الثني وني

[صدام اليامي]

السلام عليكم ورحمة الله وبركاتة
(الثني وني) جملة يترددها الكثير من أهل الابل .سؤالي هل الفحل الثني يلقح ام لا

[فيصل العاطفي]

اخوي صدام نعم يلقح الفحل الثني

[صدام اليامي]

الله يعطيك العافية اخوي فيصل

[مسعود العماري]

مرحبا صدام

مثل ما قال اخونا فيصل نعم يلقح

والمقصود بوني ان اضرابه ضعيف

وهذي امثال منها يقولون

الجذع لذع
والثني وني
والرباع يضرب مابين السماء والقاع

وانا اعتقد انها مجرد امثال

والبركة من الله سبحانه

[ظافر ال شداد]

على حد علمي الثني اضرابه مهوب مثل الرباع وشي يلقح وشي مايلقح

[راشد المطيوعي]

اخوي الثني يلقح وحتا الجذع السمين الصفراني يلقح انا مجرب هد ولا عليك

[عايد الهاجري]

اخوي الثني يلقح وحتا الجذع

وانا خابر قعود واحدن من الربع القح وهو لقي

والله اعلم

[فيصل معين الشيباني]

صحيح اخوي عايد القح القي معنى مرتين

[صدام اليامي]

الف شكر على افاداتكم جميعاً

[عبدالرحمن عبدالعزيز]

اعتقد ان المقصود ببعض الامثال المتداوله ليس اللقاح والعشار
وانما معرفة الفحل على يسرة النياق والدليل بان الجذع والثني بالامكان
ان يضرب الناقه على يسره او بدون بعكس الرباع وما فوق

( هذا تحليلي للموضوع وقد اكون مخطاء لاني وبكل صراحه لا اجد اي معنى غير ذلك لتلك الامثال)

وقد يكون هناك بعض من يقول ان اللقي يلقح وهذا صحيح ولكن قد يكون هذا اللقي من مواليد الصفري وسنه عندما ضرب كان قريب من الاربع سنوات
ولكن عملية ربط السن بمفرود وحق و....... بالصفري شيء غير واقعي

خلاصة القول ان الثني يضرب ونسبة نجاح اللقاح اكبر من الجذع ايضا

[حاتم العماري]

عندي هالسنه لقي صيفي القح بفضل الله
ومايدخل جذع الا الصيف القادم
------------
الثني وني يعني ان رغبته في البل اقل من الجذع ومن الرباع
ولاعلاقة لذلك باللقاح لكن بالرغبه والحركه وكرف البل
السبب الله اعلم
-----------
تقبل تحياتي

[مناحي المحمدي]

اخوي انا اللي بعلمكم

الكلام الصحيح بحكم اني راعي ابل

الجذع ضرابه اطيب من ضراب الثني

وانتم تعرفون ان الثني اكبر

اما الرباع ومافوق هذي بعارين والبعارين الكبار
ضرابه طيب وهي اول مايتهادر من الفحول البعارين الكبار .

[عبدالرحمن عبدالعزيز]

الاخ مناحي

مشكور على المعلومه
احببت ان اوضح لك بان اغلب الموجودين بالمنتدى اهل ابل مثلهم مثلك
فهل لديك دليل علمي بان ضراب الجذع اطيب من الثني ؟

انا لازلت عند رئيي وهو:
ان هذه امثال متداوله وقديمه في زمن قديم كانت الحال فيه مستوره
لا اعلاف ولا اهتمام بالابل ولا رعاية صحيه
انما الامور تمشي بطبيعتها

اما في هذه الايام فاختلف الحال وانتشرت امور كثيره تساعد اهل البل على الرعايه الجيده ولعل من اهمها
المركزات وما تحتويه من فيتامينات وكذلك التنوع في الاعلاف والرعاية الصحيه الجيده
ولذلك تجد الكثير من القعدان تضرب في سن ثلاث سنوات (لقي) بالرغم من ان السن الطبيعي لبلوغ القعود هو اربع سنوات (جذع)

وتقبلوا تحياتي

[محمد بن شريه المطيري]

المقصود ان الثني وني ان العشار عليه ماهو اكيد

مثل الرباع ممكن ترد الناقه المجسر مره ومرتين عليه ولا يعشر شي

اما الرباع المجسر من اول ضربه تعاشر عليه الأبل

والأبل بالعاده ما توالف البعير الي ما يهدر تنفر منه حتي بالمسراح لانه يرددها ولا يخليها تفلي

ولا عنده خبره مثل الرباع

اما الجذع ممكن يلقح الأبل كلها وعند البدو ان الجذع اضمن لقاح من الثني

[مناحي المحمدي]

الاخ مناحي

مشكور على المعلومه
احببت ان اوضح لك بان اغلب الموجودين بالمنتدى اهل ابل مثلهم مثلك
فهل لديك دليل علمي بان ضراب الجذع اطيب من الثني ؟

انا لازلت عند رئيي وهو:
ان هذه امثال متداوله وقديمه في زمن قديم كانت الحال فيه مستوره
لا اعلاف ولا اهتمام بالابل ولا رعاية صحيه
انما الامور تمشي بطبيعتها

اما في هذه الايام فاختلف الحال وانتشرت امور كثيره تساعد اهل البل على الرعايه الجيده ولعل من اهمها
المركزات وما تحتويه من فيتامينات وكذلك التنوع في الاعلاف والرعاية الصحيه الجيده
ولذلك تجد الكثير من القعدان تضرب في سن ثلاث سنوات (لقي) بالرغم من ان السن الطبيعي لبلوغ القعود هو اربع سنوات (جذع)

وتقبلوا تحياتي


دليل علمي ؟


والله ياخوك مانيب دكتور مير هذا اللي اشوفه من خلال متابعتي للحلال

عندي بعير قد شق نابه

وشفت ضرابه وهو ثني وشفت ضرابه وهو جذع فيه فرق

اما بخصوص الكلام اللي ذكرته

ان القعود يضرب وسنه لقي انا شفتها صراحه . وكذلك في ابلي

وهو قعود بيجذع بعد 5 شهور . ويضرب .

انا والله ماعندي دليل علمي مير رد العلم لمناحي ابن مشلهب السبيعي -_+

[صدام اليامي]

ابشركم الفحل هدر واضرب والقح ست من البل عندي
والله يجزاكم الف خير

[عبدالرحمن عبدالعزيز]

الاخ مناحي

السلام عليكم ورحمة الله وبركاته

وليش مستغرب من طلبي ؟؟
وكون انك شفت هذا في بعيرك لا يعني انها قاعده عامه على جميع الفحول

انا لازلت اقول بان هذه امثال قديمه وليس لها اي مستندعلمي يثبتها
بل بالعكس الثني تكون الحيوانات المنويه لديه اكثر تخصيب من الجذع لنضوجه جنسيا

هذا والله اعلم واحكم

[فيصل العاطفي]

اعزائي

ليس كل حقيقه علميه حتميه على كل الفحول....وليس كل متعارف عليه ايضا حتمي على جميع الفحول
فلكل قاعده شواذ ...

تعارف العامه من خبراء الأبل الجدود..
ان الثني وني والجذع لذع....

وقبل توافد اطباء البيطره

كان اجدادنا وابائنا هم الأطباء وتوافقت اساليبهم وتشخيصاتهم مع مايقوله الأطباء الأن...

بأختلاف المصطلحات والمسميات الطبيه...

ويقال...
اسأل مجرب ولا تسأل طبيب


وتقبلوا تحيتي

[عبدالله بن ناصر ال بجاش]

الجذع لاذع

والثني وني