سؤال ارجو الافادة

[خالد عبدالرحمن الحربي]

السلام عليكم ورحمة الله وبركاتة
يالربع انا عندي ناقة هذي السنة الثانية لجالها 7او 8 شهور اجهضت ووبعد 3 شهور جاها البعير وعافها اكثر من مرة
وجبت بعير ثاني وعافها مافكر فيها
وبعدها فكيت قعود لقي عليها وفسر واضربها وبعد اسبوع قامت تشاول وتعبس وخذت حول الشهر ثم فيخت واشوفها تبى البعير والحين اضربها القعود ولها حول السبوع واشوفها بدت تشاول وتعبس لحديتها على البعير
سؤال هل الناقة معشر ولا لا
وهل تنصحون بابرة التثبيت الان اذا كانت معشر
(((القعود تراه سمين )))
افيدونا جزاكم الله خير

[بدر بن فارس العتيبي]

أنصحك أن تتأكد من عشارها بالأول

لأن الناقة المعشر ما تبي الجمل ولا ترغي مع المشاوله بذنبها ،

واحيانا الناقة تشاول وهي غير معشر لأنها تكون معشش أو يكون فيها صديد

وإذا كان الجمل الكبير يعاف الناقه معناته إن لها رائحه تخلي الجمل يعافها

متى تأكدت من أنها غير معشر أنصحك بأن يدخل عليها وينظف رحمها + ابرة التثبيت

وعلى العموم يمكن الأخوان منتدى عيادة مزاين البيطرية يفيدونك أكثر

والله يطعمك منها

[زاهر العرجاني]

اولا هل تاكدت من القعود انه لقح غيرها من الابل

لان اللقي نادر مايلقح

ثاني شي بالنسبه انها اصعدت من قبل فانا قاري مره

عن الحمى المالطيه انها تسبب الصعاد ان كانت مصابه فيها الناقه

اما بالنسبه باشوالها من البعير الكبير قد لايدل على انها لقحه

لكن تابعها وتاكد من شكلها اذا مر عليها وقت هل تغير شكل الناقه

وبدنتها ولالا