الفزعة يالربع

[عبدالله عبدالعزيز]

اخواني عندي بكرة شاريها من السوق قبل فترة وضربه الفحل وهي ترغي ورغاهاماهو طبيعي المهم اني عرضته على الفحل بعد
خمسة عشر يوم وقامة تشاول بذيلها وترغي والفحل يشمها ويرجع واحيان يعضها ويعرطها مع الذيل والمنطقة الي حول حياها لدرجة انه سال الدم منه
واذا عقلتها له ماغير شمشمها ويرجع افيدوني ياجماعه هل هي عشرة بالشكل هذا والا صايده ووش العلم يومانه يعضها ويعرطها بالشكل هذا واسف على الاطالة

[ظافر ال شداد]

أخوي البكره الله وعلم يوم اضربتها ماكانت ميسر هذا سبب رغاها القوي
وأذا البكره ترغي هذا دليل على انها ماعشرت وتشاول من الخوف واذا البكره لقيه يمكن البعير حاقرها (مستصغرها ) عشان كذا ماضربها والله اعلم
وشوري عليك لاتضربها وهي مهيب ميسر عطها ابرة اليساره واصبر عليها ثلاث ايام وضربها وبعد الضراب افرك حياها بملح طبيعي وفيه ابره في الصيدليه يسمونها ابرة تثبيت اللقاح تعطاء بعد مايقوم منها الفحل على طول لاكن اتوقع الملح يكفي
وننتظر راي باقي الاخوان من اهل الخبره

[عبدالله عبدالعزيز]

جزاك الله خير

[مسعود العماري]

أخوي البكره الله وعلم يوم اضربتها ماكانت ميسر هذا سبب رغاها القوي
وأذا البكره ترغي هذا دليل على انها ماعشرت وتشاول من الخوف واذا البكره لقيه يمكن البعير حاقرها (مستصغرها ) عشان كذا ماضربها والله اعلم
وشوري عليك لاتضربها وهي مهيب ميسر عطها ابرة اليساره واصبر عليها ثلاث ايام وضربها وبعد الضراب افرك حياها بملح طبيعي وفيه ابره في الصيدليه يسمونها ابرة تثبيت اللقاح تعطاء بعد مايقوم منها الفحل على طول لاكن اتوقع الملح يكفي
وننتظر راي باقي الاخوان من اهل الخبره

مع كلام الاخ ظافر

ودائما الناقة ما تعسر

[علوش العتيبي]

الاخوان ما قصرو ولكن ودي اضيف لو تخلي البكره لين تجسر طبيعي بدون ابره وكثر لها العلف واليا اهدلت ضربها والله يمنحك البركه

[عيدالمنصورى]

اولا لانعرف سن البكره لذا انا مع الاخ علوش العتيبي في ترك البكره حتى تبدن وتجسر طبيعي

[عبدالله عبدالعزيز]

اشكر الاخوان كلن باسمه والبكرة ماتحتاج اكرام لانها بدين وانا خايف انهذا يأثر عليها واما عن كلام اخوي عيد فالبكرة الله العالم
انها رباع او حولها ماادري بالضبط فا وش رايكم