قلة الحليب

[صدام اليامي]

عندي ناقة عمانية حليبها واجد وفجأة قل حليبها بشكل كبير جداً وصارت ما تخلي احد يحلبها علماً بأن اكلها طبيعي وحركتها وديدها طبيعية
ولكم جزيل الشكر والعرفان

[بدر الذيابي]

اخوي صدام يمكن الناقه منحوزه

تأكد من الناقه هل هي تكح والا لا؟

وانشاء الله الاخوان يفيدونك...

[راشد المطيوعي]

اخوي ناقتك مابها الا العافيه قلت حليبها من البرد هاذي الايام تقير جو كثر عليها العلف من الرودس وبترجع طبيعيه

[عيدالمنصورى]

اذا الناقه اكلها طبيعي وحالها طبيعي لا داعي للعلاج

[بخيت البريدي]

اخوي صدام الله يبارك لك في حلالك انشالله .. احلب الناقه ثلاث مرات في اليوم وزيد عليها الطعام وبتشوف الفرق في الكثره وفي الطعم

[صدام اليامي]

لاحظت على دمن الناقة اعزكم الله على شكل اقراص (مطعوج مع الجوانب)

[عبدالله بن ناصر ال بجاش]

اذا الناقه اكلها طبيعي وحالها طبيعي لا داعي للعلاج

[عايد الهاجري]

الناقه خلفه ولا عشرااء

[صدام اليامي]

الناقة خلفة

[محمّد الهاجري]

للرفع

عندي حالة مشابهة العلف بزياده و البرسيم عند خشومها

لكن ما عاد تبغي حد يحلبها و هي قبل هدية و حليبها قل

و مثل ما لاحظ اخونا صدام ان دمنها ما هو مكور ، جاي مثل الاقراص كأنه مطعوج و لين