتك

وحصل لي انه في ناس اهل اباعر شاوروني في بعض
اباعرهم وانا قبل لا اقولهم شي قلتلهم انكم يارجيل
اعرف في اباعركم مني ولكن اصرو على ان اقولهم

رايي ,ويوم قلتلهم رايي في اباعرهم اشوف انفوسهم
شانه والسالفه يمكن صار لها سنه,
يعني يمكن انك تبا الخار (الخير) ويجيك شر

لذلك انا ما اقول رايي في اباعر احد الا بعد
ان يشاورني راعي البل ويطلب رايي

,انا عندي خبر يا تركي ان الناس محد يقدر يرضيها

ولكن ان شاء الله ان النيه خالصه لوجه الله

أخوكم

عبدالله بن مطلق المزحمي

عبدالله العازمي

28 / 12 / 2005, 49 : 08 AM

اخي المزحمي ياريت لو تقيم النياق هذى تقييم مالى كم يسون يعني اللى يبي يشترى كم يشتريها تراهن ثنتين
http://www.mazadalhrbi.com/album/00852.JPG
http://www.mazadalhrbi.com/album/00853.JPG
http://www.mazadalhrbi.com/album/00850.JPG
http://www.mazadalhrbi.com/album/00845.JPG
والبكرة هذى انا واقف عليها يوم تسام
http://www.mazadalhrbi.com/album/00810.JPG
http://www.mazadalhrbi.com/album/00813.JPG
http://www.mazadalhrbi.com/album/00811.JPG

عبدالله بن مطلق المزحمي

28 / 12 / 2005, 23 : 10 AM

الاخ عبدالله العازمي

الصور اللي ارسلتها واجد لو انك خليتها وحده وحده كان زين

الصور ابا اعلمك عنها كلها مرة وحده ولكن انت ما وضحت انت تباهنه تقنيهن ولا تبيعهن

الابل مبروكات

فالزين الابل وسط ولا فيهن شي يميزهن عن الابل الاخرى
شفت صورهن وعدت علاهن ما فيهن شي يعني يجذب
والاسعار تختلف من وقت لوقت

أما البكره الوضحا الظاهر انها لشريطي

محسنها ولكن زاد وحلق حتها هامتها

تحياتي

المزحمي

خالد عبدالله السبيعي

29 / 12 / 2005, 18 : 12 AM

الأخ الكريم عبدالله المزحمي

أسعد الله أوقاتك بكل خير وأدام الله عليك نعمه وجزاك الله ألف خير

كلنا يعلم أن ارضاء كل الناس غاية لا تدرك

وكلنا يعلم أن من استشارك دخل في ذمتك

ويقولون في الأمثال من طرق الباب سمع الجواب

وأنت هنا تتبرع للرد على استفسارات من لديه سؤال عن مواصفات الإبل وزينها وشينها

من باب الإفادة بما تملك من معلومات وخبرة والأستفادة بما يطرح من نقاشات وأسئلة

نتمنى منك الاستمرار في هذا الجانب والله يبارك فيك ويجزاك خير

ولا يسعني إلا أن أتقدم لشخصك الكريم بالشكر الجزيل على هذه البادرة الطيبة منك

وأستميح اخواني مشرفي القسم بتثبيت الموضوع

أخوك خالد السبيعي

عبدالله بن مطلق المزحمي

31 / 12 / 2005, 46 : 01 PM

الاخ خالد السبيعي

الله لا يهينك على الرد الطيب ولا هو غريب عليكم ياسبيع الطيب والرجاله
ولا قصور في القبايل الثانيه

وان شاء الله نستمر في الموقع اللي يعد من افضل المواقع اللي تهتم في تراثنا الاصيل

والله يعافيك على كل حال

وللعلم المشاوره وطلب رايي اهل الابل امر ضروري لان الرجال مهما وصل من العرف والفهم
لابد له من مشاورة الرجال اللي لهم باع طويل في مجال الابل

واذكر سالفه لواحد مايشري الا جمله ونظره طيب وينقز عيون الابل

اشترا ناقع بثلاثميه وسبعين الف وتسام عنده الحين بثلاثين الف

والكمال لله سبحانه وتعالى

تحياتي

عبدالله المزحمي

ابراهيم الجرباء

25 / 01 / 2006, 58 : 08 AM

الاخ الفاضل عبد اللة المزحمى
تحية طيبة واشكر لك ماتبذلة من جهد فى الرد على استفسارات الاخوان فى المنتدى واسال الله لك التوفيق
واسمح لى بهذة المداخلة
كما تعلم ياخ عبدالله انك تطبق المواصفات الزينه على النياق مائة بالمائة وهذة المواصفات لاتوجد الا عند ناس معينين ويعدون على الاصابع ومعروفين-- وعموم الناس تمتلك ابل فيها بعض مواصفات الزين يجب الاخذ بها على العموم -
لا احب اطيل عليك ولك منى اطيب تحية وتقدير

عبدالعزيزالشتوي التميمي

26 / 01 / 2006, 59 : 03 AM

السلام عليكم

الله يعطيك العافيه

والله يجزاك خير ويعطيك على قد نيتك

اخي عبدالله الاحظ ان عينك شرهه وخبرتك عاليه ماشاء الله تبارك الله

بس ترى وانا اخوك مهوب كل الناس عندها استطاعه

تشري ابل مثل الطهيمي والا فنجال

لأن متطلباتك والمواصفات اللي انت تقولها

مستحيل تلقاها الا عندهم ولاهوب اي ناقه بعد يمكن فيه شي مايجوزلك..

عبدالله بن مطلق المزحمي

26 / 01 / 2006, 48 : 01 PM

الاخوان
ابراهيم الجربا
نقا هشال

الله لا يهينكم على الكلام الطيب اللي كتبتوه

ونسال الله العظيم أن نكون عند حسن ظن الجميع

وعندي علم ان ما هو كل الناس عندها استطاعه تشتري الناقه الخيار

ولكن يجتهد الرجال قدر أستطاعته
واذا جاء يشري ابل يبتعد عن الناقه
كثيرة العذاريب ويهد له فحل منتج ويترجى الله

سنه وسنتين الا عنده انتاج لاباس فيه

تحياتي

المزحمي

ماجد الروقي

26 / 01 / 2006, 24 : 05 PM

السلام عليكم ورحمة الله وبركاته

اخي رايك يهمني عطني رايك في هالبكرتين

http://www.mzayan.com/vb/images/uploads/1379_2817943d8da1f20a57.jpg

http://www.mzayan.com/vb/images/uploads/1379_2817943d8da1f30833.jpg

عبدالله العازمي

26 / 01 / 2006, 54 : 10 PM

اخى الكريم عبدالله بن مطلق المزحمي

ممكن تشوف الناقة هذى وشهو جنسها وشنو احلى مافيها نبي نظرتك لها
http://www.mzayan.com/vb/showthread.php?t=1046&highlight=%C8%C7%DF%D3%CA%C7%E4%ED%C9

خالد الخالدي

27 / 01 / 2006, 03 : 01 AM

تحية طيبة لجميع الأخوة أعضاء وزوار المنتدى .
الأخوة أصحاب النظر وأخص بالذكر الأخ عبدالله المزحمي ، رايكم بهالبكرة . وهل يحرص على أبوها كفحل منتج (( على قد الحال ! )) .
مع شكري وتقديري لاستجابتكم بالرد مسبقاً ،،،،

http://www.mzayan.com/vb/images/uploads/563_715943d944304b5fc.jpg

عبدالله العتيبي

27 / 01 / 2006, 19 : 04 AM

السلام عليكم ورحمة الله وبركاته
الى اخوي ابي منك تفيدني في طفحان وضعت صور له واضحة جداً وهوللأنتاج ماهو للبيع ومن نسب طيب جداً لكن ودي اعرف رايك فيه وجزاك الله خيراً على سمو الأخلاق والكرم والأفادة.

عبدالله بن مطلق المزحمي

29 / 01 / 2006, 43 : 09 PM

الاخ ماجد الروقي

اشكرك على ثقتك فيني ونسال الله العظيم رب العرش العظيم ان يوفقنا واياك لما
يحبه ويرضاه

ثانيا
صراحه ما ودي اقولك راي في البكره لان فهمي في المجاهيم ما يأهلني للرد
والحكم على المجاهيم

ولكن ألاخوان أهل المجاهيم فيهم الخير والبركه يقدرون يجاوبونك على اسئلك
والظاهر من صورك أنها غير واضحه

لان الواحد قبل ما يحكم على المطيه لابد ان تكون صورتها واضحه
يعني تصورها وهي واقفه وغير ملتفته حتي الواحد يشوف المطيه
ويحكم علاها زين

ولك تحياتي

المزحمي

عبدالله بن مطلق المزحمي

29 / 01 / 2006, 51 : 09 PM

ألاخ عبدالله العازمي
الناقه مبروكه وفيها عذاريب ظاهره
1-السنام متقدم
2-الرقبه رديه
3-اذنها واقفه
4-الناقه غير سخيفه
5-سنها كبير
6-تصاغر راسها

راعي الناقه لا يضربها ألا بعير سنامه على وروكه ورقبته خيار
وترجا الله

تحياتي

المزحمي

عبدالله بن مطلق المزحمي

29 / 01 / 2006, 01 : 10 PM

ألاخ خالد الخالدي
اشكرك على ثقتك فيني ونسأل الله ان نكون عند حسن ظنكم
رأي في البكره مبروكه ونسأل الله ان يبارك لك

1-السنام مندفن شوي
2-عرقوبها ردي
3-ذيلها طويل
4-مطلع رقبتها ردي
5-جرمها ادون شوي
6-تصاغر راسها
7-أذنها واقفه

أما أبوها ما حطيت صورته ولكن البعير اذا عدا البكره امها احرص عليه
وثانيا أمها لها دور

هذا رايي
فأن أصبت من الله وأذا أخطئت من نفسي والشيطان

تحياتي

المزحمي

عبدالله بن مطلق المزحمي

29 / 01 / 2006, 06 : 10 PM

ألاخ عبدالله العتيبي

صورة البعير غير واضحه للحكم علاه,واذا عندك صوره واضحه ارسلها
صور البعير اذا عطاك جنبه يعني يكون واضح حتى نشوف جنبه
ووجهه ورقبته وغاربه وموقع سنامه وعرقوبه
وصورتك غير واضحه

ونسأل الله ان يرزقك من بناته

تحياتي

المزحمي

سعود بن منصور القحطاني

18 / 02 / 2006, 57 : 10 PM

اخوي عبداللله وش رايك في الحوار ولادته 6/12 وابوه رمان
[http://www.l22l.com/uploads/eb495044de.jpg (http://www.l22l.com)

عبدالله بن مطلق المزحمي

20 / 02 / 2006, 31 : 07 AM

ألاخ سعود القحطاني

نسأل الله أن يبارك لنا ولك

حسب ما يظهر من الصوره الحوار خده غير عريض خشمه غير طويل
أذنه واقفه وكبيره ورقبته تقاصرها وتعانقها وجنبه قصير
أما ذيله غير واضح أما لونه زين ووبرته زينه والحوار متسند

واذا تبغا ترسل صورة ابوه وامه عشان نحكم علاه أكثر على كيفك

فاذا أصبت فمن الله واذا أخطئت فمن نفسي والشيطان

وشكرا على ثقتك

تحياتي
عبدالله المزحمي

علي بن عبدالرحمن العتيبي

20 / 02 / 2006, 48 : 03 PM

أخوي عبدالله

شكرا لك لمساعدت بعض الأخوان

لكن حنا نعرف للبل
الناقه المجهم الزينه اللي اذنها مرتكزه فووووق
والمغتر اللي اذنها راجعت (ن) ورى

وانت حطيت عذروب بالبكره المجهم وهو اذنها مرتكز لا والله هذا الزين

وشاكر لك ولا تزعل مني

تحياتي لك

علي بن عبدالرحمن العتيبي

20 / 02 / 2006, 51 : 03 PM

البكره شفتها اذنها راجعه ورى ماهيب واقفه

عبدالله بن مطلق المزحمي

20 / 02 / 2006, 17 : 10 PM

ألاخ علي العتيبي

شكرا على تعليقك

وانا ياخوك ما علقت على البكره المجهم وارجع لردي وشفه زين

أما الزعل ويش اللي يزعلني وما حصل الا خير

ولكن ارجع للرد وتأكد زين

تحياتي
المزحمي

حسن الشبيب

23 / 02 / 2006, 28 : 09 AM

اللة يصبحكم بلخير

هذي اول مشاركة لي وابغى رايكم في هالمبروك واخص الاخ المزحمي من غير قصور فيكم يالربع

وانا احاول انزل صورة ثانية اذا قدرت واعذروني تراني عليمي

[IMG]http://www.mzayan.com/vb/images/uploads/1436_850743fd55ddeac00.jpg[/img

عبدالله بن مطلق المزحمي

27 / 02 / 2006, 17 : 09 AM

السلام علبكم ورحمة الله

ألاخ حسن الشبيب

في البدايه اشكرك على طلب رأيي ونسأل الله ان يبارك لنا ولك

أذا بغيت تفحل بعير في اشياء مهمة لازم تنتبه لها ضروريه جدا جدا
لان الفحل هو العمود الفقري حق الابل
الفحل حدا ثنتين أما يعمر الابل او يدمرها
عشان كذا لا يضرب ناقتك بعير ألا متأكد من انتاجه وشايفه زين
او بعير ساسه طيب وتكون عارفن ابوه وامه واخواته لان يااخي
الناقه لقاحه سنه غير الحيوانات الاخرى يضرب الفحل
وتلقح سنه وترضع سنه سنتين وانت تتعب
لذلك أشتر الفحل الطيب أو فيه طريقه ثانيه انك تنزل حول
أهل البعارين الطيبه وتضرب عندهم وترجا الله

أما بعيرك
فيه عذاريب واجد وانا وجهة نظري أنك ما تضربه أباعرك
لأن هذا البعير ما فيه شي يجذب

وجه البعير عادي جدا
البعير له قبعه
واذنه رديه
ماله سبال
الرقبه قصيره وعنقا
مطلع رقبته رديه
البعير ما هو متسند (متساوي)
جنبه قصير
جرمه صغير
كذلك اللون

هذا رايي وأذا اصبت من الله واذا أخطئت فمن نفسي والشيطان

تحياتي
المزحمي

خالد الخالدي

07 / 03 / 2006, 12 : 11 PM

الأخ عبدالله ،،
تحية طيبة ،، وأشكرك لجهودك الطيبة ...
بحكم خبرتك هل ل (( الطمشة )) تأثير على جدع الفحل .
يعني : هل يفحل القعود الأطمش ؟ لاسيما إذا كانت خواته سالمه (( ماهو أصل )).

عبدالله بن مطلق المزحمي

09 / 03 / 2006, 43 : 07 AM

ألاخ خالد الخالدي

السلام عليكم ورحمة الله وبركاته

حاول قدر المستطاع ان تفحل بعير سالم من العذاريب قدر المستطاع
وأذا ما قدرت أنزل حول أهل البعارين الطيبه وترجا الله

أما أذا بغيت رأي في أنك تضرب أباعرك بعير اطمش
رأيي لا تضربه أباعرك خوفا من انتاجه لا يجي مثله

وبعض البدو يقولون ( البعير ساس نفسه ) وكلامهم صحيح

واجتهد أنك تشري بعير طيب سالم العذاريب

أو اشتر قعود من أهل البل الطيبه يكون سعره مناسب وترجا الله

ونسأل الله أن يوفقنا وأياك لما يحبه ويرضاه

تحياتي
المزحمي

خالد الخالدي

10 / 03 / 2006, 35 : 08 PM

الأخ عبدالله المزحمي ،،،
تحية طيبة .... وبعد
هذه صورة للقعود الذي أثار سؤالي السابق لك . وش رايك ندور غيره وإلا نصبر ونترجى الله ؟ علماً أن سن القعود سنة تماماً ((مفرود )) .
ومشكور على الرد مسبقاً . والمجال مفتوح لجميع الأخوان للمشاركة بالرأي .
ودمتم سالمين ،،

عبدالله بن مطلق المزحمي

10 / 03 / 2006, 18 : 10 PM

ألاخ خالد الخالدي

الله يبارك لك في قعودك ويرزقك من بناته

ولكن صورته غير واضحه

قم بتصوير القعود صوره كامله وكذلك صور ابوه وامه واخواته

واذكر ساس ابوه

حتى نقدر نعطيك الراي مضبوط

وتحياتي لك
عبدالله بن مطلق المزحمي

سليمان المنتفجي

13 / 03 / 2006, 13 : 12 PM

السلام عليكم
أخي العزيز عبدالله
بغيت رايك في هالفحل اللي بالموضوع
اللي فالرابط هذا
http://www.mzayan.com/vb/showthread.php?t=1228

مع العلم ان له انتاج كااايد وعجل بالحيل وخبرك البدوي يحب الناقه العجله بالسير

عبدالله بن مطلق المزحمي

14 / 03 / 2006, 19 : 07 AM

الاخ سليمان

نسأل الله ان يبارك لنا ولراعيه

الصور لم تظهر وحاولت كذا مره

وتراني عليمي في الكمبوتر

حاول ترسلها مره اخري

تحياتي
عبدالله بن مطلق المزحمي

عبدالله العازمي

14 / 03 / 2006, 14 : 01 PM

هذى صورة الفحل حق سليمان يا المزحمي
http://www.lahdah.net/uploads/6577bb4f90.jpg
http://www.lahdah.net/uploads/501f81e158.jpg

سليمان المنتفجي

15 / 03 / 2006, 17 : 12 AM

هذي الصور مره ثانيه يابو مطلق

http://up4.w6w.net/upload/14-03-2006/w6w_200603141211096ce8d8f3.jpg

http://up4.w6w.net/upload/14-03-2006/w6w_2006031412152344694d56.jpg

خالد الخالدي

15 / 03 / 2006, 11 : 03 PM

الأخ عبدالله ،،،
تحية طيبة ..... وبعد
هذه صور للقعود وأحدها إعادة للصورة السابقة .
أما أبوه وأمه فالحقيقة إنها بعيدة جداً عن مكان وجودي الآن ، ولايوجد لها صور لدي .
أما أبوه برمان على قول راعيه ، وهذا سبب سؤالي السابق عن مايتميز به إنتاج رمان .
وأبوه من إبل محمد بن سعود الكبير ( رحمه الله ) جايه وهو مفرود.

http://www.mzayan.com/vb/images/uploads/563_147564417ffe2b36a1.jpg

http://www.mzayan.com/vb/images/uploads/563_37524418006dc2277.jpg

http://www.mzayan.com/vb/images/uploads/563_2079044180322c0c2c.jpg

عبدالله بن مطلق المزحمي

16 / 03 / 2006, 05 : 07 AM

الاخ عبدالله العازمي

شكرا على المساعده

اخوك
عبدالله بن مطلق المزحمي

عبدالله بن مطلق المزحمي

16 / 03 / 2006, 20 : 07 AM

الاخ سليمان
نسأل الله أن يبارك لنا ولكم

البعير مبروك

ولكن فيه عذاريب كثيره وصدقت البعير هذا بناته مشايات وعجلات مافيه شكك

وأنا من وجهة نظري أخي سليمان

أنك تدور لك فحل غيره لأن وقتنا ماهو مثل وقت أجدادنا مبطي يبون الناقه اللي ديدها مركن وحليبها واجد
ولا يهمهم شكل الناقه

أما في وقتنا هذا تغير فكر الناس وقاموا يركزون على الزين

حتي أنه قال لي أحد المشاركين في مزايين أم رقيبه أنه ما يدور الزين
كان أقوله كيف فيه أحد ما يبغى الزين قال نعم أنا ابغى شي فوق الزين

البعير فيه عذاريب واجد

وتحياتي
عبدالله بن مطلق المزحمي

عبدالله بن مطلق المزحمي

16 / 03 / 2006, 43 : 07 AM

ألاخ خالد الخالدي

شكرا على وضع الصور

أما ساس رمان معروف

الوضاح الزين
الرقاب الطوال
الخشوم الطوال
الخد غير عريض
الوبره معرشه

أما العذاريب
السنام المتقدم
الجرم تصاغره ولاهو كلها
ولاتجي طوال

القعود وسط وترا الصوره وانا تظلم بعض المرات

رايي أصبر عليه سنه ولا فيه مانع |أنك تدور قعود افضل لأن الناس الحين اللي عنده
4فحول واللي عنده 10فحول
وضروي انك تكون شايف أمه ,ابوه وأخواته وهل أخواته مثله ومنان جاته الطمشه

لأن الفحل ياخوك كايد وأنا ودي بالشي اللي يصلح لأنا وقعنا في أخطاء كثيره
ولا ودنا ان الناس تاقع في مثل ما وقعنا فيه

وثانيا فيه بعير يصلح عند ناس ولا يصلح عند ناس اخرى
مثل واحد اباعره تسام على 200الف وعلى 300الف لابد أن البعير
يسوى ملايين
أما اللي اباعره تسوى 10الاف ريال ولا 15الف ريال
لو يشتري بعير مائة الف ريال يسده

ولك جزيل الشكر على طلب رايي

تحياتي

عبدالله المزحمي

خالد الخالدي

18 / 03 / 2006, 38 : 03 PM

الأخ عبدالله ،،،
تحية طيبة .... وأشكرك لتكرمك بالرد ، وانتظر مني رسالة .
دمت سااااااااااااالماً .

هلال الشيباني

18 / 03 / 2006, 51 : 08 PM

عبدالله بن مطلق المزحمي

الله لا يهينك علي الموضوع

عبدالله بن مطلق المزحمي

19 / 03 / 2006, 45 : 09 PM

الاخ هلال الشيباني

الله لا شينك

تحياتي
عبدالله بن مطلق المزحمي

عبدالرحمن عبدالعزيز

16 / 04 / 2006, 27 : 08 AM

الاخ عبدالله

السلام عليكم ورحمة الله وبركاته وبعد

لقد ارسلت لكم رسالة على الخاص فارجوا استلامها وبانتظار الرد منكم مشكورا" .

وتقبلوا تحياتي

عبدالله بن مطلق المزحمي

16 / 04 / 2006, 27 : 10 AM

الاخ عبدالرحمن عبدالعزيز
وعليكم السلام ورحمة الله وبركاته

الرساله وصلت ورديت عليها

وتقبل تحياتي
المزحمي

سعود بن منصور القحطاني

02 / 05 / 2006, 35 : 04 PM

اخوي عبدالله ولا يهون الاخوان ابغى رايك في الحوار العفر عمره أقل من أربعة أشهر 6/12/1427هـ أبوه الفحل رمان لأبو عادل المطيري
البكرة الشعلا دون الاربعة اشهر على الفحل ساقان لابو عادل المطيري

http://www.l22l.com/l22l-up-2/ecb63252b7.jpg (http://www.l22l.com)
صورة للحوار مع امه وترى امه عليها وسم السدارى

http://www.l22l.com/l22l-up-2/b755bee5c7.jpg (http://www.l22l.com)
البكرة الشعلا
http://www.l22l.com/l22l-up-2/9af9e72f96.jpg (http://www.l22l.com)

ومشكور مقدما زرايتك بيضا

عبدالله بن مطلق المزحمي

04 / 05 / 2006, 06 : 09 AM

ألاخ سعود بن منصور القحطاني

السلام عليكم ورحمة الله وبركاته

حسب ما يظهر من الصوره الحوار خده غير عريض خشمه غير طويل وماله سبال
أذنه واقفه وكبيره ورقبته تقاصرها وتعانقها وجنبه قصير

والظاهر أنك أرسلت صورته لي يوم كان عمره شهر

ونسأل الله أن يبارك لنا ولك يابو منصور

تحياتي

المزحمي

عبدالله بن مطلق المزحمي

04 / 05 / 2006, 08 : 09 AM

ألاخ سعود

أما البكره صورتها غير واضحه

أرسل صورتها مره ثانيه وابشر بالخير

تحياتي
عبدالله بن مطلق المزحمي

نمر العتيبي

05 / 05 / 2006, 40 : 10 AM

الاخ / عبدالله مطلق المزحمي
تحيه طيبه وبعد وينك ماسمعنى راييك فيما كتب في موضوع (( ملاحظه للاعضاء والمشرفين )) عسى المانع خير ,, وين ردك على الرسلة التي ارسلتها لك على الخاص ,,

عبدالله بن مطلق المزحمي

07 / 05 / 2006, 00 : 11 AM

ألاخ نمر العتيبي

أسمحلي على التأخير

بسبب ظروف خارجه عن الاراده

أما بخصوص الرساله الخاصه أن شاء الله تشوفه في رسايلك الخاصه

ولك تحياتي

المزحمي

سلطان الحربي

16 / 05 / 2006, 01 : 08 PM

مساكم الله بالخير
الله يعطيكم العافيه على هذا الموضوع الطيب وحبيت اسال عن كيفية ادراج الصور
الله لايهينكم

سلطان الحربي

16 / 05 / 2006, 10 : 08 PM

11111111111111111111111111

سلطان الحربي

17 / 05 / 2006, 03 : 10 PM

مساكم الله بالخير
الله يعطيكم العافية على هذا الموضوع الطيب وحببت اخذ رأيكم ورأيكم يهمني وخاصة الأخ أبو مطلق ولايهون الإخوان اللي بالمنتدى من مشرفين وأعضاء ورأيهم يهمني بعد.....
وش رايكم بالبكار الوضح وش عذاريبها
أخوكم / سلطان الحربي

http://www.mzayan.com/vb/images/uploads/1664_21592446b7e0eadcea.jpg

عبدالله بن مطلق المزحمي

18 / 05 / 2006, 24 : 08 AM

ألاخ سلطان الحربي

يامرحبا بك وحياك الله بين أخوانك وربعك وسأل الله أن يبارك لنا ولك ولجميع المسلمين

والظاهر من صورك أنها غير واضحه

لان الواحد قبل ما يحكم على المطيه لابد ان تكون صورتها واضحه
يعني تصورها وهي واقفه وغير ملتفته حتي الواحد يشوف المطيه
ويحكم علاها زين وأذكر سن البكار

ولك تحياتي

المزحمي

عبدالعزيز المطلق

21 / 05 / 2006, 00 : 03 PM

السلام عليكم

مساكم الله بالخير جميعاً

ابي رايكم في هالخلفات و يهمني رايك يا ابو مطلق ولا يهونون الاخوان

http://www2.f900f.com/pic/f900f.com_06052115141380740.jpg

http://www2.f900f.com/pic/f900f.com_06052115203121200.jpg

http://www2.f900f.com/pic/f900f.com_06052115364234562.jpg

http://www2.f900f.com/pic/f900f.com_0605211540498529.jpg

http://www2.f900f.com/pic/f900f.com_06052115415317749.jpg

http://www2.f900f.com/pic/f900f.com_06052115453165236.jpg

http://www2.f900f.com/pic/f900f.com_06052115491238470.jpg

وشكراً

عبدالعزيز المطلق

21 / 05 / 2006, 09 : 03 PM

واذا تقدر تعطيني سعرها التقريبي لا هنت

وجزاك الله خير

عبدالله بن مطلق المزحمي

22 / 05 / 2006, 16 : 08 AM

ألاخ عبدالعزيز المطلق

السلام عليكم ورحمة الله وبركاته

نسال الله أن يبارك لنا ولك ولجميع المسلمين

أما بخصوص النياق فهي نياق عاديه مره ولا فيها شي يجذب

نياق قصار واسنمتها متقدمه ورقابها عنق وروسها رديه واذانيها واقفه

أما بخصوص أسعارها أنا أتوقع والعلم عند الله أن الوحده لاتتجاوز 6الاف ريال

هذا رأيي فأن أصبت فمن الله وأن أخطئت فمن نفسي والشيطان

ولك تحياتي

عبدالله بن مطلق المزحمي

سلطان العضياني

24 / 05 / 2006, 42 : 03 AM

موضوع رائع وفكرة أروع ,, ونتمى لك التوفيق اخوي عبدالله

أرسلت لك رسالة خاصة ولكن يبدو لي انه لم يتم أستلامها

لكثرة الرسائل في بريدك الخاص ,,, وتقبل فائق تقديري

عبدالله بن مطلق المزحمي

24 / 05 / 2006, 37 : 12 PM

الاخ سلطان العضياني

ارسل رسالتك مره اخري

وشكرا على الكلام اللي كتبته ونسأل الله أن يوفقنا وأياك لما يحبه ويرضاه

تحياتي
المزحمي

خالد الخالدي

27 / 05 / 2006, 27 : 02 AM

الأخ عبدالله ،،،
تحية طيبة .... وبعد
مع الشكر والتقدير لجهودك والأخوان في المنتدى .

رايك بالبعير ]؟ مع خالص التحايا لتكرمك بالرد مسبقاً .
دمت سالمااااااااااااااااااااااااااااااً

http://www.mzayan.com/vb/images/uploads/563_1463444778a499eed9.jpg

http://www.mzayan.com/vb/images/uploads/563_1463444778a4a4c60f.jpg

عبدالعزيز المطلق

27 / 05 / 2006, 49 : 12 PM

السلاام عليكم ومساكم الله بالخير

بغيت رايك يا ابو مطلق في هالفحل ..

http://www2.f900f.com/pic/f900f.com_06052713130887742.jpg

http://www2.f900f.com/pic/f900f.com_06052713162060398.jpg

http://www2.f900f.com/pic/f900f.com_06052713183366760.jpg

http://www2.f900f.com/pic/f900f.com_06052713203040361.jpg

http://www2.f900f.com/pic/f900f.com_06052713243065742.jpg

وتشكر..

عبدالله بن مطلق المزحمي

29 / 05 / 2006, 01 : 04 PM

الاخ خالد الخالدي

عذارييب البعير
1-سيف لحيه قصير
2-راسه غير أسلت
3-أذنه رديه
4-لونه ما هو الوضاح المطلوب
5-وبرته رديه
6-سنامه مدفن شوي

البعير ما فيه شي يميزه على البعارين ونسأل الله أن يبارك لنا ولك

المزحمي

عبدالله بن مطلق المزحمي

29 / 05 / 2006, 05 : 04 PM

الاخ عبدالعزيز المطلق

البعير كثير العذاريب

يعني ما يصلح فحل

راسه وسط
أما لونه ردي
وجرمه ردي
جنبه ردي
رقبته رديه
غاربه ردي
عرقوبه أركز

المزحمي

فيصل المنصور

29 / 05 / 2006, 56 : 09 PM

الأخ عبدالله وألاخوه ألاعضاء الكرام ،،،
السلام عليكم ورحمة الله وبركاته

تحية طيبة .... وبعد
مع الشكر والتقدير لجهودكم في المنتدى .

رايكم بلحوار؟
له سته اشهر
بارك الله بكم

مع خالص التحايا لتكرمكم بالرد مسبقاً
http://www.mzayan.com/vb/images/uploads/2036_15574447b43d4ca0db.jpg

http://www.mzayan.com/vb/images/uploads/2036_15574447b43d56c46b.jpg

عبدالله بن مطلق المزحمي

30 / 05 / 2006, 37 : 10 AM

ألاخ فيصل المنصور

هذا القعود لاتوجد فيه المواصفات اللي تطلب في الفحول

اي انه لايفحل

المزحمي

عبدالله العازمي

30 / 05 / 2006, 13 : 11 AM

[اخى الكريم عبدالله بن مطلق المزحمي
اريد ان استشيرك فى المفرودة هذى وارجو ان تعطيني تقييم لسعرها التقريبي
http://www.mazadalhrbi.com/album/00933.JPG

http://www.mazadalhrbi.com/album/00936.JPG

عبدالله بن مطلق المزحمي

30 / 05 / 2006, 13 : 02 PM

ألاخ عبدالله العازمي

البكره وسط

عذاريبها مطلع رقبتها ردي وكذلك رقبتها قصيره
البكره غير سناد وسنامها متقلط شوي
وعرقوبها تشره عليه

أما الاسعار تختلف على حسب السوق
وانا في نظري من 8الاف الي -10لاف ريال

أن أصبت فمن الله وان أخطئت فمن نفسى والشيطان

تحياتي
المزحمي

عبدالله العازمي

30 / 05 / 2006, 59 : 05 PM

لاهنت ياالمزحمي

فيصل المنصور

30 / 05 / 2006, 34 : 08 PM

اخى الكريم عبدالله بن مطلق المزحمي وألاخوه ألاعضاء الكرام

السلام عليكم ورحمة الله وبركاته
سامحونا ان كثرنا عليكم الاسئلة

اريد ان استشيركم فى هاالناقة وش هي عذاريبها
تقبلوا خالص تحياتي
أخوكم
فيصل
http://www.mzayan.com/vb/images/uploads/2036_15767447c82df42d3b.

http://www.mzayan.com/vb/images/uploads/2036_15767447c82df438f2.jpg

عبدالله بن مطلق المزحمي

31 / 05 / 2006, 34 : 08 AM

ألاخ فيصل المنصور

الناقه كثيرة العيوب (منيحه) وأظن القعود اللي عرضت صورته قبل مده ولدها
من مواصفات الزين لايوجد شي (خلق الله سبحانه كله زين)
ولكن المواصفات المطلوبه من الراس والرقبه والجرم واللون وسنام منفهق
لاتوجد في هاذي الناقه
ونسأل الله العلي العظيم أن ينفعنا واياك
ولك نحياتي
المزحمي

فيصل المنصور

31 / 05 / 2006, 50 : 09 AM

السلام عليكم ورحمة الله وبركاته

بارك الله بك
يا ابو مطلق جزاك الله خير الله الناقة منيحة مثل ما قلت بس حبيت ان اشارك في هذا المنتدي الطيب

خلاص معاد نرسل صور منايحنا(مزحة)
تقبلوا خالص تحياتي

عبدالله بن مطلق المزحمي

31 / 05 / 2006, 40 : 01 PM

ألاخ فيصل المنصور

حياك الله في كل وقت بالعكس تفرحنا مشاراكاتك

وان عزمتني على حليب منايحك ماهي بشينه

تحياتي
المزحمي

فيصل المنصور

31 / 05 / 2006, 51 : 01 PM

السلام عليكم ورحمة الله وبركاته

يامرحبا بك ترحيبت البدو بالسيل والله يحييك في اي وقت علي الساحل الغربي

تحياتي
أخوك فيصل

ماجد الحربي

02 / 06 / 2006, 06 : 02 AM

تحية : اخي بارك الله فيك ابي رايك في القعود وهل يصلح فحل وكم يسوى
القعود عمر ه الان مفرود وهل تعرف له اصل

فيصل المنصور

02 / 06 / 2006, 23 : 11 PM

الأخ عبدالله وألاخوه ألاعضاء الكرام ،،،
السلام عليكم ورحمة الله وبركاته

تحية طيبة .... وبعد
مع الشكر والتقدير لجهودكم في المنتدى .

رايكم بي هذا الجمل؟

بارك الله بكم

مع خالص التحايا لتكرمكم بالرد مسبقاًhttp://www.mzayan.com/vb/images/uploads/2036_419644809e13c7d83.jpg

http://www.mzayan.com/vb/images/uploads/2036_419644809e140214c.jpg

نمر العتيبي

03 / 06 / 2006, 04 : 03 PM

الاخ فيصل المنصور
وعليكم السلام ورحمة الله وبركاتة
الصورة الله يحفظك ماتساعد لانه يجب تصوير البعير وهو معترض وتكون الصورة شامله للفحل بالكامل حتى يعطي الشخص رايه هو مبني على اقتناع ولكن الصورة الثانية واضحة المعالم لراس والرقبه
اما بنسبة لطلبك راي الاخوة الاعضاء وكلاً فيه ابركة اقول (( البعير عادي من ناحية الراس صغير واللحي قصير وجهه مهو ضافي والرقبه عريضه وعنجى وقصيرة وبنسبه لونه يميل للمغارة او العطارة وانا غير متاكد من اللون لانك يمكن قمت بتصويرة في اخر النهار )) واما باقي الوصوف ففي الصورة الاولى الفحل مقفي مانستطيع اعطاء الراي فيه
تحياتي
نمر العتيبي

مشعل اليامي

03 / 06 / 2006, 21 : 06 PM

ما شاء الله على هذه المجهود من قبل الاخوة المشاركين

والاخ العزيز شايبنا ابو مطلق

تقبلووا تحياتي

اخوك

مشعل اليامي

عبدالله بن مطلق المزحمي

04 / 06 / 2006, 23 : 08 AM

ألاخ ماجد الحربي

السلام عليكم ورحمة الله

الصوره صغيره وغير واضحه

تحياتي
المزحمي

عبدالله بن مطلق المزحمي

04 / 06 / 2006, 27 : 08 AM

ألاخ فيصل المنصور

السلام عليكم ورحمة الله وبركاته

جزاك الله خير على المشاراكات الطيبه ونسأل الله أن ينفعنا واياك

أما بخصوص الصوره فهي غير واضحه

وكما قال اخونا نمر العتيبي( يجب تصوير البعير وهو معترض وتكون الصورة شامله للفحل بالكامل حتى يعطي الشخص رايه هو مبني على اقتناع )

واللي يظهر من الصور أنه بعير عادي مافيه شي يشد

تحياتي

المزحمي

عبدالله بن مطلق المزحمي

04 / 06 / 2006, 29 : 08 AM

ألاخ مشعل اليامي

السلام عليكم ورحمة الله وبركاته

ماقصرت وبيض الله وجهك انت على جهودك وما تبذله في سبيل احياء موروثنا الشعبي

وما عليك زود يا الشباب

تحياتي
المزحمي

فيصل المنصور

04 / 06 / 2006, 59 : 08 AM

السلام عليكم ورحمة الله وبركاته
بيض الله وجهك يابو مطلق انت الاخوان كلهم اما الجمل فهوعادي بس طلب مني واحد ان استشيركم
بارك الله بكم

عبدالله بن مطلق المزحمي

05 / 06 / 2006, 56 : 07 AM

ألاخ العزيز فيصل المنصور

الله لا يهينك وجزاك الله خير

ونسأل الله أن ينفعنا وأياك

تحياتي
المزحمي

ماجد الحربي

06 / 06 / 2006, 34 : 11 PM

هذه صورة لقعود مفرود واريد رايكم دون اي مجامله وهل يصلح فحل ام لا وشكر

عبدالله بن مطلق المزحمي

07 / 06 / 2006, 18 : 08 AM

ألاخ ماجد الحربي

السلام عليكم ورحمة الله وبركاته

نسأل الله العلي العظيم أن ينفعنا وأياك وجميع المسلمين

أم القعود

عذارييبه كثيره راسه عادي مره

تصاغر راسه وماله سبال
وخد غير عريض وخشمه عادي واذنه رديه

الرقبه عنقا والقعود غير سناد اي متساوي

وعرقوبه أركز

أخي ماجد انت طلبت رأي بصراحه والله أنا في نظري أنك تشوف قعود غيره أفضل

هذا رايي ونسأل الله أن يبارك لنا ولك ولجميع المسلمين
فاذا أصبت فمن الله وأذا أخطئت فمن نفسي والشيطان

تحياتي
المزحمي

نادر العبدالله

28 / 06 / 2006, 51 : 08 AM

بيض الله وجهك يا عبدالله المزحمي و عزالله ماقصر و مشكور على هذا المجهود

بندربن احمد

01 / 07 / 2006, 15 : 05 AM

بيض الله وجهك
و مشكور على هذا المجهود

عبدالله بن مطلق المزحمي

03 / 07 / 2006, 22 : 01 PM

الاخوان نادر وبندر

السلام عليكم ورحمة الله وبركاته

جزاكم الله خير ونسأل الله أن نكون عند حسن ضن الجميع

المزحمي

عبدالله الشمري

05 / 07 / 2006, 56 : 04 AM

المزحمي لاهنت وعفاك الله
ماعليش اخوي ممكن تقبل منى النقد البسيط ارجو منك اذا ادليت برأيك انك تأخذ بعين الحسبان الوضع من جميع زواياه لاتنسي ان البعض على قد حاله وبنا عليه مثل مايقولون لابد كل واحد يمد لحافه على قد رجليه
بمعني أنه تحكم على الناقة او البعير بدرجات يعني تحدد الردي والوسط والطيب كل على حسب المواصفات ومرضي الناس شي كايد
يعني انا مثلا ابلي وسط فأذا كان الانتاح من الوسط فما فوق يعني بالمقارنة الشي زين ولاباس وهكذا وارجوك السموحة
وعلى فكرة انا من الناس اللى اتفق مع ارأيك لكن صعب على الناس تقتنع وشكرا للجميع وتقبلوا تحياتي

عبدالله بن مطلق المزحمي

06 / 07 / 2006, 48 : 12 AM

الاخ الفاضل عبدالله الشمري

جزاك الله خير على النقد وصحيح ان كل واحد يمد رجليه على قد لحافه
لكن المبدأ اللي مشيت عليه هو عدم المجامله لانك اذا جاملت اخوانك تضرهم
ولا تنفعهم ولكن يا اخ عبدالله فيه ناس الي الان وهي مغمضه ولا بد ان تصحيهم
واذا ارسلك واحد صورة ناقه وفيها عذارييب ولا بد ان اوضح اللي فيها من عذارييب

مثلا واحد عنده 40ناقه فيها ردي وفيها طيب يسمل الردي واذا كان عنده بعير انتاجه زين
يهده سنه وسنتين وشف انتاجه واذا ما عنده بعير
يضرب عند اهل البعاريين الطيبه ويترجا الله

وشكرا اخي عبدالله على مشاركتك

تحياتي
عبدالله بن مطلق المزحمي

عبدالله الشمري

06 / 07 / 2006, 52 : 12 AM

اخي الفاضل المزحمي
كلامك عدل لكن اقصد اذا حكمت على الشي بين انه فيه مستويات
(ردي - مقبول - وسط - زين - طيب - ...............................)
وسلامتك

عبدالله بن مطلق المزحمي

21 / 07 / 2006, 45 : 01 PM

السلام عليكم ورحمة الله وبركاته

اخي عبدالله

ابشر بكل خير

خالد السديري

26 / 07 / 2006, 03 : 11 AM

الاخ عبدالله بن مطلق المزحمي
السلام عليكم ورحمة الله وبركاته

وش رايك في الناقه من غير مجامله......واختلاف الرأي لايفسد للود قضيه

اخوك خالد السديري

http://www.mzayan.com/vb/images/uploads/1352_1792244c7215a58cc8.jpg

عبدالله بن مطلق المزحمي

26 / 07 / 2006, 20 : 01 PM

الاخ خالد السديري
السلام عليكم ورحمة وبركاته

اشكرك على طلب رايي ونسأل الله ان نكون عند حسن ظن الجميع

اولا الناقه في نظري ما فيها شي يميزها عن الابل والصوره ما وضحت راس الناقه زين

الناقه بصورة عامه جرمها ادون شوي
سيف لحيها ناقص تصاغر راسها واذنها رديه وخدها ما هو عريض وراسها ما هوب امسح

رقبتها قصيره والناقه لها مردفه واعتقد ان وبرتها رديه

هذا رايي باختصار فان اصبت من الله وان اخطئت فمن نفسي والشيطان

تحياتي
عبدالله بن مطلق المزحمي

فهد بن صلبوخ

27 / 07 / 2006, 02 : 02 AM

بالتوفيق يابومطلق

والله يبيض وجهك ويرشدك على الصواب

مغليك .. فهد

عبدالله بن مطلق المزحمي

27 / 07 / 2006, 05 : 01 PM

السلام عليكم ورحمة الله

الاخ الغالي فهد بن صلبوخ

الله لا يهينك على كل حال ونسأل الله العظيم أن يوفقنا واياك لما يحبه ويرضاه

تحياتي
عبدالله بن مطلق المزحمي

نايف المشعلى

05 / 08 / 2006, 08 : 11 AM

الاخ عبدالله بن مطلق المزحمي
السلام عليكم ورحمة الله وبركاته

وش رايك في البعير من غير مجامله......واختلاف الرأي لايفسد للود قضيه

http://www.mzayan.com/vb/images/uploads/956_2102544d451c7cfee9.jpg

http://www.mzayan.com/vb/images/uploads/956_2102544d451c805885.jpg
http://www.mzayan.com/vb/images/uploads/956_751344d451df13e03.jpg

http://www.mzayan.com/vb/images/uploads/956_751344d451df3ce25.jpg
http://www.mzayan.com/vb/images/uploads/956_750744d451f1ba070.jpg

http://www.mzayan.com/vb/images/uploads/956_750744d451f1e2ca9.jpg

عبدالله بن مطلق المزحمي

05 / 08 / 2006, 55 : 11 PM

الاخ العزيز نايف المشعلي

سبق ان ابديت رايي في البعير ولا حصل تغيير في شكل البعير لحد الان

وترا الصور تظلم بعض الاحيان

تحياتي
المزحمي

خالد الخالدي

08 / 08 / 2006, 17 : 08 PM

الأخ عبدالله ...
تحية طيبة ،،، وبعد
رايك بالأطمش والذي سبق وأن أخذت رايك به . هل يشجع على الاحتفاظ به ؟ علماً بأن سنه الآن مفرود . ( سنة وستة أشهر بالضبط )

http://www.mzayan.com/vb/images/uploads/563_309044d8c4af99fe5.jpg
http://www.mzayan.com/vb/images/uploads/563_307344d8c5260a3d1.jpg
http://www.mzayan.com/vb/images/uploads/563_2103944d8c59063727.jpg

عبدالله بن مطلق المزحمي

10 / 08 / 2006, 58 : 11 PM

الاخ خالد الخالدي

السلام عليكم ورحمة الله وبركاته

نسأل الله ان يبارك لنا ولكم

القعود مبروك عذارييبه, اللون والطمشه والقعود له مردفه واذنه رديه وعرقوبه اركز

اما الاحتفاظ بالقعود على حسب ابلك اذا ابلك مزايين وغاليه شف قعود غيره

اما اذا ابلك وسط هده وترجا الله سبحانه

والقعود ماهوب ردي وشكله تغير واجد جرمه زين ان كان مفرود , وجهه ماهوب ردي

ورقبته زينه وجنبه طيب

تقبل تحياتي

المزحمي

خالد الخالدي

12 / 08 / 2006, 07 : 12 PM

الأخ عبدالله ،،،
تحية طيبة .... وبعد
شكراً لك . وأسأل الله لنا ولك التوفيق .
دمت ساااااااااااااااااااالماً .

عبدالله بن مطلق المزحمي

14 / 08 / 2006, 37 : 08 AM

الاخ خالد الخالدي

لا شكر على واجب ونسأل الله ان ينفعنا واياك

تحياتي
عبدالله بن مطلق المزحمي

احمدبن عبدالله

23 / 08 / 2006, 53 : 11 PM

السلام عليكم ورحمة الله وبركاته

هذي اول مشاركه لي وابغي رايكم في القعوووود

والي له نظر يسوووم

خشبان

http://www.t7mel.com/Files/cee648fca6.jpg

http://www.t7mel.com/Files/d7d03e976e.jpg

عبدالله بن مطلق المزحمي

24 / 08 / 2006, 54 : 12 PM

الاخ احمد عبدالله

السلام عليكم ورحمة الله وبركاته

اسف لا استطيع مساعدتك لو انه اوضح ابشر بسعدك

ارسل الصوره لابن صلبوخ وتلقى الراي السديد

تحياتي
المزحمي

سعود بن منصور القحطاني

26 / 08 / 2006, 06 : 07 AM

اخونا الغالي ابو مطلق هذي حواره شعلا على ساقان لابو عادل المطيري
http://www.l22l.com/l22l-up-4/c4c0a60b1d.jpg (http://www.l22l.com)
http://www.l22l.com/l22l-up-4/54c0bd850c.jpg (http://www.l22l.com)

وهذا العفر صاحبنا ولد رمان كود انه زان في نظرك يالغالي
http://www.l22l.com/l22l-up-4/f2fe65fd6d.jpg (http://www.l22l.com)
http://www.l22l.com/l22l-up-4/34df85bc5f.jpg (http://www.l22l.com)

عبدالله بن مطلق المزحمي

27 / 08 / 2006, 42 : 09 AM

الاخ الغالي سعود القحطاني

السلام عليكم ورحمة الله وبركاته

الله لا يهينك على طلب الراي

القعود والبكره مبروكات ولكن عذارييبها واجد

اما البكره حسب معرفتي انها ما هي شعلا البكره صفرا لان ذيلها فيه سواد وكذلك شعفتها

عذارييبها راسها عادي ورقبتها تعانقها وكذلك موقع سنامها

اما القعود ما صار فيه تغيير مثل مواصفاته القديمه واللي وضح اكثر ان القعود جرمه صغير مره

ومن رايي انك تدور قعود غيره

هذا رايي فأن اصبت فمن الله سبحانه وتعالى واذا اخطئت فمن نفسي والشيطان

تحياتي
عبدالله بن مطلق المزحمي

عبدالله العازمي

03 / 09 / 2006, 39 : 08 PM

بارك الله فيك اخوى المزحمي عندي سؤال عن الفحل اللى فى توقيعك هل هو لك

عبدالله بن مطلق المزحمي

05 / 09 / 2006, 52 : 08 AM

الاخ العزيز عبدالله العازمي

السلام عليكم ورحمة اللله وبركاته

أما بالنسبه للبعير اللي صورته في التوقيع هذا (الزعيم ) فاز في مزايين خبيب الريم سنة 1424 -2003م
اخذ المركز الثاني

وهو الان فحل أبل فنجال الشيباني اشتراه فنجال بعد مزايين خبيب الريم

اما ساس البعير ابوه بعير فنجال اللي اخذ المركز الاول
في مزايين خبيب الريم اللي صار
1421 -2000 م

ولك تحياتي

المزحمي

حسين المطيري

05 / 09 / 2006, 31 : 12 PM

مشكور يالمزحمى ولا قصرت والله يبارلك لك ولنا وللمسلمين فى حلالهم

عبدالله بن مطلق المزحمي

06 / 09 / 2006, 50 : 11 AM

الاخ حسين المطيري

السلام عليكم ورحمة الله وبركاته

الله لا يهينك والعفو ونسأل الله ان ينفعنا واياك

وتحياتي
المزحمي

عبدالله الحافي

11 / 09 / 2006, 54 : 09 PM

السلام عليكم ورحمة الله وبركاتة
الأخ/ عبدالله المزحمي
الإخوة ألعضاء

ياليت لو تعطوني رايكم الصريح في البكرة وأمها اللي في توقيعي وتوضحون لي المحاسن والمساوء

ودمتم مغليكم

سعد البقمي

13 / 09 / 2006, 16 : 02 AM

السلام عليكم ورحمة الله وبركاته

اخواني اعضاء ومشرفيين هذا المنتدى هذي اول مشاركه لي معكم ويسعدني ويشرفني لانضمام لكم

اخي عبدالله انا من المتابعيين لك قبل تسجيلي في هذا المنتدى وتعجبني صراحتك وعدم المجامله في كل من طلب مشورتك بارك الله فيك

الرجاء عطائي مشورتك في البعير الي في توقيعي السن لقي من سلالة بعير مبلش جده بعير مبلش

اخوك تراه عليمي في مزايين الابل ورئيك يهمني هل يصلح فحل وش عيوبه وش الزيين فيه الله يعطيك العافيه انت والاخوان الاعضاء والمشرفيين

خالد السديري

14 / 09 / 2006, 29 : 11 AM

ارحب يا عبدالله المزحمي

الله لايهينك على كل حال هذه امانه الله يعينك عليها.

اخوك خالد السديري

عبدالله بن مطلق المزحمي

14 / 09 / 2006, 30 : 01 PM

وعليكم السلام ورحمة الله وبركاته

الاخ عبدالله الحافي

اما صورتك غير واضحه

البكره صورتها باركه ماهي واضحه ولكن في نظري البكره مافيها شي يجذب راسها ردي
وكذلك خدها وخشمها ومالها سبال

اما امها كذلك ناقه عاديه لها مردفه وتعانق رقبتها ووجها عادي

والله ماشفت في الناقه ولا بنتها شي يجذب نسال الله ان يبارك لنا ولك

تحياتي

المزحمي

عبدالله الحافي

14 / 09 / 2006, 40 : 01 PM

الأخ / المزحمي

بارك الله لك في حلالك ويجعلك ذخر للإسلام وللمسلمين
والله يعطيك العافية على هالراي

والإخوان الأعضاء أفزعولي دورو لي توقيع!!!!

عبدالله بن مطلق المزحمي

14 / 09 / 2006, 42 : 01 PM

وعليكم السلام ورحمة الله وبركاته

الاخ سعد البقمي

اولا اشكرك على طلب الراي ونسال الله ان يبارك لنا ولك

القعود مبروك

وعذارييبه كثيره نبدا بالراس خشمه ردي وخده غير عريض واذنه كبيره وماله سبال

الرقبه قصيره ومطلعها ردي

القعود ماهوب سناد اي متساوي وجنبه قصير وسنامه متقلط وعرقوبه ردي

هذا رايي فاذا اصبت من الله واذا اخطئت من نفسي والشيطان

المزحمي

عبدالله بن مطلق المزحمي

14 / 09 / 2006, 44 : 01 PM

الاخ خالد السديري

الله يحييك ونسأل الله ان يعينا واياك لما يحبه ويرضاه

المزحمي

سعد البقمي

18 / 09 / 2006, 27 : 12 AM

عبدالله بن مطلق المزحمي

18 / 09 / 2006, 36 : 07 AM

الاخ سعد البقمي

السلام عليكم ورحمة الله وبركاته

اولا الساس شي مهم في البعير واذا انت متأكد من ساسه وتعرف ابوه وتعرف امه ماهو كلمة يقولون

اصبر عليه وش المانع سنه ولا سنتين وشف كيف يصير

ثانيا اهل الابل لا جيتهم تشوف بعاريينهم اكثر من النوقات يشترون بعير ولا ثنين ويترجون الله سبحانه

وكما قيل الولد والقعود مخلفين العهود يعني ان القعود سبحان الله يتغير في مده بسيطه

تحياتي
عبدالله ين مطلق المزحمي

خالد السديري

20 / 09 / 2006, 17 : 11 AM

الاخ عبدالله المزحمي

عطني رايك في الناقه الصفرا

.http://www.mzayan.com/vb/images/uploads/1352_219754510f90086278.jpg

عبدالله بن مطلق المزحمي

20 / 09 / 2006, 17 : 01 PM

الاخ العزيز خالد السديري

السلام عليكم ورحمة الله وبركاته

سبق ان قلتلك رايي في الناقه تلقاه في الرد رقم 102

تحياتي
المزحمي

خالد السديري

20 / 09 / 2006, 37 : 09 PM

الاخ العزيز عبدالله
العذر منك لم اشاهد الرد الا منك ........الله يوفقك لم يحب ويرضى.

اخوك خالد

عبدالله بن مطلق المزحمي

21 / 09 / 2006, 10 : 03 PM

حياك الله يا السديري

ونسأل الله ان يبارك لنا ولك ولجميع المسلمين

المزحمي

سعد البقمي

23 / 09 / 2006, 24 : 11 PM

عبدالله بن مطلق المزحمي

25 / 09 / 2006, 31 : 01 PM

الاخ سعد البقمي

وانت بصحه وسلامه وتقبل الله طاعتكم

المزحمي

فهد سعود العتيبي

05 / 10 / 2006, 25 : 01 AM

يعطيك العافيه على هذا الموضوع ..

عندي سؤال عن الابل الحمر كيف هي وش مواصفاتها فيها مزاين ولا لا ...وياليت لو عندك بعض الصور للأبل الحمر

شاكرين لك ... أخوك فهد

عبدالله بن مطلق المزحمي

05 / 10 / 2006, 02 : 02 PM

الاخ فهد العتيبي

السلام عليكم ورحمة الله وبركاته

الابل الحمر مثل مواصفات الابل المغاتير اما زينهن كل لون فيه زين وفيه ردي

المزحمي

عبدالعزيز المطلق

09 / 10 / 2006, 39 : 09 AM

السلام عليكم ورحمه الله وبركاته ..

صبحكم الله بالخير ..

والشهر مبارك ..

لا هنت يا ابو مطلق ابشوف رايك بالناقه ..

http://www2.f900f.com/pic/f900f.com_06100910254741249.jpg

http://www2.f900f.com/pic/f900f.com_06100910264288636.jpg

http://www2.f900f.com/pic/f900f.com_06100910271634494.jpg

http://www2.f900f.com/pic/f900f.com_0610091027593154.jpg

http://www2.f900f.com/pic/f900f.com_06100910283378511.jpg

ولا يهونون الباقين ..

اخوكم عبدالعزيز المطلق ..

عبدالله بن مطلق المزحمي

09 / 10 / 2006, 52 : 09 AM

الاخ عبدالعزيز المطلق

السلام عليكم ورحمة الله وبركاته

ومبروك عليك باقي الشهر ونسال الله ان يتقبل منا ومنكم

اما الناقه مبروكه وخلق الله سبحانه كله زين

عذاريبها اولا وجه الناقه عادي وتعانق رقبتها وسنامها متقدم

ووبرتها رديه

ونسال الله ان يبارك لنا ولك ولجميع المسلمين

المزحمي

محمد المطيري

12 / 10 / 2006, 00 : 09 PM

فهد سعود العتيبي

هذه صور الحمر اللي انت طلبت نيابة ً عن أخوي ابو مطلق

http://www.mzayan.com/vb/images/uploads/1799_18393452e81c950943.jpg

وهي لابن غيام الجبلي المطيري الفائزة بالاول بأم رقيبة

والمواصفات مثل ماقال ابو مطلق ومثل ماتشوف

وأعذرنا يابو مطلق على المداخله

ولكم كل التحية
أخوكم

عبدالله بن مطلق المزحمي

15 / 10 / 2006, 15 : 10 AM

الاخ محمد المطيري

الله لايهينك وتسلم يمينك

المزحمي

حسين العصيمي

14 / 11 / 2006, 35 : 10 PM

الأخ ابو مطلق لاهنت وش رأيك في الناقة اللي في التوقيع .

وتنصحني أنتج منها و أدور على فحل أشعل مزيون (مع العلم بأن سنها ناب )

عبدالله بن مطلق المزحمي

15 / 11 / 2006, 48 : 12 PM

الاخ حسين العصيمي

نسأل الله ان يبارك لنا ولك

أما بالنسبه للناقه فهي ناقه عاديه وعذاريبها واجد وما فيها شي يميزها وفوق ذلك الناقه فاطر

حاول تبيعها وشف لك ناقه غيرها

المزحمي

حسين العصيمي

15 / 11 / 2006, 35 : 04 PM

وفيت وكفيت يأبو مطلق والله يبارك لنا و لك .

أخوك حسين لعصيمي

حسين العصيمي

19 / 11 / 2006, 15 : 10 AM

الأخ ابو مطلق لا هنت كثرت عليك و لكن كلك بركة وما لنا عنك غناة

ودي أسألك عن هذا الفحل معروضي علي -----هل أشتريه------وتشوف بارك الله فيك ينفع ينتج زين مع نياق شعل طيبة

بالحيل

عبدالله بن مطلق المزحمي

19 / 11 / 2006, 44 : 12 PM

الاخ حسين العصيمي

السلام عليكم ورحمة الله وبركاته

يا مرحبا بك في كل ساعه وانا حاضر وانا ما حطيت هاالموضوع الا حتي
افيد واستفيد وكذلك انفع اخواني اهل الابل

اخي حسين ام البعير اللي انت ارسلت صورته بعير عادي وفيه عذارريب
كثيره وانت تقول تبغا تهده في شعل مزايين

واذا تبغا رايي ابتعد عنه وشفلك بعير ثاني وعذارييب البعير كثيره
يعني لا عقله ولا شتره ولا رقبه ولا وجهه

اما من مميزاته السنده

وتقبل تحياتي
المزحمي

حسين العصيمي

19 / 11 / 2006, 43 : 01 PM

سلمت والله يابو مطلق والله يجزاك كل خير ومشكور على سرعة الرد

عبدالله بن مطلق المزحمي

20 / 11 / 2006, 20 : 07 AM

الاخ حسين العصيمي

لا شكر على واجب وحياك الله في كل ساعه

عدنان الكثيري

25 / 11 / 2006, 22 : 02 PM

الاخ المزحمي بارك الله فيك اريد رايك في هذا البعير

http://www.mzayan.com/vb/images/uploads/2792_227294568263296dd1.jpg

http://www.mzayan.com/vb/images/uploads/2792_2272945682632d4dd3.jpg
http://www.mzayan.com/vb/images/uploads/2792_40504568266c83698.jpg

http://www.mzayan.com/vb/images/uploads/2792_40504568266cc1e69.jpg
http://www.mzayan.com/vb/images/uploads/2792_4114456826943ff38.jpg

http://www.mzayan.com/vb/images/uploads/2792_4114456826947b05b.jpg
http://www.mzayan.com/vb/images/uploads/2792_4114456826aea5ca4.jpg

عبدالله بن مطلق المزحمي

29 / 11 / 2006, 29 : 08 AM

الاخ عدنان الكثيري

السلام عليكم ورحمة الله وبركاته

رايي في البعير ما ينطبق عليه مواصفات الجمال المطلوبه في البعارين

واذا تبغا تراسلني على الايميل انا حاضر

وتقبل تحياتي

عبدالله المزحمي

عدنان الكثيري

03 / 12 / 2006, 20 : 02 PM

اخي ابومطلق اسمحلي انا كثرت عليك بدي بعد رايك في هذا الجعود.
الله يعافيك وكثر امثالك

http://www.mzayan.com/vb/images/uploads/2792_101684572aff68fb81.jpg

http://www.mzayan.com/vb/images/uploads/2792_101684572aff6d73cf.jpg
http://www.mzayan.com/vb/images/uploads/2792_167534572b01fe92a7.jpg

http://www.mzayan.com/vb/images/uploads/2792_167534572b02030d41.jpg
http://www.mzayan.com/vb/images/uploads/2792_289094572b053dc549.jpg

http://www.mzayan.com/vb/images/uploads/2792_289094572b05425753.jpg
http://www.mzayan.com/vb/images/uploads/2792_177464572b07d07c96.jpg

http://www.mzayan.com/vb/images/uploads/2792_177464572b07d43970.jpg
http://www.mzayan.com/vb/images/uploads/2792_177024572b0ab1f590.jpg

http://www.mzayan.com/vb/images/uploads/2792_177024572b0ab5d976.jpg
http://www.mzayan.com/vb/images/uploads/2792_178774572b0e590af0.jpg

http://www.mzayan.com/vb/images/uploads/2792_178774572b0e5a81de.jpg
http://www.mzayan.com/vb/images/uploads/2792_96774572b16e6d3ab.jpg

http://www.mzayan.com/vb/images/uploads/2792_96774572b16eab794.jpg

عبدالله بن مطلق المزحمي

03 / 12 / 2006, 55 : 10 PM

الاخ عدنان الكثيري

الساعه المباركه ياالكثيري

اما مواصفات الابل المطلوبه لا تنطبق على القعود

ويمكن في بلدك يعشقون العمانيات ولها مواصفات

مطلوبه عندكم اما في الجزيزه في وقتنا الحالي

فيه مواصفات تختلف عن مواصفات هذا القعود

ويمكن يفيدك اخونا عيد المنصوري

المزحمي

عبدالله العازمي

15 / 12 / 2006, 14 : 03 PM

السلام عليكم اخي عبدالله المزحمي ياريت تعطيني رايك بالحمرا هذى ترى صورتها بالصيف ولابين الا وجها وراسها ورقبتها
ترى الناقةة للحين ما اجذعت
http://www.lahdah.com/up/uploads25/lahdah-a81a3e6849.jpg

عبدالله بن مطلق المزحمي

19 / 12 / 2006, 25 : 08 AM

الاخ عبدالله العازمي

السلام عليكم ورحمة الله وبركاته

صورة البكره غير واضحه ما يبين ظهرها ولا جنبها ولا العرقوب
والبكره يا عبداللله مبروكه

مقدم البكره عادي الرقبه قصيره والراس عادي واذنها رديه
ومالها خشم وكذلك خدها غير عريض

وحياك الله

المزحمي

عبدالله العازمي

19 / 12 / 2006, 22 : 10 AM

مشكور يالمزحمي بس ترى البكرة للحين مثايلها ما اكتملت البكرة ما اجذعت للحين
وهذا وجة البكرة

http://www.bof3d.com/upload/upload/wh_137475531.jpg

http://www.bof3d.com/upload/upload/wh_137475531.jpg

عبدالله بن مطلق المزحمي

20 / 12 / 2006, 04 : 11 AM

الاخ عبدالله العازمي

السلام عليكم ورحمة الله وبركاته

وجهه البكره مثل ما قلتلك والبكره وسط ونسال الله ان يبارك لنا ولكم

المزحمي

عبدالله العازمي

21 / 12 / 2006, 23 : 09 AM

مشكور يالمزحمي ولاقصرت والله يرحم والديك

عبدالله بن مطلق المزحمي

21 / 12 / 2006, 25 : 02 PM

حياك الله

يا عبدالله في كل ساعه

المزحمي

سعود الزيادي

05 / 01 / 2007, 37 : 07 PM

http://www.j1jj.com/uploads/c98c41437c.jpg (http://www.jeddah4fun.com)

كل عام وانت بخير
ابي رايك بالناقه هذي السن رباع

عبدالله بن مطلق المزحمي

07 / 01 / 2007, 04 : 08 AM

الاخ سعود الزيادي

السلام عليكم ورحمة الله وبركاته

نسال الله ان يبارك لنا ولكم

الناقه مبروكه وعذارييبها كثيره

وجه الناقه ردي وسنامه متقلط ومتساويه ولونها ردي

المزحمي

سعود الزيادي

07 / 01 / 2007, 11 : 11 AM

الله يعطيك العافيه اخوي عبدالله

ولايحرمنا من اهل النظر

عطيه بن ساعد الشريف

08 / 01 / 2007, 17 : 02 PM

الأخ / المزحمي

السلام عليكم ورحمة الله وبركاته،،،،

تكثر الإبل السواحل في المنطقة الغربية وفي سواحل تهامة بالأخص ، لذا أرجو إن كان لديك أي فكرة عنها أن تعطيني مواصفاتها ومواضع جمالها ، حيث أن لها حسب معرفتي مواصفات تختلف بعض الشئ عن مواصفات اباعر اهل نجد والشرقية

عبدالله بن مطلق المزحمي

10 / 01 / 2007, 18 : 08 AM

الاخ عطيه الشريف

السلام عليكم ورحمة الله وبركاته

الابل الساحليه زي مواصفات الابل العمانيه ولكن تمتاز الابل العمانيه عن الساحليه بالطول
حيث ان الابل الساحليه اغلبها قصار.وكذلك الساحليه الوانهاا حمر وشقح وزرق

المزحمي

عطيه بن ساعد الشريف

10 / 01 / 2007, 09 : 09 AM

الأخ/ عبدالله المزحمي

السلام عليكم ورحمة الله وبركاته،،،

وفقك الله ، وشكرا على الرد

ولكن لدي ملاحظة أرجو أن يتسع لها صدرك الكبير: وهي يا ابو عابد طول الله عمرك ألاحظ عليك استخدام عبارة (( ردي)) كأن تقول لونها ردي أو رقبتها ردية

فالإبل خلق الله سبحانه وتعالي بل من معجزاته
وكلمة ردي تقال للأشياء التي تكون من صنع البشر لأنها وصف يدل على الذمامة والقبح والسوء

لذلك ما أظن أن عطايا الله تستاهل هذا الوصف على اختلاف اشكالها وأوصافها

قلت ذلك لإعجابي بمواضيعك وآراءك ، ولعلمي أنك تستطيع أن تستعيض بكلمة تؤدي نفس الغرض

وتقبل يالغالي غزير احترامي وتقديري

عبدالله بن مطلق المزحمي

10 / 01 / 2007, 11 : 11 AM

الاخ عطيه الشريف

وعليكم السلام ورحمة الله وبركاته

نعم صدقت خلق الله سبحانه وتعالي كله زين والكمال له سبحانه جل شانه

والابل خلق من مخلوقات الرب سبحانه وتعالي وكما قلت من احدى معجزاته

وانا اخي الفاضل عند استخدامي لكلمة ردي لان هذه الكلمه الدارجه عند اهل

الابل وعندما يوصف احد الابل لا يخلو كلامه من هاذه المفرده

وانا صراحه كان في نفسي شي من كتابتة هاذه الكلمه ويمكن لاحظت في تعليقاتي

على النياق كنت اذكر قبل التعليق انا الناقه المعروض صورتها انها مبروكه وان

خلق الله سبحانه وتعالي كله زين .

وبعض المرات اتعمد اني اكتبها لاحد الاخوان اللي يرسلون لي على الخاص

حتي احذرهم من عذارييب في ناقه يبغون يشترونها

وفي الختام

اشكرك اخي عطيه على التنبيه
ونسال الله العظيم رب العرش العظيم ان يوفقنا واياك لما يحبه ويرضاه

عبدالله بن مطلق المزحمي

علي بن عبدالرحمن العتيبي

14 / 02 / 2007, 18 : 01 AM

مرحبا يا ابو مطلق وكفيت ووفيت ولاهنت يا ولد العم وفالك الخير ان شاء الله
وانت نفعت الكثير ووضحت لهم وجزاك الله خير
تقبل تحياتي
أخوك علي بن عبدالرحمن

زياد العاطفي

14 / 02 / 2007, 26 : 02 AM

السلام عليكم
كيف حالكم ياخوان
سؤالي خاص لبو مطلق بدون حقران لشخص ثاني
بخصوص الزين ......
وش الطريقه المناسبه اللي يتخذها الشاري ويركز عليها هل الراس او القارب الخ
هل الراس لابد تتوفر فيه مميزات ؛ والقارب والطول والقصر وفي مصطلحات اكثيره مثل اركز وغيرهوش تعني
اتمني تشرح الموضوع وتعم الفايده للعموم
واتمني تطرح مواصفات القعدان والنياق من زينها بالاضافه اولويه التركيز على الزين

عبدالله بن مطلق المزحمي

14 / 02 / 2007, 52 : 03 PM

الاخ زياد العاطفي

وعليكم السلام ورحمة الله وبركاته

وابشر بعزك ان شاء الله في القريب العاجل تشوف اللي يسرك

المزحمي

بدر سعيد

15 / 02 / 2007, 50 : 02 AM

السلام عليكم و رحمة الله و بركاته

اخوي عبدالله بن مطلق المزحمي اشكرك على موضوعك الطيب وهذا من طيبك

وانا يابو مطلق مالي خبره كبيره فالبل فحبيت اعرف رايك بالفحل الاوضح الموضح بالصور وانا لقيت صور هالفحل بالموقع ومعلوماته انه معروض للبيع بمزاين ام رقيبه عام 1425 هـ

وانا اشوفه طيب وحاب اني اعرف رايك بالتفصيل فيه بحكم انك خبير فالبل عامه والمغاتير خاصه وارجوا انك توضح زينه وشينه وشو الزين فيه ووشو الشين فيه وكم يسوا ؟ وكم تتوقع عمره ؟ و لو تبي تسومه كم تحط عليه ؟

وماهي متطلبات الزين بأي فحل اوضح غير الاصل ؟

واسمحلي وان شاء الله ماكون ثقلت عليك

وهذي الصور

http://www.mzayan.com/albums/album16/IM000062.sized.jpg

http://www.mzayan.com/albums/album16/IM000063.sized.jpg

http://www.mzayan.com/albums/album16/IM000064.sized.jpg

http://www.mzayan.com/albums/album16/IM000066.sized.jpg

والله يعطيك العافيه

عبدالله بن مطلق المزحمي

16 / 02 / 2007, 41 : 01 PM

الاخ زياد العاطفي

الله لا يهينك واسمحلي على التأخر في الرد بسبب انشغالي

اما بالنسبه لسؤالك الاول

(وش الطريقه المناسبه اللي يتخذها الشاري ويركز عليها هل الراس او القارب الخ)

الشاري يركز على اشياء كثيره وكل ما اكتمل زين المطيه يكون افضل

وفي وقتنا الحالي الناقه المكتمل زينها قيمتها عاليه جدا

وانت اذا بغيت تشتري ركز على تكون سالمة العذارييب وابتعد عن الناقه الواضح عذارييبها

وتبدا اول شي في -الراس والرقبه والغارب ثم الظهر والجنب والجرم

ثم يجيك العرقوب والنحر

وهاذي الاشياء الاساسيه

ويجيك مكملات الزين مثل الذيل العصل والوبره وموقع الاذن والسبال ..............

اما سوالك الثاني
هل الراس لابد تتوفر فيه مميزات

نعم الراس لابد له من مميزات كثيره

كبر الراس وعرض الخد وطول الخشم وطول السبال وصغر الاذن

العرقوب الاركز يعني ان لا تكون رجلين الناقه مستقيمه اي مثل رجلين الطير

وارجو ان اكون اجبت على اسئلتك باختصار

وان اصبت من الله وان اخطئت فمن نفسي والشيطان

اخوك

المزحمي

عبدالله بن مطلق المزحمي

16 / 02 / 2007, 51 : 01 PM

الاخ بدر سعيد

وعليكم السلام ورحمة الله وبركاته

وشكرا لك على طلب رايي مع ما اعتبر نفس من اهل النظر ولكن نسال الله ان ينفعنا واياك العلم النافع

اما بخصوص البعير سعر البعير قد سمعت له سوم غالي جدا

واسعار الفحول ما يحكمها شكلها فقط واكثر ما يحكم سعرها انتاجها

واللي يبغا يتعلم وانا اخوك يتعلم من واحد راعي صنف ويروح ويجي معه

في الاسواق ويزور اهل الابل عند حلالهم ويسالهم

اما الصور فايدتها قليله يعني لابد انك تشوف الناقه على الطبيعه

وقد سال عبدالله بن عباس رضي الله عنهما كيف اكتسبت العلم قال

(اكتسبت العلم بلسان سؤول وقلب عقول )

اخوك

عبدالله بن مطلق المزحمي

زياد العاطفي

16 / 02 / 2007, 34 : 10 PM

لاهنت يابو مطلق وبيض الله وجهك ويرحم والديك

عبدالله بن مطلق المزحمي

20 / 02 / 2007, 29 : 07 AM

حياك الله يا العاطفي

ونسال الله الفايده لنا ولك ولجميع الاخوان

المزحمي

راكان الرميح

23 / 03 / 2007, 15 : 01 PM

أخي العزيز ابو مطلق

بالنسبه للمغاتير هل هناك سن معين تتضح عنده كامل مواصفات الفحل او الناقه اي انه بعد ذلك العمر لن يتغير اي شي جذري ؟؟

واذا كان هناك فكم عمر الفحل او الناقه التي تعتقد انه لايتغير بعدها بالنسبه للزين والشين ؟؟

تقديري لصراحتك وصدق نصيحتك بارك الله لك في المال والولد

اخوك راكان الرميح

عبدالله بن مطلق المزحمي

24 / 03 / 2007, 44 : 11 AM

الاخ راكان الرميح

السلام عليكم ورحمة الله وبركاته

الله لا يهينك ونسال الله العظيم رب العرش العظيم ان ينفعنا واياكم

بالنسبه لسؤالك هل يوجد سن معين يكتمل فيه الزين

اقول نعم اذا ظهر ناب البعير اي بعد اكماله سن ثمان سنوات
يكتمل زين البعير

ارجو ان اكون جاوبت على سوالك وانا حاضر لاي سوال حسب
معرفتي

ونسال الله ان يوفقنا واياك لما فيه خير وصلاح

اخوك

المزحمي

بندر بن معيض المطيري

26 / 04 / 2007, 58 : 11 PM

ممكن رايك اخوي عبدالله بهالمفرودة

http://www.arbup.net/arbup7/al1.jpg

http://www.arbup.net/arbup7/al2.jpg

http://www.arbup.net/arbup7/al3.jpg

http://www.arbup.net/arbup7/al4.jpg

http://www.arbup.net/arbup7/al5.jpg

http://www.arbup.net/arbup7/al6.jpg

http://www.arbup.net/arbup7/al7.jpg

http://www.arbup.net/arbup7/al8.jpg

http://www.arbup.net/arbup7/al9.jpg

http://www.arbup.net/arbup7/al10.jpg

وبعد تعليقك لي تعليق دمت بخير

عبدالله بن مطلق المزحمي

29 / 04 / 2007, 05 : 08 AM

الاخ بندر

رايي البكره عايديه ولا فيها شي يميزها عن البكار الثانيه

المزحمي

بندر بن معيض المطيري

29 / 04 / 2007, 51 : 12 PM

الاخ بندر

رايي البكره عايديه ولا فيها شي يميزها عن البكار الثانيه

المزحمي

احترم رايك ياخبير المنتدى

والبكره مسيومه بخمسين

هل تعتقد ان السعر اكبر منها ؟؟؟؟؟؟؟؟ ,,,,,,,,

عبدالله بن مطلق المزحمي

30 / 04 / 2007, 53 : 09 AM

الاخ العزيز بندر المطيري

شكرا على سعة صدرك وتقبل اراء الناس

اما بالنسبه لسعر البكره فهو رزق لك من الله سبحانه وتعالى
ولا يخفي عليك ان اسعار الابل وصلت القمه وصار فيه
اقبال كبير مما رفع اسعارها وخاصة الوضح

اخوك
المزحمي

عبدالرحمن عبدالعزيز

30 / 04 / 2007, 35 : 10 AM

الاخ ابو مطلق

اسعد الله اوقاتك
ما هو السن الذي يبداء فيه البكره او القعود بالتغيرات و النمو السريع ومن ثم يقف هذا النمو السريع وتبداء التغيرات الطفيفه ؟؟

وتقبلوا تحياتي

عبدالله بن مطلق المزحمي

30 / 04 / 2007, 17 : 11 AM

استاذنا الفاضل عبدالرحمن
السلام عليكم ورحمة الله وبركاته
مما يزيدني شرف مشاركتك استاذنا الفاضل في الموضوع لما تتمتع فيه من علم واخلاق وادب

وكذلك استاذي الفاضل
يعجز القلم من الاشاده فيك وفي علمك واختيارك للمواضبع التي تطرحها في المنتدى
واما عن سؤالك
يبدا القعود من ولادته في النمو طبيعي حتى يبلغ حق ويبدأ في نمو سريع اذا بلغ لقي
وهذا شي انا لاحظته كثير انه القعود من حق الي لقي يتغير كثير جدا ومن ثم ينمو
حتى يبلغ ثني هنا يعطيك 90بالميه من شكله وعشره بالميه تكمل اذا شق نابه

هذا رايي فان اصبت من الله واذا اخطئت فمن نفسي والشيطان

اخوك
عبدالله بن مطلق المزحمي

عبدالرحمن عبدالعزيز

03 / 05 / 2007, 31 : 09 AM

اسئل الله ان يزيدك من نعيم فضله وان يسدد خطاك يا ابو مطلق

وفيت وكفيت ومشكور على التوضيح

وتقبلوا تحياتي

عبدالله بن مطلق المزحمي

08 / 05 / 2007, 11 : 08 AM

لا شكر على واجب

المزحمي

نواف الحربي

14 / 05 / 2007, 27 : 09 PM

السلام عليكم ورحمة الله وبركاته

بارك الله فيك يالمزحمي

وجزاك الله كل خير على رأيك

و استفدنا منه كثيرا من خلال اطلاعنا على الردود السابقه

وهذا يعد من النصيحه الغاليه ولا يسمى انتقاد او عذربه بحلال الناس

الجميع هنا يسئلون والمكان مخصص للاستفسارات والاستشارات

وفرق كبير بين الرأي هنا والرأي في منتدى البيع والشراء

وردك يعتبر نصيحه غاليه وجهد تشكر عليه

وفي الحقيقة يميز هذا المنتدى ان يكون فيه من اهل الخبرات واهل النظر

وهذا يفيد كل مقتني للابل وكل هاوي لتربيتها

وهذا المنتدى الطيب داعم لهذا

نشكر كل القائمين عليه ونسأل الله ان يجزيهم خير الجزاء

والابل عز لاهلها

ومن كبار الصحابة رضوان الله عليهم من اعتزل حياة الامارة والسعي خلفها وهو اهل لها

بعد توقف الفتوحات الاسلاميه

وعاش مع ابله في المراعي حتى وافاه الاجل

سؤالى اخوي الفاضل

وشرايك بالمفرود اصله مافيه كلام

و شكله نود ان نسمع منك المرغوب والغير مرغوب فيه عند اهل الابل

والقعود واقف بارض منحدره كثير يسار

http://www.9m.com/upload/14-05-2007/0.9839601179165548.jpg

عبدالله بن مطلق المزحمي

15 / 05 / 2007, 57 : 08 AM

الاخ نواف الحربي

وعليكم السلام ورحمة الله وبركاته

الله لا يهينك ونسأل الله ان ينفعنا واياك

صورة القعود غير واضحه

وانا ما اقدر اعطيك رايي في الصور ه والا اكون ظالم للقعود

واذا عندك صوره لابوه وامه وتذكر ساسه لانك تبغا تفحل

والفحل كايد يعني لازم تدقق في كل حاجه وانت تشوف

في الوقت الحالي كلن عنده فحل واثين ثلاثه ولا تشوف

فيهن ما يميزهن عن الفحول الاخري

لان اهلها فحولها بدون معرفه ولا استشاره واذا كبر القعود

باعوه قصب صار يعلفونه سنين وبعدين خساره في خساره

في الختام

ارسل للقعود صور غيرها وابشر بكل خير

اخوك
عبدالله بن مطلق المزحمي

نواف الحربي

15 / 05 / 2007, 04 : 05 PM

بارك الله فيك مشرفنا الطيب

وان شاء الله احاول تنزيل مزيد من الصور بعد تحميلها

ونعوذ بالله من الخساره لنا ولكم ولجميع الاخوان

شكرا لكرم المرور وروعة التعليق

حفظك الله

عبدالله بن مطلق المزحمي

16 / 05 / 2007, 20 : 08 AM

الاخ نواف الحربي

وفيكم بارك

ونسأل الله لنا ولكم التوفيق

المزحمي

طلال عبدالله الشامسي

16 / 05 / 2007, 38 : 02 PM

السلام عليكم ورحمه الله وبركاته اخي عبدالله المزحمي الله يجزيك خير على مجهودك و خدماتك للاخوه اعضاء المنتدى واود ن اسألك
عن مزاين الاصايل او العمانيات هل مواصفات الزين فيهن مثل الزين في المغاتير ام لهن مواصفات خاصه وهل ترى ان هناك مستقبل لمزاين الاصايل

عبدالله بن مطلق المزحمي

16 / 05 / 2007, 51 : 03 PM

الاخ طلا الشامسي

وعليكم السلام ورحمة الله وبركاته
بالنسبه لسؤالك عن مواصفات العمانيات وماصفات ابل المزاين
بالتأكيد انها تختلف اختلاف كبير اعطيك مثال بسيط في الراس

راس العمانيات اغليه صغير والاذاني واقفه
بعكس ابل المزاين اللي تمتاز بالراس الكبير والاذن المنفهقه

اما هل هناك مستقبل للاصايل اقول والعلم عند الله سبحانه
ان اهل الابل المشهورين والتجار قامو يشترون ذود كامل اصايل
ويهتمون فيه يعني تلقا عندهم ابل مزاين وكذلك اصايل

اخوك
المزحمي

طلال عبدالله الشامسي

16 / 05 / 2007, 47 : 04 PM

الاخ عبدالله المزحمي
اشكرك على ردك حيث اني كنت في حيره شديده من هذا الموضوع فكما تعلم الغالبيه العظمى من ابلنا هنا في الامارات هي من الاصايل و كنت اظن انهن يعدن من المغاتير ويا ريت لو توضح لي مواصفات الزين فيهن ان كان لك خبره بمزاين الاصايل جزاك الله خيرا

سليمان المنتفجي

19 / 05 / 2007, 10 : 01 AM

السلام عليكم

أولا احب أشكرك يا أخ عبدالله على سعة صدرك ونصايحك اللي ما نستغني عنها وخاصة نحن أهل بادية العراق سابقا حيث ان مواصفات الزين عندنا تختلف تماما عن ما يطلبه السوق حاليا فقد كنا نكره الناقه ذات الراس الكبير وذات اللحي الطويل ونبيعها للقصابين ولكن بفضل الله ثم وجود أمثالك استطعنا أن نواكب الذوق العام ونتعلم مواصفات الزين المرغوبه في الجزيرة العربيه وأصبحنا نبحث عن الزين ونميزه ولكن ذلك لا يغنينا عن سؤال أهل العرف أمثالك .

أتمنى تعطيني رأيك في هالبعير وتعطيني عذاريبه ومميزاته بالتفصيل ان لم يشق عليك الامر وهل يصلح أهده في شعل متوسطة ولكن دائما لونها يغلب على لون الفحل

http://www.mzayan.com/vb/images/uploads/1104_12753464e243f70800.jpg

ولك مني جزيل الشكر

مبارك بن عبدالعزيز

20 / 05 / 2007, 20 : 10 PM

هذه صور لقعود عمره 3 سنوات ونصف اطلب راي الاستاذ عبدالله بن مطلق المزحمي عن مواصفاته وعيوبه ... ولكم جزيل الشكر والعرفان ....

http://www.m5zn.com/uploads/5f2e80b31d.jpg

http://www.m5zn.com/uploads/fa1ba4f394.jpg

عبدالله بن مطلق المزحمي

22 / 05 / 2007, 06 : 08 AM

الاخ طلال الشامسي

لا شكر على واجب وحياك الله في كل ساعه

أما بالنسبه لمزايين الاصايل (رحم الله أمرئ عرف قدر نفسه )

لا أستطيع ان اجاوبك عن الاصايل

ونسأل الله ان ينفعنا واياك وجميع المسلمين

أخوك
عبدالله بن مطلق المزحمي

عبدالله بن مطلق المزحمي

22 / 05 / 2007, 18 : 08 AM

الاخ سليمان المنتفجي

وعليكم السلام ورحمة الله وبركاته

لاشكر على واجب ونسال الله ان يعلمنا ما يفعنا

أما بالنسبه للبعير

أظن والعلم عند الله سبحانه انه باكستاني .والباكستاني مثل ما تعرف غير مرغوب
فيه عند أهل الجزيزه لاسباب كثيره

اليعير يا اخ سليمان عادي وعذاريبه كثيره

من عذارييبه الراس وسط واذنه رديه ورقبته قصيره وسنامه متقدم وجنبه قصير
وجرمه صغير وكذلك لونه

ورايي انك تدور بعير غيره

اخوك
عبدالله بن مطلق المزحمي

عبدالله بن مطلق المزحمي

22 / 05 / 2007, 26 : 08 AM

الاخ محمد العبدالعزيز

السلام عليكم ورحمة الله وبركاته

بالنسبه للقعود عذارييبه كثيره

وجهه عادي ماله خشم طافح ولا له سبال ضافيه ولا له خد عريض
واذنه رديه

لون القعود ماهوب الوضاح المطلوب وكذلك جرمه ادون شوي
وااقعود ماهو بسخيف اقصد لحمه واجد

يقولون أهل النظر اذا بغيت تفحل قعود تخيل انه بكره وركب
عليها جنايب اذا سويت هاذي الطريقه تقدر تحكم على القعود

هذا رايي ان اصبت من الله واذا اخطيت فمن نفسي والشيطان

اخوك
عبدالله بن مطلق المزحمي

مبارك بن عبدالعزيز

22 / 05 / 2007, 49 : 11 AM

الاخ عبداللة كفيت ووفيت والله يوفقك لخدمة اخوانك بالمنتدى000

طلال عبدالله الشامسي

22 / 05 / 2007, 56 : 11 AM

مشكور يا اخ عبدالله الزحمي وكثر الله من امثالك

عبدالله بن مطلق المزحمي

26 / 05 / 2007, 13 : 01 PM

الاخ طلال

حياك الله ونسال الله ان ينفعنا واياك

المزحمي

خالد المضياني

26 / 05 / 2007, 27 : 03 PM

...
وااقعود ماهو بسخيف اقصد لحمه واجد

يقولون أهل النظر اذا بغيت تفحل قعود تخيل انه بكره وركب
عليها جنايب اذا سويت هاذي الطريقه تقدر تحكم على القعود
...

السلام عليكم
كيف حالك ياعبدالله
اشكرك على بادرتك الطيبة
وهذا شيء ماهو مستغرب منك ولامن أهل مزاين
أثناء تصفحي لموضوعك لقيت ردك السابق
وحبيت أستفسر منك عن النقطتين المذكورة اعلاه
1-هل البعير الصخيف أطيب من الي المليان لحم؟كيف حددت أن البعير ماهو صخيف؟هل بالنظر لسنامه أو لرقبته أو لجنبه أو كيف؟
2- ليتك تشرح المقولة الي حطيتها(مقولة أهل النظر)
وشكرًا

عبدالله بن مطلق المزحمي

28 / 05 / 2007, 33 : 08 AM

خالد المضياني

28 / 05 / 2007, 45 : 02 PM

الاخ خالد المضياني

وعليكم السلام ورحمة الله وبركاته

البعير السخيف افضل من البعير اللي لحمه واجد

وكيف تعرف البعير السخيف تعرفه بقل اللحم اللي عليه

اما مقولة اهل النظر

اي اذا شفت قعود في سواء في سوق او عند بدوي
تخيل القعود بكره وشفه كم يسوى وتخيل زينه

اتمنى ان اجبت على اسئلتك

اخوك
عبدالله بن مطلق المزحمي
هلا بك ياعبدالله
وشاكر لك ردك الكريم
ولكن لين الحين فيه شي ماهو واضح
أنا أدري أن البعير السخيف هو قليل اللحم ولكن
هل المقصود به لحم رقبته وجنبه وقوائمه
ولا أنه سمين بشكل عام؟؟وهل الهزيل(من الجوع)أفضل من السمين؟؟
وبخصوص مقولة أهل النظر
يعني أتخيل ان القعود بكرة
وأشوف كم سعره بالنسبة للبكار ، هل لو كان بكرة يكون سعره اغلى من البكار الي حوله بالعمر أو لا؟؟
أنا فهمتها كذا
فإن كان صح هذا ماأرجوه
وان كان خطأ أرجو تصحيح خطأي
وشكرًا

عبدالله بن مطلق المزحمي

29 / 05 / 2007, 08 : 11 AM

الاخ العزيز خالد المضياني

لا شكر على واجب وانا ما حطيت الموضوع الا حتى استفيد
انا واخواني الاعضاء

ونسال الله العظيم رب العرش العظيم ان يرزقنا الاخلاص
وان يبارك لنا ولكم

المقصود انه عاري من اللحم يعني لحم البعير كله
من رقبته الي ذيله

اما بخصوص مقولة اهل النظر كما قلت

وتقبل تحياتي

عبدالله بن مطلق المزحمي

خالد المضياني

29 / 05 / 2007, 32 : 01 PM

الله لا يهينك ياعبدالله
وماقصرت

عبدالله بن مطلق المزحمي

01 / 06 / 2007, 58 : 01 PM

الاخ خالد المضياني

من يقول

وحياك الله

اخوك

المزحمي

سليمان المنتفجي

01 / 06 / 2007, 54 : 05 PM

عبدالله بن مطلق المزحمي

05 / 06 / 2007, 11 : 08 AM

الاخ سليمان المنتفجي

الله لا يهينك

اخوك

المزحمي

سعود الزيادي

06 / 06 / 2007, 20 : 12 AM

الاخ عبدالله مساء الخير عطني رايك عن القعود ولد بعير الدولي . السن لقي اسهيل الجاي رايك يهمني لاني ابشري القعود ان شاء الله . اذا عطيتني رايك

http://www.j1jj.com/uploads/9c8395dd53.jpg (http://www.jeddah4fun.com)

عبدالله بن مطلق المزحمي

09 / 06 / 2007, 31 : 11 AM

الاخ سعود الزيادي

القعود فيه عذارييب

اولها اللون غير مرغوب بالمره

وثاني شي القعود ماهوب حق في نظري انه يجذع سهيل الجاي

وفيه امر ان الناس يحسبون ان كل بعير طيب ومشهور يجي انتاجه

كايف ولا كان ماشفت اهل المزاين يشرون من البدو

راس القعود ماعجبني وكذلك رقبته قصيره ووجهه تقول وجه ناقه

وان اقترح عليك انك تدور قعود غيره

هذا رايي فن اصبت من الله وان اخطئت فمن نفسي والشيطان

اخوك
عبدالله بن مطلق المزحمي

سعود الزيادي

10 / 06 / 2007, 09 : 01 PM

السلام عليكم ورحمة الله وبركاته

الاخ الغالي عبدالله .مساء الخير

اشكر على اهتمامك بالموضوع واعطاء الراي بكل تجرد .لك مني كل التقدير والاحترام .وجزاك الله كل خير

اخوك / سعود الزيادي

عبدالله بن مطلق المزحمي

12 / 06 / 2007, 18 : 08 AM

وعليكم السلام ورحمة الله وبركاته

حياك الله في كل حزه

ونسأل الله العظيم رب العرش العظيم ان ينفعنا بما علمنا

اخوك
عبدالله بن مطلق المزحمي

محمد العطوى

18 / 06 / 2007, 00 : 10 PM

سبحان الله

محمد العطوى

19 / 06 / 2007, 06 : 12 AM

الاخ عبدالله

ابى رايك فى القعود الى فى التوقيع

السن/لقى يستجذع سهيل المقبل

الاصل من ابل سموالامير فهد بن سلطان امير منطقة تبوك

ولك جزيل الشكر

عبدالله بن مطلق المزحمي

19 / 06 / 2007, 46 : 08 AM

الاخ محمد العطوي

صورة القعود غير واضحه

لذلك ما اقدر اعطيك رايي

حاول ترسل صوره واضحه

وابشر بكل خير

اخوك
عبدالله بن مطلق المزحمي

محمد العطوى

20 / 06 / 2007, 38 : 12 AM

الاخ عبدالله

هذى صورة ثانيه للقعود

http://www.bof3d.com/up/get-6-2007-bof3d_com7liql2oy.jpg (http://www.bof3d.com/up)

عبدالله بن مطلق المزحمي

21 / 06 / 2007, 42 : 11 AM

الاخ محمد

القعود فيه عذارييب

ماله خشمن طافح واذنه رديه
وله عيز واظن ان جرمه ادون شوي
ولو انك ماصورته زين

القعود عادي مافيه شي يجذب

واذا انت متأكد من ساسه وتعرف ابوه وامه وشايف خواته
ضرب فيه ناقتين ولا ثلاث وشف برقه

هذا رايي فان اصبت من الله واذا اخطئت فمن نفسي والشيطان

اخوك
عبدالله بن مطلق المزحمي

سعود البدراني

10 / 07 / 2007, 33 : 08 AM

السلام عليكم ورحمة الله وبركاته
استاذي الفاضل عبد الله المزحمي لو تكرمت الله لايهينك اذا عندك اى معلوم عن ابل الامير / فهد عبدالله ال سعود قائد البحرية طبعا ســــــــــــــــــؤالي عن الوضح ولو تفيدنا اذا يوجد عندك صور لها
اخوي عبدالله امتلك من ابل الامير قعود

وجزاك الله عنا خير الجزاء ووفقك لما يحب ويرضي

عبدالله بن مطلق المزحمي

11 / 07 / 2007, 52 : 11 AM

الاخ سعود

اما بالنسبه لابل الامير فهد بن عبدالله

ما شفتها ولكن الامراء ما يقنون الا الطيب

اما بالنسبه للقعود اللي عندك لو انك قبل لا تشتريه

قلت لراعيه ابغى اشوف ابوه وامه واخواته

لانك شاري قعود تبغى تفحله

اما المشتري من ناس يقولون هذا ساسه من كذا
ماهوب صحيح

ويعلم الله انا كنا ننصح الناس انهم لا يشرون قعدان ما يعرفون ساسها

واسمحلي على عدم افادتك

اخوك المزحمي

سعود البدراني

11 / 07 / 2007, 19 : 01 PM

الاخ الفاضل ابومطلق
اولا : شكرا على تجاوبك
ثانيا : ابشرك ولله الحمد لدي فحل طيب وقعود طيب علي احد زمول ابن فنيسان
ولكن حبيت استزيد من الابل الطيبه ومن باب التنويع بين معامق الفحول المعروفة
و لا اخفيك اني شفت مجله عرضت فيها ابل الامير قبل ثلاث سنوات ورايت الفحل وعليه ملاحظات كثيره من قصر الرقبه وبعير اسطل ولكن المساله معمق والقعود اللي عندي متاكد من اصله وشكلة قريب من ابوة وسؤال لك يا بومطلق توقعت معرفتك بابل الامير ولتوضحلي اكثر من صورة مجلة

ولك جزيل الشكر

عبدالله بن مطلق المزحمي

13 / 07 / 2007, 03 : 01 PM

الاخ سعود البدراني

نسأل الله ان يوفقنا واياك لما يحبه ويرضاه

اما بالنسبه لشكل بعير ما عليك منه ,واهل النظر

والامراء والتجار عندهم وكلاء اهل صنف

ولا يفحلون بعير الا شايفين انتاجه .

تأكد من ساس القعود ومن امه وتوكل على الله سبحانه

وحياك الله في كل حزه

اخوك
المزحمي

سعود البدراني

16 / 07 / 2007, 31 : 08 AM

الســــــــــــــــــــــــلام عليكم ورحمة الله وبركاته

كيف الحال يابو مطلق
هذي صورة بعير الامير فهد قائد البحريه ابو القعود اللي ذكرتلك اتمنى يابو مطلق ابداء مرئياتك حول البعير ولك جزيل الشكر

اخوك سعود

http://www.0sss0.com/up/uploader_files21/NDc63347.jpg

عبدالله بن مطلق المزحمي

16 / 07 / 2007, 57 : 01 PM

وعليكم السلام ورحمة الله وبركاته

الاخ سعود البدراني

عذارييب البعير كثيره

لو ان راس البعير ماهو بواضح

ولكن سيف لحيه قصير وتصاغر راسه

ورقبته رديه وقصيره ومطلعها ردي

جرم البعير ادون اللون شقح والبعير جنبه قصير وغاربه كذلك

ولافيه سنده وذيله طويل وعرقوبه اركز

وهذا بالنسبه لشكل البعير اما مايحكم البعير في سنه هذا انتاجه

والامراء مثل ماقلتلك مايهدون بعير الا عارفين ساسه وشافين انتاجه

وانت ارسل صورة القعود واذا امكن صورة امه وابشر بكل خير

اخوك

المزحمي

سعود البدراني

17 / 07 / 2007, 15 : 09 AM

الســـــلام عليكم ورحمة الله وبركاته

اخوي ابو مطلق هذي صور القعود وعمرة لقي

ولك الود والاحترام

http://www.0sss0.com/up/uploader_files21/6Vd52120.jpg
http://www.0sss0.com/up/uploader_files21/VUS52399.jpg
http://www.0sss0.com/up/uploader_files21/05m52431.jpg
http://www.0sss0.com/up/uploader_files21/y9n52523.jpg
http://www.0sss0.com/up/uploader_files21/Puz52650.jpg
http://www.0sss0.com/up/uploader_files21/nAz52692.jpg
http://www.0sss0.com/up/uploader_files21/9jz52742.jpg

عبدالله بن مطلق المزحمي

17 / 07 / 2007, 07 : 01 PM

الاخ سعود البدراني

نسال الله ان يبارك لنا ولكم ويرزقنا الاخلاص في الاقوال والافعال

وانا ابغا اعطيك رايي وبعيد عن المجامله لانه من استشارك دخل في ذمتك

الاخ سعود القعود مبروك وعذارييبه مثل عذارييب ابوه

ورايي انك ما تفحله وتشوف لك قعود غيره

اخوك

المزحمي

سعود البدراني

17 / 07 / 2007, 41 : 01 PM

ابو مطلق القعود ماني ناوي افحلة انشاء الله

ولكن وش رايك بهالهرش علما بان انتاجه من جميع الوان المغاتير

http://www.0sss0.com/up/uploader_files21/ZLn68763.jpg

عبدالله بن مطلق المزحمي

18 / 07 / 2007, 41 : 12 PM

الاخ سعود

البعير عذارييبه كثيره

الراس تصاغره وتركيبته ماهيب التركيبه المطلوبه

والبعير جرمه ادون

واللون اشقح

والذيل طويل

ولكن البعير في هذا السن مايبغاله رايي

يحكمه انتاجه اذا كان انتاجه طيب هذا المطلوب

اخوك
المزحمي

صالح البلوي

18 / 08 / 2007, 46 : 01 PM

بيض الله وجه الجميع

عبدالله بن مطلق المزحمي

20 / 08 / 2007, 45 : 11 AM

الاخ صالح البلوي

ووجهك ابيض

اخوك
عبدالله المزحمي

خالدالعبدالكريم

28 / 08 / 2007, 14 : 04 AM

اخي عبدالله بن مطلق

السلام عليكم ورحمة الله وبركاته

الحقيقة اني قرات كل المشاركات الموجودة في هذا الموضع وتبين لي انك لاتجامل في النصح ابداً وهذا طيب وايضاً صراحتك المطلقة

وهذا ايضاً حسن و قد ذكرتني ببيتاً للشاعر بن السبيل يوم يقول(يدي شرهه ما كل عود تعصاه... ولاهي على عوج العصي امحدوده)

بارك الله فيك وجزاك الله خيراً0

اخوك/خالد العبد الكريم

عبدالله بن مطلق المزحمي

01 / 09 / 2007, 37 : 09 PM

الاخ خالد العبدالكريم

وعليكم السلام ورحمة الله وبركاته

شكرا لك على الكلام الجميل

ونسأل الله العظيم رب العرش العظيم ان يرزقنا واياك الاخلاص في الاقوال والاعمال

لانه كما قيل (كل شي لغير الله يضمحل)

ودمت سالما

اخوك
المزحمي

فلاح الرويلي

08 / 09 / 2007, 48 : 01 AM

عساك على القوه

عيد العنزي

09 / 09 / 2007, 04 : 09 PM

السلام عليكم ورحمة الله وبركاته

الاخ العزيز عبدالله المزحمي نشكرك على هذا الموضوع الطيب ....
ممكن تعطيني رايك في الفحل هذا وارجو انك لا ثقل عليه وترى مازعل من رايك واشكرك على تقديرك مسبقا...

ترى عمره العام اول اضراب له يعني الحين ثني انشاء الله .

عيد العنزي

09 / 09 / 2007, 06 : 09 PM

علي محمد الحربي

11 / 09 / 2007, 49 : 12 PM

جهود طيبه
كل الشكر لك اخوي عبدالله

راشد محمد العلي

13 / 09 / 2007, 31 : 03 AM

الف شكر اخوي موضوع مميز وردود طيبه

عبدالله بن مطلق المزحمي

13 / 09 / 2007, 04 : 11 AM

الاخوان فلاح -وعلي وراشد

لا شكر على واجب

الاخ عيد

بالنسبه للبعير

البعير مبروك ونسال الله ان يبارك لنا ولك

ولكن البعير ما فيه شي يجذب مثل راسه ماهوب التركيبه المطلوبه

وكذلك جرم البعير تشره عليه وغاربه قصير ولونه كنه اشقح

اخوك

المزحمي

عيد العنزي

13 / 09 / 2007, 40 : 10 PM

الله يعطيك العافيه ويقبل منك ومنا يصيامنا وقيامنا وسائر المسلمين
تنصحني انتظر واشوف بناته
فعلا البعير اشقح
تحياتي

عبدالله بن مطلق المزحمي

16 / 09 / 2007, 39 : 01 PM

الاخ عيد

الله يعافيك ويطول عمرك على طاعته

اما بالنسبه للبعير

رايي انك تشوف لك بعير غيره واذا ما تستطيع

والبعاريين غاليه شف لك احد من اهل الفحول الطيبه

وضرب نياقك وترجى الله سبحانه

اخوك
المزحمي

سعود محمد البدراني

19 / 09 / 2007, 13 : 04 PM

مشكور وماقصرت

عبدالله بن مطلق المزحمي

22 / 09 / 2007, 35 : 11 PM

الاخ سعود البدراني

لا شكر على واجب ونسال الله ان ينفعنا واياك

اخوك
المزحمي

حسين العصيمي

24 / 09 / 2007, 29 : 10 PM

السلام عليكم
لا هنت يأبو مطلق
وش رئيك في هذا الفحل مع العلم بأن سنه جذع
و أبوه هو الفحل حوران بعير محمد الجليدي و أمه بعد عفراء
وهل يعتبر أصفر او حمر
و إذا الواحد يبي يهده في وضح أو صفر
http://www.mzayan.com/vb/images/uploads/2882_1755646f80fc9a831b.jpg
http://www.mzayan.com/vb/images/uploads/2882_1755646f80fdb13f37.jpg
http://www.mzayan.com/vb/images/uploads/2882_1755646f80fea13853.jpg
و هذي صورة أبوه

http://www.mzayan.com/vb/images/uploads/2882_289246f81011d3d26.jpg

عبدالله بن مطلق المزحمي

24 / 09 / 2007, 33 : 11 PM

الاخ حسين العصيمي

في نظري ان القعود ماهو حمر القعود ان قلت اصفر اصفر وان قلت
اشعل اشعل القعود غير واضح لانه مطير وبرته

وطبعا ابوه اطيب منه واجد

اطيب من راس وخشم واذن واطيب رقبه مافيه مقارنه بينه وبين ابوه

والقعود فيه عذارييب كثيره فيه مطلع الرقبه تشره عليها

وكذلك سنامه مندفن شوي ولا بين زينه لحد الان واذا انت شايف

امه ومتأكد انه ولد حوران ضرب عليه ناقه ولا ناقتين واصبر عليه

سنه ان انتج يبين اكثر .

والقعود مثل ما قلتلك مابين زينه لحد الان ولكن اذا طلعت ثناياه
وشفت انتاجه تقدر تحكم عليه زين

اما بالنسبه لانتاجه والعلم عند الله يمكن يلون يعني يبا يطرح
صفر ويطرح وضح

هذا رايي ان اصبت من الله وان اخطئت فمن نفسي والشيطان

اخوك
عبدالله بن مطلق المزحمي

حسين العصيمي

27 / 09 / 2007, 01 : 01 PM

مشكور و ماقصرت و جزاك الله خير يابو مطلق

أنا على كل حال سواتي وافقت شورك الطيب

أضربت منه بكرتين شقح طيبات ونترجى الله منه خير

تقبل إحترامي

محمد بن شريه المطيري

27 / 09 / 2007, 30 : 07 PM

بسم الله الرحمن الرحيم

اهنيك اخي المزحمي على هالصفحه الأكثر من رائعه .

ونسالله الله ان يوفقك بماهو هو مفيد للناس وان يجلعه في ميزان حسناتك

انا اول مره امر على الصفحه وابتديت فيها من الصفر الي اخر صفحه

صفحه مميزه وانسالله الله التوفيق لك ولنا ...

اخووك محمد بن شريه

عبدالله بن مطلق المزحمي

30 / 09 / 2007, 41 : 10 AM

الاخ محمد بن شريه

الله لا يهينك وشكرا على المرور

اخوك
المزحمي

ناصر نايف السبيعي

19 / 10 / 2007, 31 : 01 PM

بيض الله وجهك

ناصر سعد الشيباني

22 / 10 / 2007, 45 : 11 AM

مشكور وعساك على القوه

عبدالله بن مطلق المزحمي

29 / 10 / 2007, 49 : 08 AM

الاخ ناصر سعد
والاخ ناصر نايف

لا شكر على واجب

اخوكم
المزحمي

سالم بن محمد

18 / 01 / 2008, 57 : 06 PM

وش رايك بها القعوود

http://www.mzayan.com/vb/images/uploads/114_2695947921d3b9f334.jpg

http://www.mzayan.com/vb/images/uploads/114_2573047921d6090619.jpg

عبدالله بن مطلق المزحمي

26 / 01 / 2008, 14 : 09 AM

الاخ سالم

القعود طال عمرك مبروك ولكن فيه عذارييب ظاهره مثل

ولو انك ذكرت سنه كان احسن

القعود تعانق رقبته ومتساوي وغاربه قصير
وتشره على وبرته

هذا الظاهر في الصوره والعلم عند الله

اخوك
المزحمي

نواف الحربي

27 / 01 / 2008, 02 : 02 AM

السلام عليكم ورحمة الله وبركاتة

الله يبارك فيك ياعبدالله

وشرايك بالقعود وعمرة سنتين وهو من انتاج خويمان بعير جابر الصباح رحمة الله

http://www.mzayan.com/vb/images/uploads/114_27906479b223a41cb7.jpg

http://www.mzayan.com/vb/images/uploads/114_1996479b226bc47fe.jpg

http://www.mzayan.com/vb/images/uploads/114_30366479b22911834c.jpg

http://www.mzayan.com/vb/images/uploads/114_30366479b22b3dc658.jpg

http://www.mzayan.com/vb/images/uploads/114_4474479b22d62d089.jpg

http://www.mzayan.com/vb/images/uploads/114_26776479b22fa4d1f0.jpg

http://www.mzayan.com/vb/images/uploads/114_18187479b2349ee2f5.jpg

عبدالله بن مطلق المزحمي

29 / 01 / 2008, 19 : 10 AM

وعليكم السلام ورحمة الله وبركاته

الاخ نواف

نسأل الله ان يبارك لنا ولكم

بالنسبه للقعود القعود مبروك ومواصفاته وسط في كل شي

القعود طال عمرك اركز ومتساوي وذيله طويل
وتشره على وبرته

وكذلك تصاغر راسه وتشره على خشمه

هذا الظاهر من الصوره وبعض الصور تظلم المطيه

واذا كنت متأكد من ابوه ومن امه
اصبر عليه وكما قيل

الولد والقعود مخلفين العهود
اخوك

المزحمي