نخيتكم يالطيبين الناقه ديدها مورم

[بدر الذيابي]

بسم الله الرحمن الرحيم[/color


[color=#D2691E]مساكم او صبحكم الله بالخيررر


يالربع ابي فزعتكم انا عندي ناقه شريتها غاليه وتسوى البل كلها

الناقه ملاقي والمشكله ان ديدها مورم رغم انها تسرح مع البل ولاهي مشبوكه

والورم مغطي على تحاليل الديد

تكفون ابي فزعتكم وهل الابر تضر الناقه بها الوقت والا اخليها لين تلد

واعطيها الابر ؟

وش افضل علاج لها ؟ سواء شعبي والا بيطري؟


وهل هو خباش ووش علاجه؟

[عبدالله الراجي]

اخي لي تجربة ناجحه والحمد لله
فيه ابر للديد تعطى داخله وهي انواع واعرف منها mastilex 5 ml
ثم ابرة 20 سم فى العضل اسمها strepcilin اواي نوع من البنسلين
وكريم للديد اجوده الفرنسي لايحضرني اسمه الان
كل هذا يوميا لمدة 5 ايام وانشاء الله تطيب

وباقي الاخوان مايقصروا

[فيصل العاطفي]

اخوي بدر انصحك ماتعبث فيها وعليك بالماء البارد رش على ديودها ومعلق الديود

[مبارك المري]

اذا كانت صحة الناقة زينة ولا عليها اي اعراض مرض

فهو خبّاز (خباش) ودواه المشي فقط ربما ان المسافة اللي تمشيها بسيطة

يعني زود المسافة وحاول انك تسوقها لمسافة 5 كيلو لمدة يومين واذا كان خباز بيروح

[عيدالمنصورى]

مع الماء البارد والمشي

[عبدالله الراجي]

اخي الاخوان ماقصروا
وبعد كلام حبيب الجميع عيد المنصوري ليس لنا كلام

تقبلوا تحياتي

[علي العكيلي]

بفضل الله جربناها بتجربة عابرة جبنا ثلج مجروش المكعبات وحطيناه في كيس مباشرة على الديد داخل الشمالة مدة يومين في الصبح كيس والعصر كيس مع المشي وعافاها الله

[حسين عبدالهادي]

اخوي اذا صحتها طيبـة عليك بس بالماء البارد جدا مع الفجر وان شاء الله ما عليها خلاف واذا ان شاء الله ولدت بيروح على طول .. الله يشفيها لك ويبارك لك فيها