ابي راي اهل النظر في هالبكره المفروده

[مقعد الشيباني]

السلام عليكم

وش رايكم يا اهل البل في البكره ذي مزيونه والا لا اليكم الصور



http://www.mzayan.com/vb/images/uploads/114_16975439b4afff0448.jpg

http://www.mzayan.com/vb/images/uploads/114_16975439b4b0002794.jpg

http://www.mzayan.com/vb/images/uploads/114_16975439b4b0d01281.jpg

[خالد المطيري]

يمرحبا مليون أخوى مقعد عضو بمنتدى المزاين بين ربعك واخوانك
ومشاء الله تبارك الرحمن على البكره الله يطرح لك فيه البركه
تحياتى لك
أخوك

[مقعد الشيباني]

الله يسلمك ياخالد
لكن ياخالد انت ماعطيتني رايك و
دغيليب البقمي
ماجد العزيزي
جاسم الجربوعي
زاهر العرجاني
مسعود العماري
خالد السبيعي
سعود بن منصور القحطاني
والباقين ماعطوني رايهم
قولولي اشتري البكره والا.............................................

[خالد عبدالله السبيعي]

هلا بالاخ مقعد الشيباني

والله يا غالي أنا وجهة نظري أن لكل صنف خبرائه والمختصين به

وهذا اللون ليس من اختصاصي

ويا ليت أهل المجاهيم يبدون الرأي والنصيحة للاخ مقعد

ودمتم بود

أخوكم

[مقعد الشيباني]

مشكور ياخالد السبيعي على الرد السريع والجميل ودمتم بصحه وعافيه.......

[خالد المطيري]

والله ودى انى ابدى رائي فالبكره بس
والله يا غالي أنا وجهة نظري أن لكل صنف خبرائه والمختصين به

وهذا اللون ليس من اختصاصي

ويا ليت أهل المجاهيم يبدون الرأي والنصيحة للاخ مقعد

واهل المجاهيم مو جودين وراح يردون عليك بقرب فرصه
تحياتى لك

[تركي العتيبي]

الأخ الغالي مقعد الشيباني ما شاء الله على هالبكره..

من وجهة نظري الخاصة والخاصة جداً أنها بكره مزيونه وتستاهل..

ولكن أحب أن اوضح لخوي مقعد أن لكل زين سعره وإذا سعرها معقول فأعتقد
أنها طيبه وقيمتها فيها..

وأن كان أخوي يبحث عن المكسب فيها فيبشر بالمكسب الطيب أن شاء الله..

وإذا تبغى تعرف راينا بصوره أوضح فياليت توضح لنا كم السوم عليها وكم حد راعيها فيها..

أخوك تركي العتيبي.،،،

[فهد المري]

السلام عليكم ورحمه الله وبركاته

اولا احب اصبح على جميع الاخوان الاعضاء
وهذي اول مشاركه لي في المنتدى واتمنى ان تقبلوني عضو لديكم

وبالنسبه للبكره يا خوي مقعد الشيباني
بصراحه حبيت اعلق عليها مع انني لا اريد ان اتعدى على الاخوه اللي ذكر اسمائهم من قبلك

ولكنني اعتبر نفسي اخوهم الصغير وحبيت اقول رايي في البكره
واتمنى تسمحولي جميعا

البكره مزيونه وتستاهل ولكنني اوافق اخوي تركي السبيعي (لكل زين سعره )

بالنسبه للسكل لاباس فيه اما بالنسبه للراس ..... اللحي الاسفل دقيق والاسبال رديه نوعا ما

هذا رايي واتمنى السموحه من جميع الاخوان والله يبارك لراعيها

وتقبلوا تحياتي

[حمد الغواص]

الاخ العزيز مقعد

البكره عاديه اما الاذن والرقبه واللون ماعليها كلام

واوافق الاخ فهد في ما قال

[مقعد الشيباني]

اشكر كل من ابدى لي برائيه وللمعلوميه البكره عليها سوم اربعة عشر الف ريال والرجال محتد وحادها بستة عشر الف ريال والله يكتب اللي فيه الخيره.

[سعود بن منصور القحطاني]

السلام عليكم
اخوي مقعد اشكر لك ثقتك الغالية حقيقة حاولت ابرق في البكرة اكثر من وقت لآعطيك راي مقارب للحال وخلاصة رأيي فيها الآتي :
الرأس: جيد ، أما الخد لك عليه وكذلك السبال .
الرقبة: ما عليها كلام ،وكذلك الغارب واعتقد إذا اللون الحقيقي كما في الصور ..
الجنب غير واضح لي في الصورة ،وكذلك الطول والخف والذيل والعراقيب .
الناقة فوق الوسط والزين قدامها إن شاء الله ،وإذا ابوها فحل معروف وأمها زينه فالسعر زين والا فهي في حدود السبعة آلاف،لآن اصلها له نصف القيمة
وسلامتك .

[دغيليب البقمي]

الاخ/مقعد الشيباني
يامرحبابك ترحيبة البدو لسيل
اعذرني على التاخير توني اليوم قريت موضوعك
بالنسبه للبكره يبدولي انها دون الوسط
اشوف انها ماهي سناد دنا اشوي ايداها قصيره
والناقه اذا ماجت سناد مايرغبونها هل البل حتى لوهي مزيونه
اما بالنسبه للقيمه اللي ذكرتها في واجد شوي قيمتها مثل
ماذكرو الربع انها من السبعه وبعد دون
بالقيمه هذي تلقى ازين منها ابعييييييييد
تحياتي لك

[جاسم الجربوعي]

الاخ مقعد الشيباني

ارحب يالغالي والله يحيك ومرحبا مليووون

اسمح لي على التاخير في الرد اما بخصوص البكره المعروض

فانا اشكر لخوان الي اسبقوني عزالله انهم كفو وفو

اما بخصوص البكره فالبكره عاديه اما الاذن والرقبه واللون ماعليها كلام

اما الاسبال رديه والقيمه الي ذكرتها اشوف انها واجد عليها

وتقبل تحياااتي

اخوك

[مسعود العماري]

الاخ مقعد الشيباني آسف جدا على التاخير والعذر والسموحه
والبكرة زينة و رقاق وخشمها طيب ولحيها طويل وغاربها زين وسنامها منفهق وزين واللون بعد
واخذها وانت جري بالقيمة اللي ذكرت والبكرة حقيقة تبي شوي مكدة واتعب عليها وبتجيب لك قيمة بعتها والا قنيتها .الله يبارك