المساعد الشخصي الرقمي

مشاهدة النسخة كاملة : الحايل

صدام اليامي
08 / 02 / 2009, 43 : 03 PM
السلام عليكم ورحمة الله

يالربع عندي ناقة حايل الفحل عادةً ما يبيها ومشكلة الناقة سمين وماتيسر ابد واعطيتها ابرة يسرة ولم تيسر ايضاً
نرجو الحل؟
ظافر ال شداد
13 / 02 / 2009, 58 : 03 AM
اخوي كان عندنا بكره سنها رباع وهي ماقد لقحة وسمينه اضربناها وهي ثنيه ومالقحة يمكن اضربناه خمس مراة ذيك السنه والسنه الي عقبها وهي رباع اضربناها ثلاث مرات ومالقحة جبتلها بيطري وادخل عليها ونضفها وعطاها ابر بعد ماادخل عليها يقول ابرة تنضيف وابرة تنزيل البويضات وحط في رحمها حبتين مثل الفوار يقول تنضيف وتعقيم وعطاني ابرة تثبيت اللقاح وقالي تعطيها اول مايقوم منها الفحل واضربتها بعد ثلاث ايام وعطيتها ابرة التثبيت وفركة حياها بلملح الخشن والحمدالله لقحة وانتجت
الله يبارك لنا ويبارك لك
حمد الدوسري
14 / 02 / 2009, 37 : 08 AM
السلام عليكم ورحمة الله وبركاته جميعا
اخوي صدام عسى الله يبارك لنا ولك وبعد اذنك نطلب من اخونا ظافر الدوسري لو يعطينا مكان واسم ورقم جوال الطبيب البيطري هذا لان الجيد فيهم نادر وكذلك حتى تعم الفائده
ظافر ال شداد
15 / 02 / 2009, 24 : 02 AM
السلام عليكم ورحمة الله وبركاته جميعا
اخوي صدام عسى الله يبارك لنا ولك وبعد اذنك نطلب من اخونا ظافر الدوسري لو يعطينا مكان واسم ورقم جوال الطبيب البيطري هذا لان الجيد فيهم نادر وكذلك حتى تعم الفائده
ارحب اخوي ماجد ابشر برقمه وتصدق اني طحت في الدكتور صدفه انا رايح ابي دكتور غيره يمدحونه في صيدلية الصحراء الي في الجنادريه وكل مارحت لقيته مسكر الصيدليه وطالع مع زبون قلت خل ادور غيره يمكن نطيح في واحد تمام وكل شوي ادخل على صيدليه واعطيهم حالت الناقه ومن رد الصيدلي احاول اقيمه وعجبني هذا وخذيته والحمدالله
والبركه من الله سبحانه مع العلم نفس الصيدلي ادخل على ناقه عندي ثانيه ومالقحت وهي الحين ثنيه
هذا رقمه 0551102965 واسمه والله ناسيه خابره من العام واسم الصيدليه صيدلية الفحول في الجنادريه
فهد الأحمد
15 / 02 / 2009, 14 : 08 AM
عطها أبرة فرتميل الفرنسيه
زينه لليسرة ولإنتاج البويضه في نفس الوقت
والله يكتب اللي فيه الخير والصالح
صدام اليامي
15 / 02 / 2009, 38 : 08 AM
الله يجزاكم خير
حمد الدوسري
15 / 02 / 2009, 55 : 03 PM
تسلم اخوي ظافر وعسى الله ينفع به ولا يتكل عليه
صالح الخشرمي
18 / 02 / 2009, 41 : 03 PM
أخي صدام إذا كانت الناقه سمين مره وسنامها مرتفع مره

أنا أقول أحفر لناقه من قدام يعني من عند يدينه ونزلها بحيث أن الجمل يصيطر عليها

ولامانع أن تنضف رحمها وتعطيها ابرة جسره وتاخذ بكلام أخواني ألي سبقوني الرد عليك


والله يكتب الي فيه الخير لنا ولك وللمسلمين