الفحل وشو أسبابه ما يهيج

[عيد العنزي]

السلام عليكم ورحمة الله وبركاته
كيف حالكم ياهلى الابل
وربي منحرج أني ما دخل الموقع من العام بس الله أعلم بالاشغال
يارجال
الفحل اول العام جذع وهاج وضرب واللقح ثلاثه من النياق ولدن .
العام ثني ما هاج هو مشتهي الابل ولا لقح عندي شيء ,
وهالسنه للحين ما هاج ولا ادري وش بلاااااه تكفون اللى عنده فكره اوعرف يهيج الفحل يعلمني .

تحياتي للجميع
اخوكم عيد العنزي

[عيد العنزي]

يسعد الله مساك يا نجر بن محماس
كيف صحتك
والله كان هالكلااااااام صحيح
والله انهااااااا مشكله
اشكرك على الرد
وانتظر الشباب يردون قبل لاحرق طاقيتي وحد ثيابي
تحياتي لك

[عبدالرحمن الدعجاني]

عليكم السلام .. انصحك تحط لك شيعه وتحط البعير وسط البل .. وبيهيج ..

وفيه طريقه يسونها في الصيف يروشون البعير فالفجر ..

هذا اللي يحظرني هالحين .. وان شاء الله تنحل مشكلتك بأسرع وقت
..

[فيصل الناصر]

ان كان قدرت تجيب عند الابل فحل ثاني بدون مايضرب اذا شافه الفحل اللي عندك بيهيج ان كانه طيب ولا به
مرض وشي ثاني يأخر هياج الفحل هو الضعف من قلة الاكل0




تحيـــــــــــــــــــــــــــاتي

[محمد بن شريه المطيري]

مع الأخ فيصل

في بعض البعارين ما تضرب ولا تهيج الي من تشوف فحل ثاني في المراح

ويمكن الأبل مافيهم مجاسير ولهذا الفحل ما يهيج

في ابر تهيج البعير وفي ابر تسجر الأبل جرب

[عيدالمنصورى]

ارحب يالسمي
المشكله لو كان فيه مختبر لفحص الدم كان عرفنا العله
لكن بدون الفحص هقوه اما تصيب والا تخيب
خل البعير يمشي وسبحه كل مساء وحاول تعطي البعير مجموعة فيتامينات

[عيد العنزي]

ربي يوفقكم
يا شباب وربي انكم كفيتو ووفيتم
الابل فيها نياق مجسره والفحل يبهم
والسمن وما عليه قل شحم
والتسبيح العام وربي هبلته من كثر التسبيح
والعام عطيته ابره وهديت بالنياق جمل
ومن الغريب ان الجمل قافل بطنه ضامر واذا ابعدت الابل زبده يتقطع يبيهم ويبي يقطع الرباط واذا هديته بوسط الابل يبي يضرب
بس مشكلته الحاليه انه لو اضرب من ناقه ثلاث اربع دقايق يقنع منهااااااا ويطيح عنهااااااااا ولا هو هادر
وربي يوفقكم الى ما يحب ويرضى
تحياتي للجميع

[خالد بن مبارك السبيعي]

في بعض البعارين ما تضرب ولا تهيج الي من تشوف فحل ثاني في المراح



كلام اخوي \ محمد بن شريه صحيح



والله اعلم

[فيصل العاطفي]

ربي يوفقكم
يا شباب وربي انكم كفيتو ووفيتم
الابل فيها نياق مجسره والفحل يبهم
والسمن وما عليه قل شحم
والتسبيح العام وربي هبلته من كثر التسبيح
والعام عطيته ابره وهديت بالنياق جمل
ومن الغريب ان الجمل قافل بطنه ضامر واذا ابعدت الابل زبده يتقطع يبيهم ويبي يقطع الرباط واذا هديته بوسط الابل يبي يضرب
بس مشكلته الحاليه انه لو اضرب من ناقه ثلاث اربع دقايق يقنع منهااااااا ويطيح عنهااااااااا ولا هو هادر
وربي يوفقكم الى ما يحب ويرضى
تحياتي للجميع



=====================

اخوي عيدالفحل ضرابة ماهوب حسبتة بالدقايق اللى يجلس يضرب الناقة فيها ا لضراب

على الضفة( ضم ) يعني كل ضفة يقذف فيها يعني ممكن يضرب ناقة دقيقة وتلقح باذن اللة


هذا اللى حبيت اضيفة والاخوان ماقصرو وبارك اللة فى بعيرك

[عيد العنزي]

صباكم الله بالخير يالنشاما
والله انكم كفيتم وفيتم

راعي النياق والله ما يرتاح اذا فحل نياقه ما يهيج هياج صحيح بس ربك مو قاسم هذا الشيء
الله يعين
اشكرك على اهتمامك
تحياتي لكم

[حاصل اليامي]

الاخ عيد
انا كانت عندي نفس المشكلة بالضبط وبعد استشارة اهل الخبرة وهل الطب نصحوني بالاتي
1-وضع البعير مع البل المياسير في شبك
2- يعطا 4 حبوب مركزة للدود
3-الطعام يخف عليه وينوع له يغدا شعير ويعشا برسيم
4- خذ لك قدر ماء واقر فيه الفاتحة والمعوذات والكرسي ورش على وجهه وظهره وحاول انه يشرب منه
اخيرا ان شاء الله يهيج ويلقح ويمنحك الله منه وبالتوفيق

[عيد العنزي]

رحم الله والديكم ياشباب
والله انكم ما قصرتو
وشكر يا حمد اليامي
ولا قصورنااا بالشباب اللى ردو عليه
اخوك عيد

[محمد بن شريه المطيري]

يا عيد انت كلامك متناقض

مره تقول الفحل ما يهيج وتالي الفحل يضرب مدة قصيره


اخوي عيد الضراب استشمال ماهو طول مدة ولا قصر مده

حتي لو دقيقه استشمل عليها يعتبر ضرب ضراب صحيح وتبتدي انت تحسب للناقه

اما طول وقت وقصر وقت هذا شي لا يعتبر مهم عند اهل الأبل ما تفرق الساعه من الدقيقه طالما ان البعير

يستشمل فضر ابه صحيح

[عيد العنزي]

الاخ العزيز محمد بن شريه
مساك الله بالخير
اخوي افحل يبرك الناقه ويضربها حتى بالقيض راغب الابل بس هياجه الحين موهياج الفحل اللى تبي لاهدير ولا مهداره
والعام نفس وضعه الان قافل الفحل بس وهو الان لو اهده يضرب بس ضراب مروح مو ضراب الفحل اللى تبي
اول سنه هياج له وربي اني اخاف منه وانا مربه من صغر بس عيونه شابه نار وبي بس يضرب واول ماهده يبركها يبركها ان كانت تبي الضراب والا ما تبي الفحل العام ما شفت مهدارته اللى مره هديت بالابل فحل جاري وفحل جاري ضرب والقح الابل اللى ضربتها من وفحلي لا علما انه اعياله عندي
تحياتي لك وللاخوه واشكرك على اهتمامك

[زايد المنصوري]

على حسب علمي و الله أعلم أن البعير قد ضرته ناقة من الابل لازم تعطي البعير ابره مضاد حيوي على مدى اسبوعين ابره كل ثلاث ايام ...

ان شاء الله يطيب

[عبدالرحمن عبدالعزيز]

الاخ عيد

بعد التحيه

بصراحه يا اخوي معد ندري وشتبي انت بالضبط !!!
هل تبي ضراب وتلاقح الابل عليه؟
او تبي البعير يهدر وتسمع هديره وتشوف هدارته؟

وضح الي تبيه بالضبط في نقاط وابشر بالرئي من الجميع

وتقبلوا تحياتي

[عبدالله بن ناصر ال بجاش]

في بعض البعارين ما تضرب ولا تهيج الي من تشوف فحل ثاني في المراح

[عيد العنزي]

مساك الله بالخير
رحم الله والديكم
وماقصرتو
اتبعت كلام الاخ حمد اليامي

وبالعفل هاج البعير هياج طيب بعد ماتبعت كلام الاخ حمد 20 يوم هاج و انشاء الله انتظر العشار
خالص تحياتي لكم
اخوك عيد العنزي

[مشعل الكرين العتيبي]

الف مبروك عليك ياعيد

وعسى الله يرزقك منه اللي تبي

والله يكفيه شر عيون الناس والله الظاهر انها عين

مشكور جدا على الإفاده في هالموضوع الحساس

اشكر كل الاخوان اللي فادونا

واخص بالشكر اخوي حمد اليامي

والله يوفق الجميع

والله يبيض وجيهكم