انتفاخ الوجة

[خالد العرجاني]

السلام عليكم ورحمة الله وبركاتة
عندي سؤال وارجوا الاجابة
عندي ناقة يوم اصبحنا اليوم لقيت راسها منتفخ ولا ادري وش الي بها
وماهو العلاج لاهنتو

[راشد المطيوعي]

اخوي الله يشفيها يمكن كثرت في العلف وحمرت وبتشفى بذن الله

[محمد ابو عدوة]

مرحبا اخوي خالد هذي الباردة بعضه ينتفخ وجها وتسكر عيونها وبتشفا انشاء الله واحرص لاحد يقرب الناقه وفيه ريح طيب اوعطر

[خالد العرجاني]

الاخ راشد جزاك الله خير ومشكور على مرورك

[خالد العرجاني]

الاخ محمد ابوعدوة جزاك الله خير وبيض الله وجهك ومشكور على مرورك الطيب

[سامر الحربي]

الله يشفي ناقتك .. ويبارك لك فيها ..

[فيصل العاطفي]

مرحبا اخوي خالد هذي الباردة بعضه ينتفخ وجها وتسكر عيونها وبتشفا انشاء الله واحرص لاحد يقرب الناقه وفيه ريح طيب اوعطر



-------------------------- مع الاخ محمد بس لازم من علاج بيطري سريع وهو عبارة عن حقنة

والله يشفيها

[عبدالله عبدالعزيز]

اذاكان الانتفاخ مصحوب بحبوب كثيرة ومنتشرة في جميع الرأس فلاتشيل هم امره بسيط عطه بودره مضاد حيوي تحصله بالصيدلية
البيطرية يوضع مع الماء والله يشفي حلا لك

[عبدالعزيز العبدالله]

الأخ خالد

السلام عليكم ورحمة الله وبركاته

عطها ابرة ينسلين ( مضاد حيوي ) للناقة الكبيرة 25 سم لمدة 4 ايام والله الشافي .

تحياتي

[نواف الحربي]

الله يشفيها ويحفظ حلالنا وحلالك من كل مكروه

مرضها البارده والله اعلم

وبتلاحظ تطلع جروح بمشرب الناقة


اذا الناقة فيها حراره عطها بنسلين

واذا مافيها حراره ان شاء الله ما تحتاج بنسلين

وهو يجي ويروح

فقط الجروح تحتاج تطهير بالماء والملح

[خالد العرجاني]

الاخ سامر الحربي جزاك الله كل خير

[خالد العرجاني]

الاخ فيصل العاطفي بيض الله وجهك على مرورك الطيب

[خالد العرجاني]

الاخ عبدالله عبدالعزيز لا يوجد اي حبوب انتفاخ فقط وابشرك انت والاخوان بان اليوم الانتفاخ خف
بكثير وجزاكم الله كل خير والله يجعلها في موازين اعمالكم وهذا ان دل دل على روح الاخوة بيننا
ولا عدمناكم والله يجعلكم ذخر لاهل الحلال امين يا رب العالمين

[خالد العرجاني]

الاخ عبدالعزيز العبدالله بيض الله وجهك على المعلومات المفيدة ومشكور على مرورك الطيب

[خالد العرجاني]

الاخ نواف الحربي مشكور على مرورك ياالغالي