انسداد ديد الخلفه

[سالم الجهني]

السلام عليكم ورحمة الله وبركاته
لدي مشكله عويصه وهي أن عندي ناقة غاليه ولقحة من فحل غالي والان ملاقي ولكن فيها سدد في الديد
فماهو الحل في مثل هذه الحالة لمن جرب مثل هذا المرض والله يحفطكم ويرعاكم

[سامر الحربي]

مرحبا اخووي سالم الجهني

انا مجرب هالطريقه وانصح بها بعد ,, انو تطبخ الحلبه وتبردها وتغر بها الناقه بمويتها وحبها كلها

لكن لازم تكون ملاقي واذا مالاقت ماينفع .. وجرب وشوف الفرق بإذن الله ورد لنا خبر ...

لان انا جربت ونفع والحمدلله .. والله يبارك لك في ناقتك ..

[علي ال مرعي]

طال عمرك فيه تجربه يسوونها البدو وهي ناجحه نوعا ما وهي اذا صارت الناقه منسدحه وتولد امسك الديد المنسد وحاول تنتقه تجره ويكون مع زحرة الناقه وباذن الله تنجح معك.

[سالم الجهني]

الاخوان سامر الحربي وعلي آل مرعي
اسعدني تجاوبكم
وبيض الله وجه من جاب البياض

[ناصرالموسى]

السلام عليكم اخوي سالم والله يسلم لك ناقتك ويرزقك منها الإنتاج الطيب يارب ,,, أنا أقول إن كان السدد في محالبها فهناك إبرة عند البيطري مخصصة لهذا الشيء وأنا جربتها في ناقة عندي ونجحت

[راشد المطيوعي]

السلام عليكم اخوي سالم والله يسلم لك ناقتك ويرزقك منها الإنتاج الطيب يارب

وربع ماقصرو اخوي بارك الله فيك وفيهم