رايكم بالفحل بدون مجامله

[بدر الذيابي]

السلام عليكم ورحمة الله وبركاته


هذا الفحل شراه عمي وعليه وسم فنجال الشيباني
والفحل لايزال فادر لم يهيج ولانعرف السبب؟؟؟؟؟؟

ابي رايكم بالفحل من جميع النواحي.... بدون مجامله



أمل مشاركة الأخوه جميعا وابداء الرائ وبدون مجامله

http://www.mzayan.com/vb/images/uploads/3577_3184649341db23b321.jpg

]http://www.mzayan.com/vb/images/uploads/3577_904049342adfec538.jpg
]http://www.mzayan.com/vb/images/uploads/3577_918349342b4c5a9e6.jpg

[راشد المطيوعي]

الفحل طيب والله يبارك لعمك فيه

والله يسلمك اخوي

[محمد العوده]

الفحل طيب والله يبارك لعمك فيه

والله يسلمك اخوي

[حاتم العماري]

الفحل طيب
وان شاء الله يهيج
(اخ بدر تراني قريب من العطيف)

:thanks:

[عبدالله محمد]

الله يبارك لك فيه ويعطيك من خيره ويكفيك من شره

[عبدالله حمد هران]

شكله طيب والله يباركلك فيه

[محمد بن شريه المطيري]

الفحل بكل صوره له شكل

البعيراضهره اقشر وسنامه متقدم وغاربه فيه ضيق والعرقوب طيب وجنبه زين


اما بخصوص الراس بالصورتين اللتي فوق راسه لأ بأس فيه جيد

اما في الصوره الأخيره رأسه ردي

البعير اللذي مثل هذا لا ينحكم عليه زين ولا شين ينحكم عليه من انتاجه

لانه قد انتج واذا انتاجه زين فيقضبه واذا انتاجه عادي لا يتوقع انه ينتج شي طيب من وراه

ان طابن بناته بيجن نفسه ابل بداوه وممكن تحت

واسمحلي هذا رأيي ومن غير اي مجامله

[زايد المنصوري]

الفحل مستواه متوسط ...

الغارب قصير والمركب فيه كسر ومقعد السنام شين والجنب متوسط والراس متوسط ...

من ناحيتي ما يصلح فحل...

والسموحه

[شلش القرفي]

بدون مجامله
الفحل بصوره عامه
اقل من الوسط
إذا ماهو ردي
راسه ماهو بزين
وظهره متقدم
وكبر الراس وزينه شي اساسي في الزين عامه
ونفهاق الظهر مطلوب خاصة في المغتر
والملاحظات اللي ذكرتها مفقوده في البعير
على حسب ابلك وانت اعرف مني الفحل هذا ماينهد الا ان ابلك رديه بالحيل
يمكن ينفع باللقاح فقط اما انتاج والله ماتوقع والله يبارك لك والله يطرح البركه
وجهة نظر يمكن تكون صايبه ويمكن لا
تحياتي

[عايد الهاجري]

الفحل مبروووك ان شالله

[عايض بن مبارك]

الفحل بدون مجامله ا احليو ولا هوب ردي

[عايض بن خجيم]

مرحبا يالذيابي الله يحييك،الفحل طيب جدا وشكله طيب ووجه زين ولحيه طافح وخده عريضه واكثر ماهو مزينه وسم راعيه الاول فنجال يعني ان امه طيبه جدا لن فنجال ابله طيبه ولها باع طويل في المهرجانات وبيتغير في نظر بعض الاعضاء اللي يشرهون على ظهره بعد مايطلع الوبر ويلحق حده في الهياج وعلى ماظن انه كان معروض مع مجموعة ابل وضح معروضه للبيع قبل عيد الاضحى بفتره في وادي العجمان. بالتوفيق للجميع

[لاحق فهد العتيبي]

بدون مجامله
الفحل بصوره عامه
اقل من الوسط
إذا ماهو ردي
راسه ماهو بزين
وظهره متقدم
وكبر الراس وزينه شي اساسي في الزين عامه
ونفهاق الظهر مطلوب خاصة في المغتر
والملاحظات اللي ذكرتها مفقوده في البعير
على حسب ابلك وانت اعرف مني الفحل هذا ماينهد الا ان ابلك رديه بالحيل
يمكن ينفع باللقاح فقط اما انتاج والله ماتوقع والله يبارك لك والله يطرح البركه
وجهة نظر يمكن تكون صايبه ويمكن لا
تحياتي
=======================