خالد عبدالله السبيعي
11 / 05 / 2005, 33 : 05 PM
ومن قصائد القهوة نختار لكم هذه الأبيات من ضمن قصيدة طويلة للشاعر المعروف محمد العبدالله القاضي
وهي في وصف القهوة وطريقة اعدادها
دنيت لي مـن غالي البن ما لاق=بالكف ناقيها عن العذف منسوق
إحمس ثلاث ٍ يا نديمي على ساق=ريحه على جمر الغضى يفضح السوق
واياك والنية وبـالك والاحـراق=واصحا تصير بحمسة البن مطفوق
ليا اصفرّ لونه ثم بشت بالاعراق=صفرا كما الياقوت يطرب لها الموق
وعطّت بريح ٍ فاخر ٍ فاضح ٍ فاق=ريـحه كما العنبر بالانفاس منشوق
دقه بنجر ٍ يسمعه كـل مشتـاق=راعي الهوى يطرب الى دق بخفوق
لقّـم بدلّـة مولـع ٍ كنها ساق=منصوبـة ٍ مربوبـة ٍ تقل غرنوق
خله يفوح وراعي الكيف يشتاق=إليا طفح له جوهر ٍ صح له ذوق
أصغر قموره كالزمـرد بالاشعاق=وكبارها الطافح مـا صافي الموق
زلّه على وضحا بـها خمسة رناق=هيل ٍ ومسمار ٍ بالاسباب مسحوق
مع زعفران ٍ والشمطري إلى انساق=والعنبر الغالي على الطاق مطبوق
فيلا اجتمع هـذا وهـذا بتيفاق=صبّه كفيت العوق عن كل مخلوق
بفنجال صين ٍ زاهي ٍ عند الارماق=يغضي بكرسيّه كما اغضاي غرنوق
إليا انطلق من ثعبته تـقل شبـراق=رنـق ٍ تصوّر للحمامة على الطوق
شكّل على الفنجـال لونه إلى راق=دم الغـزال إلـى انمزع منه معلوق
خمـر ٍ إلى منه تسلسل بالاريـاق=وعليه من ما صافـي الورد مذلوق
راعيه كنه شارب ٍ ريـق تريـاق=كاس الطرب وسرور من ذاق له ذوق
[فقط الأعضاء المسجلين والمفعلين يمكنهم رؤية الوصلات]
وهي في وصف القهوة وطريقة اعدادها
دنيت لي مـن غالي البن ما لاق=بالكف ناقيها عن العذف منسوق
إحمس ثلاث ٍ يا نديمي على ساق=ريحه على جمر الغضى يفضح السوق
واياك والنية وبـالك والاحـراق=واصحا تصير بحمسة البن مطفوق
ليا اصفرّ لونه ثم بشت بالاعراق=صفرا كما الياقوت يطرب لها الموق
وعطّت بريح ٍ فاخر ٍ فاضح ٍ فاق=ريـحه كما العنبر بالانفاس منشوق
دقه بنجر ٍ يسمعه كـل مشتـاق=راعي الهوى يطرب الى دق بخفوق
لقّـم بدلّـة مولـع ٍ كنها ساق=منصوبـة ٍ مربوبـة ٍ تقل غرنوق
خله يفوح وراعي الكيف يشتاق=إليا طفح له جوهر ٍ صح له ذوق
أصغر قموره كالزمـرد بالاشعاق=وكبارها الطافح مـا صافي الموق
زلّه على وضحا بـها خمسة رناق=هيل ٍ ومسمار ٍ بالاسباب مسحوق
مع زعفران ٍ والشمطري إلى انساق=والعنبر الغالي على الطاق مطبوق
فيلا اجتمع هـذا وهـذا بتيفاق=صبّه كفيت العوق عن كل مخلوق
بفنجال صين ٍ زاهي ٍ عند الارماق=يغضي بكرسيّه كما اغضاي غرنوق
إليا انطلق من ثعبته تـقل شبـراق=رنـق ٍ تصوّر للحمامة على الطوق
شكّل على الفنجـال لونه إلى راق=دم الغـزال إلـى انمزع منه معلوق
خمـر ٍ إلى منه تسلسل بالاريـاق=وعليه من ما صافـي الورد مذلوق
راعيه كنه شارب ٍ ريـق تريـاق=كاس الطرب وسرور من ذاق له ذوق
[فقط الأعضاء المسجلين والمفعلين يمكنهم رؤية الوصلات]