ناقه تعض خلف الفحل؟

[حاتم العماري]

السلام عليكم ورحمة الله وبركاته

عندي ناقه ميسر
هديت عليها القعود ضربها وبعد ماقام عنها غفلت عنه شوي وسمعت صوته الا الناقه ماسكته بخلفه وتستدير هي وياه
اصيب بجروح سطحيه لكني استغربت وابعدت القعود عنها وانهد عليها وضربها مره ثانيه
السؤال
هل السلوك هذا طبيعي في النياق ولا ناقتي فيها بلا؟
وفقكم الله

[راشد المطيوعي]

اخوي غريب لاكن يمكن اناقة جلب والقعود صغير وتعاليه

[فهد القحطاني]

اخوي غريب لاكن يمكن اناقة جلب والقعود صغير وتعاليه



أتفق مع الأخ راشد


كان عندي قعود تأكله البل وبعدما كبر فرض سلطته عليها وصارت تخيف منه

ولاعندك أي مشكله

[مناحي المحمدي]

كان عندي قعود تأكله البل وبعدما كبر فرض سلطته عليها وصارت تخيف منه

ولاعندك أي مشكله

فرض سلطته -_+


اخوي الناقه ميسر وضني القعود اللي عندك خبيل
هد عليها بعيرن شاااايخ .

[عيدالمنصورى]

اتفق مع الاخوان

[خالد عبدالرحمن الحربي]

وش سن القعود

[عبدالله بن ناصر ال بجاش]

اتفق مع الاخوان

[عايض بن خجيم]

قعودك احتمال انه صغير يعني مايقدر يشيخ عليه في الضراب ، دور لك بعير كبير وراهي يشيخ على الناقه

[سلطان المطيري]

هذا الله يسلمك الناقه حاقره هذا القعود لانه صغير

[نواف بن جندل العازمي]

حصلت معي نفس الحاله وهي عاديه

عندي ناقه سنها ثنيه وما ضربتها الا قبل شهر ونص

على قعودي وسن القعود توه مجذع واضربها مرتين

واحيانا نفكه منها تبرك على غاربه تبي تذبحه تلعب عليه