رايكم يهمنا ب اهل الراي

[عبدالرحمن الضخيري]

السلام عليكم ورحمة الله حميعاَ
يالربع ان طالب ذمتكم انكم تعطوني الراي فالقعود وياليت النقد يكون واضح ومفصل و النهايه هل يفحل والا ما يفحل
الواحد ما يبي يتعب سنين بدون فود
والقعود تراني شارية على راي رجل اعزه واغلية لاكن مالى غناه عنكم انتم اهل الراي والعلم

مرفق صورة القعود وصورة ابوه

وترا الراي الصحيح ما يزعل


نخيتكم لا تنسوني الراى بدون مجامله

http://www.mzayan.com/vb/attachment.php?attachmentid=580&d=1225264052
http://www.mzayan.com/vb/attachment.php?attachmentid=581&d=1225264063

[مرزوق العتيبي]

وعلكم السلام ورحمه الله وبركاته


راس القعود عادي وباقي جسمه زين

[محمد ابو عدوة]

اخوي عبدالرحمن القعود شكله عادي مافية شي يجذب وشكل ابوه اطيب منة بكثير واذا كانت امه طيبه ويقالها ام الفحل فاصبر علية لين يجي حق وتحكم علية واهم شي الساس طيب ومعروف .

[عبدالرحمن الضخيري]

يالربع أبي الراي من الجميع
ولاهو قصور بالي رد

[بدر الذيابي]

القعوووود لايصلح فحل ولافيه الا رقبته والباقي عاااااااااادي جدااااااااا




الله يرزقك باطيب منه

[فرحان البهدل]

القعوووود لايصلح فحل ولافيه الا رقبته والباقي عاااااااااادي جدااااااااا




الله يرزقك باطيب منه

مع كلام اخوي بدر

[سعد راكان السبيعي]

القعود عادي

[عبدالرحمن الضخيري]

جزاكم الله خير والله يعوضنا بخير منه

[راشد العرق]

القعود عادي ياعبدالرحمن ووجه العون يعرف في المهاد

وكم من عادي جاب طيب

والافضل ان الفحل يكون عون ولون يعني شكله واصله كلها طيبه عشان اصله يساعد شكله

وبتلقى ان شاء الله اخير منه

وصاحبك لو ماهو خابر وراه اصل طيب ما شراه لك

[زاهر العرجاني]

وعلكم السلام ورحمه الله وبركاته

ياخ عبدالرحن

اولا اشكرك على ثقت باراء اخوانك في المنتدى اللي من خلاله راح تهد قعودك او دور غيره

انا ماني راعي مغاتير لكن ابقول راي مادم ان القعود عاده مفرود ويبغى لك كم سنه وانت تنتظره حتى يصير فحل

لابالله الا دور لك واحد غيره فالقعود شكله عادي والله يرزق باطيب منه شكل وفصل

وتقبل فايق الاحترام

[راشدالمري]

الاخ عبد الرحمن
وعليكم السلام ورحمة الله وبركاته
القعود شكلا مايصلح فحل والارزاق بيد الله والفحل بيجيب شكله وخواته من الجمل بأذن الله
ونصيحتي لك دور غيره ولاتكون هذه الشريه لك عقبه انك معاد تشتري بل قد تشتري مره وثنتين ولايطلع الي في خاطرك .
والافضل انك تشتري من حق الي لقي لانه قده باين طيبه ورداه اما شرية الحيران والمفاريد فهذه توهق ممكن يطلع فوق ماتوقعت وممكن يطلع مقصب
اتمنى لك التوفيق في الدنيا والاخره ولجميع المسلمين

[عبدالرحمن الضخيري]

الله يجزاك جميع خير وحق الله انكم نصحتم وما قصرتم وهذا العهد فيكم

[نواف بن جندل العازمي]

قعود عادي جدا ولا يصلح فحل

والله يبارك لراعيه والحلال كله مبروك

[فهد الأحمد]

الاخ عبد الرحمن
وعليكم السلام ورحمة الله وبركاته
القعود شكلا مايصلح فحل والارزاق بيد الله والفحل بيجيب شكله وخواته من الجمل بأذن الله
ونصيحتي لك دور غيره ولاتكون هذه الشريه لك عقبه انك معاد تشتري بل قد تشتري مره وثنتين ولايطلع الي في خاطرك .
والافضل انك تشتري من حق الي لقي لانه قده باين طيبه ورداه اما شرية الحيران والمفاريد فهذه توهق ممكن يطلع فوق ماتوقعت وممكن يطلع مقصب
اتمنى لك التوفيق في الدنيا والاخره ولجميع المسلمين


أتفق مع أخوي أبو تركي

[صالح الخشرمي]

الاخ عبد الرحمن
وعليكم السلام ورحمة الله وبركاته
القعود شكلا مايصلح فحل والارزاق بيد الله والفحل بيجيب شكله وخواته من الجمل بأذن الله
ونصيحتي لك دور غيره ولاتكون هذه الشريه لك عقبه انك معاد تشتري بل قد تشتري مره وثنتين ولايطلع الي في خاطرك .
والافضل انك تشتري من حق الي لقي لانه قده باين طيبه ورداه اما شرية الحيران والمفاريد فهذه توهق ممكن يطلع فوق ماتوقعت وممكن يطلع مقصب
اتمنى لك التوفيق في الدنيا والاخره ولجميع المسلمين

مع الاخ راشد

[راشد المطيوعي]

اخوي ا انت طلبت الشور بذمه وانا اشوف القعود راسه عادي واما غير راسه طيب وهاذا الوقت الناس والمزاين اهم شي الراس اخوي وعذرني انت من طلب الشور

[زايد المنصوري]

لا تتعب عليه القعود عادي جدا و الركاب الطيبة واجد